محل تفصيل عبي

**mo0ody Girl** · 2008-05-13, 17:57

بنات بغينا نستفيد من بعض في محلات خياطة العبي .. لاني انا وحده من الناس احب اصمم عبيه بنفسي والخياط اللي ادووم اسيرله خياط يضبط الموديل والقياس وقطعه حلوه ويفهم عليه وراعيته مواطنه في الكرامه صوب البريد .. لكن المشكله احس انهم واايد امبالغين في الاسعار يعني شيله موول مووول ما فيها شي الا خط في النص قالي ب 450 درهم .. خييييبه وين يبا .. اشكره نصب يعني لوما انعرف نجيم الموديل بنقول !! .. المشكله انه ما ينزل ولا ربع درهم حتا ولو اتشوفون ديزايناتهم .. والله انه بوهيل عمه .. .واايد قاموا يستغلون الزباين الصراحه
فشوا عنكم .. اتعرفون محلات اوكيه ولا لا ؟.. لان عندي ديزاينات وابا افصلهن
وان شاالله ان شاالله اذا حصلت خياط اوكي يضبط الموديل بخليكن تستفيدون من ديزايناتي ^^

المزيد من آخر المواضيع من نفس القسم:

**mo0ody Girl** · 2008-05-13, 19:22

وينكم بناات

**أحلى حبوبة** · 2008-05-15, 15:59

عندج الرشاقة للعباية و الشيلة عند المطار
هو محل صغير بس وااايد يسوي اوكي ^^ والسعر صدقيني وااااااااااااااااايد رخيص

**мιšš мαнα** · 2008-05-15, 18:13

الصراحه الحين كل المحلاات طااايره .. ان شاءالله تحصلين .. وان حصلتي خبريني هههه

**mo0ody Girl** · 2008-05-25, 00:25

احلى حبوبه .. مشكوره على ردج حبيبيتي وان شاالله بتصلبه عشان ادل المكان وبسيرله ^^

ميس مها ... فديييتج اكيد بخبرج .. بس عاااد اترييي لين ما نلقى ههههههه

**سارة** · 2008-05-25, 01:16

انا شراتج مدمنه عبي ,, اذا شوف مديل احب اغير فيه ... واروحيه اشتري اللاينات .. والحين لحمدالله رب فتح عليه وعندي مشغل ..وافصل فيه .. بس ايقولون فعيمان فيها خياطين ..يظبطون وارخاص ,, بس ماجد اتعاملت وياهم ..
نشالله لبنات ايفيدنج الغالية.. والسموحة منج

**el_nood** · 2008-05-25, 02:23

يقولون في محل في مدينة زايد
أغلى طقم ( عباه وشيلة ) عنده ب 300
ما أدري اسمه سهل .. سهيل.. مش متأكده
شفت مرة وحدة مخيطة عنده.. صراحة شئ
وشغل مرة نظيف

**mo0ody Girl** · 2008-05-25, 11:34

ساره >>> .. اتصدقين ان فخااطري فخااطري اسويلي مشغل واخيط ديزايناتي اللي اسويها ...بس هالشي يباله تفيج لاني جامعيه .. فشغل الجامعه يكفي بس ان شاالله من اتفيج بسويلي بزنسي الخاص ^^

el_nood >>> ثانكس غناتي بس انا من دبي ما اروم اسير بوظبي ههههه .. مشكوره فديتج اهم شي خذت فكره عن المحلات

**مريووومه** · 2008-05-25, 11:54

انا من أبوظبي و الصراحه احس الحين اسعارنا ارخص وااايد من الشارجه و دبي مول كل المحلات لا بعضها
بس عن نفسي احب موديلاتي تكون احتكار لنفسي يعني انا ارسم الموديل و اوديه الخياط و يسويها لي ان كثرت 800

**غــويه** · 2008-05-25, 12:22

الحين كل شي غلا والله يعين

ولا في دبي مااعرف .. في شارع الحلوان في الشارجه شي محلات تخيط لج ويمدحون خياطتهم للعبي

موفقه

**نور البحرين** · 2008-05-26, 15:26

يابنات فيه محل في البحرين يسوي عبي وجلابيات روووووعة واسعاره جدمعقولة

**Hana55** · 2008-05-26, 15:33

للرفع

^_^

**لاليك** · 2008-05-26, 15:51

ماعندي فكره

الموضوع: محل تفصيل عبي

أدوات الموضوع

عرض

محل تفصيل عبي

المزيد من آخر المواضيع من نفس القسم:

المواضيع المتشابهه

تفصيل عبي

تفصيل

تفصيل شنط ف دبي؟؟؟!

تفصيل