(الدفعة الثانية) من صور اغراض الدكان مال اول --- دخلو شوفوا واتذكرواايام الطفولة

[أم_أسماء]

السلام عليكم ورحمة الله وبركاته

هي صور الدفعة الاولى لاغراض الدكان للي ماشافن
http://uaewomen.net/showthread.php?t=238418

والحينة بنبدأ بالدفعة الثانية
بسم الله الرحمن الرحيم

هاي صورة الدكان ويللا بالدور وحدة وحدة (ترا الصورة جديمة مب عقب تنشدوني وين هالدكان لان روحي ماعرف)


ها البسكوت جديييم ودوم موجود حزة الاعياد وشي منه بس انواع ثانية


هذا كت كات بس الشكل الجديم واللي عداله الشكل اللي أجدم عنه... تحيدون دعاية الباندا اللي ترقص وتاكل كتكات هههه

وبعد فترة طلع كراميلا بو نارجيل
وعقب التوفي كريسبي (بو العيش أونه) بس كان بالنسبة لنا قبل غالي يمكن درهم ولا درهم ونص

حلويات مشكلة وبرميت


وجيلي البيبسي بعده موجود


حلاوة البقر


والصورة غنية عن التعريف



يمي يمي.. الصورة مكررة بس هالمرة فاتتحين قرطاس الكاكاو


اختار ولا تحتار


[IMG]

شي بعد صوووووووووووووور ف رجااااااااااااااااااااءااا مااااااااااااابااااا ولالالالالالالالالالالالا رد رجاااااءا
يتتتتتتتتتتتتتتتتبع

المزيد من آخر المواضيع من نفس القسم:

• عضوة جديدة 😘
• الاهل و انا
• بسم الله الرحمن الرحيم وحيده ومحتاجه صديقه...
• خريجات مدرسة القطارة الاعدادية في مدينة العين
• مساعدة
• ساعدوني ولا تهملون رسالتي 😭😭😭😭😭
• اهلا
• رواتب محلية رأس الخيمة
• ملتقي خريجات سوده بنت زمعه
• عن رواتب الحضانات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم_أسماء]

عصير مثلج




ها مسدس الاولاد ما يخصنا فيه




التيييييلة




كنا نستخدمه لحصة التربية الاسرية قسم الخياطة


الصمغ اللي نسويه بالونات طبعا نوعيه جديدة القديم كان ملون ..وبعد ما ينفخونه


حلويات ونقل وبيض الصعو


بسكوت الغزال بالكاكاو اذكره وكاان طعمه لذييييذ.. بس عليه صورة غزال ومكتوب ليون هههه


اووولكر بالشكل الجديم


الحلاوة اللي تناقع في الحلج .. شي منها لكن ها جديم
[IMG]http://********.maktoob.com/ups/u/8436/9564/119967.gif[/IMG]

شيييييييي بعدددددددد ف رجاااااااااااااااااءاااا مابا ولالالالالالالالالالالالالالالالالالالالا ردد بليييييييييييييييييز
يتتتتتتتتتتتتتتتتتتتتتتتتتتتبع

[مروهاج]

ماشاء الله انتى جديمه بس والله ايام الان كل شي مسرطن حسبي الله
الا كاكاو اولكر

[أم_أسماء]

هالجبس جديم بس بعده موجود ومتوارث هههه


كادبوري الجديم


هاللعبة جدييييييييييييمة بس بعدها موجودة وما كنت اشتريها الا ببيزات العيد.. مب دوم عندي بيزات هههه


البراية مال اول .. سوقها شغال وقت الاستعداد للمدارس


هالالوان جديمة بس موجودة الحينة بس بشكل يديد ومتطور


العاب الاولاد بالبتري طبعا


[IMG]http://members.*************/yaba3dhom/20080319/awao_11.jpg[/IMG]

كوشنز الصوف... كانوا يشترولي اياها في اجازة الصيف اونه عسب استفيد من الاجازة الصيفية ههه


كمبيوتر صخر حليله


شييييييييي بععععععععد صوووووووور فر جااااااااءاااااااا ولالالالالالالالالالالا رد لين ما اخلص بليييييييييز ....... يتتتتتتتتتتتبع

[el7lwah]

ههههههههههههههههههههه

والله صدق ايام حلوة

تسلمين الغالية

[tmyz]

صدق عذااااب

والله اشتقت لايام اول

الله يفرح قلبج يا اختي

[أم_أسماء]

هالسبورة من الاشكال الجديمة بالطباشير .. اذكر كانوا يطلبونها منا اول ما ندخل الصف الاول الابتدائي نتعلم الحروف والارقام وكنا نمسح المكتوب باسفنج المواعين... حليلنا اياااام الغني والفقير كان سوي.. لا ماركات ولا شي


وهاي طباشير المعلمين وشي منها ملونة بس ما حصلت صورة


دفاتر وكراسات مال قبل "كشكول" خخخخ


يوك كبرنا شوية في الابتدائية العليا نزلت موضة هالمسطرة


وهاي مسطرة أجدم


يا سلالالالام ايام الروضة والاول الابتدائي


خخخخخ هالكرسي مال اول قم بو خمس دراهم عليه صورة فواكه ومرات اناناسة.. حليلنا ما نتشرط قبل


هذا عاد كان من أرقى الاقلام قبل "قلم رصاص بو راس مساحة"


عرفتوا شو ها؟ هالصلصال الجديم ايام الروضة وحصة الرسم في الابتدائية الدنيا


شييييييييييييييي بععععععد فرجاااااااااااااااءا ولالالا ردددد ارجوووووووووووووووووكم
يتتتتتتتتتتتتتتتتبع

[أم_أسماء]

تبون صبار؟؟؟؟ ههههه هالصورة داشة عرض بس بعد من ايام الطفولة نتيمع في الفريج وندور شيرة الصبار ونتعافد عليها هي وشيرة اللوز والسدر


اشرطة رسوم متحركة جديمة


التيلفزون الجديم.. كان عندنا منه.. جك جك جك يوم نجلب الققنوات واقفين ع راس التيلفزون بالأريل لا ريموت ولا بطيخ ولا دش


اااااه بصيح كانت عندي نفس هالشنطة بالضبط يوم العيد مخلتنها حق عيد الفطر والاضحى


المقلمة البنوتية الدلع الجديمة


شريطة المدرسة مالت الشعر بس كانت النقاط سودة هاللي مسموح ايامها بس هههه


المقلمات الولادية


وهالمقلمة من صوبين هههه كانت عندي منها


لاتعليق


هههه الصمغ الجديم وايام الاوراق الملونة مال حصة الرسم


الطوابع المدرسية الجديمة


آرسي " ردبول" ع ايامه ههههه


مال اول بس شي منه الحينة لكنه مطور


شييييييييييي بععععععععععععد صووووووووووور فرجاااااااااااءااا ولالالالا رد ارجووووووووووووووكم يتتتتتتتتتتتتتتتبع

[أم_أسماء]

هالكاكاو بو المعصار بس الشكل الجديم


يا ويل حالي ع كواليتي مطور ع ايامه ويا كثر ماكان يطيييح


ها بعده موجود وحافظ على نفسه هههه


حليله هوبي الجديم هههه بس موجود منه


هذا دفتر تلوين (( اكتسح الاسواق )) للبنات (( اعترفوااا من الي كان عندها )) كان عندي منهم واااااااايد ع ايامه بدرهمين اذكر


اففففففف والله صيحتني هاللعبة يوم شفتها كانت عندنا ونتظارب عليها ويا اخواني ايااام اااه


دفتر الرسم مال الاولاد( ريلي يوم شاف الصورة قال اذكر كان عندي منه)ههههه


لعبة جديمة وحركاات بعد بس بعدها موجودة لكن باشكال ثانية .. ,اسميها يوم كنا نفرها اي مكان تلقط الشعر والخيوط هههه


مجلة مشاعل كانت عندي منها نسختين يمكن -- مجلة كيووت وحلوة


قلم غني عن التعريف وبريحة الفواكه اونه هههه


شي بعد ف جدموا جدموا بتحصلون كمن صورة متناثرة جدام بين رد ورد يعني يللا تاااابعواا التصفح ...اخر الصور من الدفعة

[تقويم]

صدق كانت أيام حلوة

[أم_أسماء]

المسطره العجيبه يوم كنت احركها تتغير الرسمه


خخخخ


اونه ع ايام هاللعبة كانوا يقولون فيها جني من شكلها هههه


خخخخخ لعبة البطريق




مونوبولي

[أم_أسماء]

اقلام الرصاص المطاطية


بو شعر.. اقصد هاللي يوم نفره اي مكان كان يلقط الشعر

[(( فطيم ))]

والله اني بغيت اصيح يوم شفت الصور اتذكرت يوم كنت اسير المدرسه ويا اختي ويوم يخلص الدوام أنمر الدكان ونشتري كاكاو وحلاوه والله قلبي عورني
حتى الالعاب ذكرتي بالايام الحلوه الاتاري وكمبيوتر صخر كنا نلعب بالدور كل مايخلص واحد ايي دور الثاني والله كانت ايام حلوه

مشكوره الغاليه

[أم_أسماء]

تايد الجديم


بسكوت لولو


نظارات مكة.. من هدايا الحج او العمرة.. وشي اصغر منها بعد

[أم_أسماء]

السموووحة اعتدل الماوس عقب ما ظربته كمن ظربة ورديت حطيت صور ثانية بعد
واللي عندها صور ثانية تحطلنا اياها