فيني غصة من تصرفاته

[جلنار13]

انا خواتي لما يربن يقعدن عشر ايام وبس، وطيران على بيوتهم ههه
مثل ما قالت وحده من الخوات، زهبي امورج وعيالج واطلبي من حد من اخوانج يردج البيت من غير ما تخبرين ريلج، وسوي ترتيب ودخني البيت وتعدلي واكشخي، وأول ما يدخل البيت، ما اوصيج، اطول واعرض ابتسامه حطيها على ويهج، وراويه من انواع الوله والشوق، ولا تفتحين سالفه انه ما زارج ولا طاف عليج ولا تعاتبينه ولا تبينين له، طبعا مب حزتها تفتحين باب العتب، خليه لبعدييييين . الموهم عاد هو بيقفط لما يشوفج، بس لما يشوفج متولهه عليه ومبتسمه في ويهه بيسكت ومن روحه بيقعد يتعذر لج...
في الحياة يبالج احيانا تدوسين على قلبج شوي، وتبادرين انتي الاول، لأنه حتى لو هو الغلطان مب سهله عليه يعتذر ، بس لما انتي تبدأين وتبادرين، وقتها بيحس بالراحه وبيكلمج من نفسه....

الله يخليكم لبعض

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[monamohd]

الله يعينج

[أم عاشوه]

الله يعينج

الريايل ما يستهلون اتيبين لهم اعيل واحد ول اثنين ويالله بالستر طنشيه ولا تهتمين

فيه خل يحس
انغزيه بمسجات وضعج

واذا ما حست يعني ان ريلج طمه آسفه ع السبه

بس صج يرفع الضغط

ما احب اشوف وحده ريلها يعاملها جي

والله يعنج ويعينا اصلا اني ساير بيتج مب بيته اهو

دايما افكر جي
وياليت يحسون بالويع الي انحس فيه بالولاده

[لك القرار]

زهبي اغراضج وردي بيتج ولا تخلين الحبل عالغارب ترا الرياييل يوم يتمون بروحهم يسوون بلاوي صدقيني وسيري وتمي على قلبه انتي وعيالج .....................
بعيد عن العين بعيد عن القلب

[منان]

شلي عمرج وعيالج وسيري شقتج

يوم بتوصلين اتصليبه وقوليله انج في البيت

ولو البيت فيه تلفون اتصليبه من تلفون البيت احسن..

ولو قالج ليش وليش قوليله الكل يسال انت وين ..

وتعبتي من كثر الاعذار اللي تقولينه لاهلج..

[ستايل غير]

فديتج اول ما تطلعين من الأربعين اتصلي له

قولي له تعال خذني برد البيت

و دوم انتي اللي دقي

مدام هو ابدا ما يبى يدق و لا يسأل

انتي اللي اسألي

انتي اللي اتصلي

لا تعودينه إن هو لو ما اتصل انتي ما تتصلين

لااااااااا

دوم اتصلي و احشريه و غصب يتحمل الحشرة

هذي عائلته

و بالعكس هو أكيد يحبج و يحب عياله و انتي ام عياله الغالية

يعني لازم بيشتاق لج

دوم اتصلي له لا تخلينه

و ربي يوفقج ان شاللله

[khaleejiya]

اتوقع انهم يسيرون الاربعين بيت اهلهم عشان امهاتهم يساعدونهم على العنايه بالطفل
هو لو كان اول طفل اوكي اتفهم الوضع
بس لو كان الثاني والا الثالث او الرابع احس شي غريب لانها تكون خلاص متعوده شو تبا بأهلها احسن تقعد بيتها

[انوثة امرأة]

حبيبتي اتعوذي من الشيطان وعليج بالاذكار لانها اتريح النفس وهذا ترى كله من عمل الشيطان لا اتخلينه يفرق بينج وبين ريلج

ونفس ما قالوا الخوات سيري بيت ريلج بدون ما يعرف واتكشخي وازقرتي ويوم بيي وبيشوفكم عاتبيه مب بظرابه

لا " عتااااااااااااااااب " انه ليش ما زاركم يمكن يتلوم ايي بيت اهلج او فيه شي مضايجنه

وفيه رييل يتغيرون فتره حمل الحرمة وبعد الولادة ....والحرمة اتكون نفسيتها زفته عقب الولادة ...انتي هدي عمرج واتعوذي من الشيطان والله يصلح بينكم ان شاء الله

[فرحة جفن]

مشكورين حبايبي..الله يخليكم لي..إن شاء الله بسوي اللي قلتوه...مع إن قلبي متروس من تصرفاته اللامبالية

[ذكريات98]

حبيبتي الله يعينج وحاولي تتصرفي بحكمة ، يمكن هاي الفترة وتعدي ، انزين أول مرة يصير شي وإلا لا ، المهم كلميه بهدوء ، حسسيه إنج وعيالج مشتاقين له ، لا تتسرعي وتزعلي عمرج وتزعليه ، كوني الأفضل والصح حتى لو كان هو الغلطان ، عشان خاطر عيالج ، والله يهديه .

[الأميره...]

الله يعينج بس ردي بيتج مثل ماقالوا الاخوات وسويله مفاجاه واذا سألج قوليه العيال يسألون عن وتولهو عليك وانا بعد اشتقتلك وحاولي تنسين وتفتحين صحفه يديده والمره اليايه انشالله يوم بتحملين تمي في ببيتج احسن لج

[للصبر آخر]

هذا من حقج وانتي بتروحييين لبييتج والوحده ما تاخذ رااحتها الا في بيتها ..قوليله ولهتي عليه وع بييتج قردنييه
حاسه بمعانااتج انا من رييت كنت في بييت اهلي اقول لريلي برووووووووح يقوولي شو قااضنج ليش مستعيله انتي اهنييه مرتاحه ارتاحي لالاحقه ع البييت وهووه مااخذ الراحات عزووووووووووبي ماشي ردييت لبييتي غصصبن عنه ما سويتله كاني ماني ..

[Hno0odah]

الله يعينج اختيه ويصبرج على مابلاج
ويهدي ريلج لج

ومثل ما قالوا الخوات ارجعي بيت ريلج
حتى لو هو يبغي ولا ما يبغي ارجعي احسن لج وله

وبعدين لكل حادث حديث