قطعن قلبي هالبنات :(

**ShooqAlMaha** · 2006-11-12, 01:08

مرحبا والله ...........

اليوم حبيت اعرض عليكن موقف مر عليه ...........

كنت في عرس ويالسين عدالي بنات صغاريه اعمارهن بين التسع والعشر سنين .........

سمعتهن ايسولفن ........ البنات كانت وحده منهن ابوها الي المعرس امطلق امها وكان عرسه ذيج الليله ....... والثانيه بنت ريل خالت البنت ......

قاعدات عدال بعض فتقول بنت المعرس حق ربيعتها :

انتي اتحبين خالتيه يوم ابوج خذها ؟؟
ردت البنت الثانيه : لا ما حبها ...........

بنت المعرس حق الثانيه : انا بعد ما حب العروس الي بياخذها اصلا هذي خسفه بس ماما احلى عنها
والغريب انه امها امعرسه من ريال ثاني ؟؟

تميت اطالعهن لين ما دخلت العروس وماشاء الله العروس كانت اتجنن الله يحفظها وشفت البنت الي قالت انها خسفه ركضت وحبتها وقعدت عندها تصور ....

والثانيه قاعده في حضن مرت ابوها ......!!!!

يالله شوفوا براء الاطفال بالرغم من مشاعر الحزن عندهن بس بعد ايظلون اطفال وايحسون ويفهمون ..

والاهل هب هامنهم مشاعر واحاسيس هاليهال ............. وين الاستقرار الي بيحسونه إذا الام امعرسه والابوا امعرس والعيال ضايعين في الطوشه ............

والله دمعت عيني لما شفت بنات الريال يوم حدر القاعه العوده ام 12 سنه اتصيح والثانيه قاعده في حضن ابوها ما خازت عنه ........

تميت اقول ليش الدنيا جيه حتى الصغاريه يعانون ..........

الله ايحفظهن ان شاء الله من كل شي والله لا يبلي اي مسلم بهالشي ..........

تحياتي .................

المزيد من آخر المواضيع من نفس القسم:

**أم مها11ري** · 2006-11-12, 06:46

شي طبيعي فدييتج...الله يعلم بالظرووف الي خلت والدينهم يتطلقون

يمكن الطلاق كان احسن من الاستمرار تحت ظروف قاهرة

واليهال ما يعرفوون هالشي الا لما يكبروون ويقدروون الي صاار

وماحد يعرف شاللي يصي بين الحرمه والريال الا رب العالمين

وهالشي تاكدت منه لما تزوجت اشياء كثييرة ممكن تخلي الحرمه

تفكر في الطلاق وتسود عيشتها وما تقدر تبووح لشخص ثاني

باللي فخاطرها ولو تكوون امها .....سبحان الله ويمكن تكون مشاكل

عااديه مايخصه في الطلاق

عالعموووم الله يديم المعرووف ان شاء الله ويخلي لي ريلي

ويخليلكم رياييلكم

مشكوورة عالموضوع اختي

**BntZayed** · 2006-11-12, 08:17

اطفال و مايعرفون شي

و البراءه هي اله محلتنهم

الله يعينهم انشالله و يصلح مجتمعنا انشالله من هالظواهر

بس في الاخير كل شي قسمه و نصيب

**لقيمات بالدبس** · 2006-11-12, 10:11

وحليلهم قلبي عورني

**سندريلا** · 2006-11-12, 20:28

حلييلهم حراام

**شيما** · 2006-11-12, 22:17

يمكن الريال ممرتاح وياحرمتة أو العكس

البيوت أسرار الله يعين اليهال شو ذنبهم

**أم عزه** · 2006-11-14, 10:56

والله قطعوا قلبي

**شموخ التواضع** · 2006-11-14, 18:22

الله يعينا.. على دنيانا

**sweety_girl** · 2006-11-14, 18:27

حتاا انا عورني قلبي عليييييهم

**أحبكم مره مره** · 2006-11-14, 19:17

بنات الريال يوم حدر القاعه العوده ام 12 سنه اتصيح والثانيه قاعده في حضن ابوها ما خازت عنه ........
ياربييييييييييييييه قطعتي قلبي حرام عليك..ليش يحضرون أصلا حرام على اهلهم الباقين ليش يخلونهم يتفرجون..

الموضوع: قطعن قلبي هالبنات :(

أدوات الموضوع

عرض

قطعن قلبي هالبنات :(

المزيد من آخر المواضيع من نفس القسم:

المواضيع المتشابهه

قطع حرير ويا قطعن

مستغربة من هالبنات ؟!!!!!!

متى بيفهموووووووووون هالبنات

دلـــــــوني على هالبنات ..

اعطوني حل مع هالبنات