خاطري فياهل

**أم غيث** · 2008-05-11, 18:31

السلام عليكم ورحمة الله وبركاتهخواتي الغاليات أنا دوم في هذا القسم بس نادر أكتب بس اليوم وايد تعبانه نفسيا المفروض اليوم أروح أحلل اذا كان في حمل ولا لا بس سبحان الله ولله الحمد نزلت الدورة وأنا من شهر أخذ كلوميد وألحين الدكتورة هالسبوع مو موجودة عندها موتمر وما أعرف شو أسوي لأني وايد كنت محطية أمل هالشهر بي ما استوع نصيب يعني لازم أتريا لين الشهر الياي.والله يابنات خاطري فياهل يملا على حياتي بس ما أقول غير ( ربي لا تذرني فردا وأنت خير الوارثين).

المزيد من آخر المواضيع من نفس القسم:

**ام السنافي** · 2008-05-11, 18:36

ربي يرزقج ان شاء الله 10 يهال مب واحد..خلي املج بالله كريم..

**نوف_دبى** · 2008-05-11, 18:42

الله يعطيج اختي ويرزقج انشاءالله بالذرية الصالحه .. الله لا يحرم حد
اختي حتى أنا خاطري في ياهل من أكثر من أربع سنين بس مشكلتي أروع عن مشكلتج !!!
انتي الله يعطيج الصحه والعافيه تعبانه ، أما أنا فقادرة بس جبروت الرجل شفتي القهر ...
ادعي لي فديتج الله يحنن قلبه علي ويخليني أحمل ...

**miss pink2** · 2008-05-11, 18:46

الله يفرج عليج والمسلمين ويسهل لج امورج وتترسين البيت عيااااال ويكونون قرة عين لج

فديتج انا شراتج اباااااااااااا احمل خاطريه ببيبي

وبعد معاناة طووويله كان اخر حل كلوميد + ابره تفجيريه

انا شراتج اخذت كلوميد 5 حبات بس والحمدلله حملت وفرحت وستانست ...بس >> كيس الحمل فاضي أهئ أهئ

وسقطت وسويت كورتاج << كنت اتعالج بمستشفى خاص

ويوم سرت الكرنيش جان تنصدم الدكتوره تقولي ليييييييش تاخذين كلوميد وابر ...الخ عصبت

وشراتج يتني حاله نفسيه مررررررررره صعبـــــــه

بس قريت لج موضوع انج تقرين كل يوم لااااازم قد ما تقدرين سورة البقره

وتمر+ العسل وعليج بالدعاااء << وهالشهر ناويه اطبقها ومابسير لاي مستشفى

بس انتي شو قالو فيج عسب يعطونج كلوميد ؟ يعني البويضه صغيرونه ولا المبيض ما يطلعها ؟

**العصــفورة** · 2008-05-11, 18:49

الله يرزقج الغالية ويرزق كل محرومة
عليج بالدعاء والاستغفار

**أم عبدالله77** · 2008-05-11, 19:19

اقولج نصيحتي عن تجربة 4 سنين
اذا بتفكرين وايد بتتعبين

بالنسبة لي آخذ بالاسباب من علاج وادوية وقبلها الدعاء وقراءة سورة البقرة والاستغفار

وما افكر ابدا في الموضوع ........

أهم شي الراحه النفسية

يعني ان اكنت كل شهر اتريا وافكر ويوم تنزل الدورة اصيح واتضايج
انزين وبعدين
يعني لاسمح الله لو الله ما كتب لي عيال يعني اعيش طول عمري في هم وحزن
ليش
انا استمتع بحياتي واتابع العلاج والدعاء
ويوم الله يريد بحمل ان شاء الله
يعني يوم الله كاتب لي الخلف بيصير وليي ذاك اليوم شو الاحسن اني اكدر على عمري واتضايق و لا استانس واعيش حياتي

بالنسبة لي انا وريلي اخترنا اننا انعيش حياتنا ونستانس ويوم الله يريد بيصير الحمل

حبيت اقول هالكلام لكل اخت اتاخرت في الحمل "" خلي املج في الله كبير ،، ورضي باليي كتبه لج فهو خالقج وهو ادري باللي احسن لج """

**عاشقه زوجي** · 2008-05-11, 19:25

يالله ربي يعوضج ويرزقج ان شاء الله وان شاء الله مايطوف الشهر الياي الا وانت حامل ونفرح فيج يارب

**ام ريومي** · 2008-05-11, 19:38

الله بيعطيج اياه في الوقت المناسب الغاليه .. الله له حكمه فكل شي

**زوجه الياسي** · 2008-05-11, 19:47

يالله ياارب ترزق كل محروومه بالحمل السليم عاجل غير آجل...

الغاليه عليييييييييييج بالتقرب لرب العالمييين هوو اللي بيده الكاف والنون يقول للشي كن فيكوون لاتساسين من رحمة الله رحمته وست كل شي عليج بالاستغفاار والدعااااء وقياام الليل والقرآن الكريم...

يالله يامجيب دعوه المضطر اذا دعاك يالله يارحمن يارحيم برحمتك استغيث ثبت حمل كل حامل وقر اعينهم بالذريه الصالحه المعافاه كامل الخلق والخلقه بدون زياده ولانقصان
ويالله يارب العالمين ترزق كل محرومه بالحمل السليم عاجل غير آجل
"آمين يارب العالمين...

**ذهب** · 2008-05-11, 20:02

الله يرزقنا يارب..الغاليه انا شراتج قبل كان عندي هرمون الحليب زايد وخذيت حبوب وبعدين الحمد الله صار طبيعي

وبعدين كانت فيه بويضه بس صغيره عن حجمها الطبيعي وكل مره احس بأعراض الحمل بس اخر شي تنزل الدوره

وبعد مايصير الجماع وكل شي اصبر اسبوعين مثلا ويوم اسير عند الدكتوره بعد البويضه صغيره

واخر مره عطتني كلوميد وخلصت اول شهر وماشي حمل وخلصت ثاني شهر وماالله راد وخلصت ثالث شهر وبعد مالله

راد والحين النفسيه صفر بس الحمدالله قدر الله ماشاء فعل..والصبرمفتاح الفرج والحين مااخذ شي لاني مليت ...والله

يرزقنا يارب اكيد الدعاء احسن حل..

**ذهب** · 2008-05-11, 20:09

الله يرزقنا يارب..الغاليه انا شراتج قبل كان عندي هرمون الحليب زايد وخذيت حبوب وبعدين الحمد الله صار طبيعي

وبعدين كانت فيه بويضه بس صغيره عن حجمها الطبيعي وكل مره احس بأعراض الحمل بس اخر شي تنزل الدوره

وبعد مايصير الجماع وكل شي اصبر اسبوعين مثلا ويوم اسير عند الدكتوره بعد البويضه صغيره

واخر مره عطتني كلوميد وخلصت اول شهر وماشي حمل وخلصت ثاني شهر وماالله راد وخلصت ثالث شهر وبعد مالله

راد والحين النفسيه صفر بس الحمدالله قدر الله ماشاء فعل..والصبرمفتاح الفرج والحين مااخذ شي لاني مليت ...والله

يرزقنا يارب اكيد الدعاء احسن حل..

**mahra uae** · 2008-05-11, 21:01

الله يرزقنا الذريه الصالحه

انا بعد نفس الشي وخاطري بذريه صالحه

وسرت المستشفي وقالت الدكتوره عندج هرمون الحليب مرتفع وعطتني الدوا وخذته والحمد الله نزل هرمون الحليب وعطتني منشطات لمدة 5 ايام وعقب عطتني ابره تفجير وقالت شي تبويض وثنتين ما تعرفين كيف فرحت اني راح اكون حامل ورب العالمين بيرزقني بذريه وما طاف شهر ويتني الدوره وسرت العيادة استغربت الدكتوره قبل فيه تبويض وكيف

وقالت يمك من عند الريال الحيوانات المنويه ضعيفه وقالت لازم يسوي فحص وزوجي رافض هالشي

والحمد الله رحت العمر ودعيت ربي ان يجعل في رزقي ويرزقني الذريه الصلحه
وعقب ما رديت زرجي من نفسه قال راح اسو الفحص وانشالله خير

**مس روز** · 2008-05-11, 21:08

الله يرزقج الذرية الصالحة انشالله

الزين كله* · 2008-05-11, 22:42

الصبر زين يا ام غيث وكل تأخيره وفيها خيره ما عليج الله ان شاء الله بيرزقج الله يمهل ولا يهمل والله كريم وما ينسى عبده ويرزقهم من اوسع أبوابه عليج بالاستغفار بنية الحمل والتصدق بعد وقراءة سورة البقرة يومياً بنية الحمل والدعاء عند السجود وان شاء الله تبشرينا الشهر الياي وموفجه خييير غناتي

ومنج السموحه

**أم_أسماء** · 2008-05-11, 22:57

عليج بالدعاء والاستغفار وقراءة القران اخر الليل يعني بشكل عام كثري من هالطاعات
وبعدين حبوبة يوم الله بيريد لج هالشي تراه بيستوي
اهم شي لا تحاتين وتفكرين لانه بيأثر عليج نفسيا
وان شا الله بقدرة الله القادر بتحملين آآآآآآآآآآآآآآمين يارب
وبشرينا

الموضوع: خاطري فياهل

أدوات الموضوع

عرض

خاطري فياهل

المزيد من آخر المواضيع من نفس القسم:

المواضيع المتشابهه

خاطري....

خاطري

في خاطري،،،،

في خاطري خاطري خاطري....ساعدونيييي