السهر لين الفجر

[حرم الملك]

السلام عليكم ورحمه الله وبركاته , اول مره اشارك في هذا المنتدي بقيت اكتب لكم سالفه صديقتي المسكينه مع زوجها عندهم من العيال اثنين المهم المشكله انه دايما السهر مع ربعه ويجي الساعه الرابعه صباحا وسعات يجي الساعه الثالثه او الخامسه ويوم يدخل ويشوف عياله في الغرفه ويصيحون يقول لها روحي غرفه ثانيه انا تعبان ابغي ارقد وهي ماتقدر تزعله بشي وعلي فكره حتي اغراض الجمعيه هي الي تروح ومشتريات ومستلزمات اليهال هي الي تروج وتشتري ويوم تقوله ليش السهر يقول اروح الخيمه مع ربعي يالسين نسالف ونلعب بته او الكيرم ويوم تقوله بروح اطلع معك اتعشي اونلعب اليهال يقول انتي فاضيه روحي اطلعي معاهم انا عندي شغل اويقول ماحب هالاماكن وحتي النوم في الفراش............ مايعطيها حقها بالشهرين والثلاثه مادري حتي صارت تشك فيه بس مب قادره تقول حق اهله لان هي واااايد رازته جدام اهله عالفاضي مايدرون بالبلاوي الي يسويها حق بنت الناس هي وايد متضايقه من هالسالفه حاولت تغيره بس ماقدرت تقول ابغي اغير من نفسي البس واتزين له بس هو وين مايجي البيت الا الفجر متي الوحده في هذا الوقت فيها بارض حاولت تسافر معاه بالموت رضا ونفس الشي طبعه ماتغير وهي تبغي الحل وسامحوني طولت عليكم

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر