السفر مع طفل ..

**بنت دار زايد وأفتخر** · 2008-05-11, 13:19

مرحبا خواتي ..

إن شاء الله الخميس الياي بسافر ماليزيا أنا وريلي وولدي ..

ولدي فديته عمره سنه وشهر ..

بس أريد ألي عندها خبره كيف التعمال معاه فالسفر وشو الأغراض ألأي آخذها ..؟؟

وأخاف يلعوزني فالطياره وما أعرف شو أسوي ..

فألي عندها خبرة رجاءااااااااااااا لا تبخل علي ..

وأترياكن ..

المزيد من آخر المواضيع من نفس القسم:

**ريييوم** · 2008-05-11, 13:26

مرحبا الغاليه أنا الصيف الماضي سافرت وعندي ولد وبنت عمارهم 4.5 و2.5 وماليزيا وايد حلوه بس نصيحتي لج خذي وياج جدر الكهرباء حق العيش أو المعكرونه لأن اليهال مايعيبهم أي شيء

**بنت دار زايد وأفتخر** · 2008-05-11, 13:31

مشكوره الغاليه ..

تعرفين ولدي توها بادي يمشي وأبدا ما يقعد في مكان وأحاتي سالفة الطياره أخاف يلعوزني ومنه أقول بعطيه دواء كحه عشان يرقد لين ما نوصل

**ريـــــــم** · 2008-05-11, 13:56

مرااحب ^_^

ربي يهنيكم وإن شاء الله تستانسون في سفرتكم .. والله يحفظ لكم الكتوت ..

أنا عن نفسي يوم سافرت وكان ولدي عمره سنة ونص ..

حجزنا على طيران الإمارات وكانت خدمتهم 100/100

خذت المكان اللي في مساحة جدام وماشي كراسي ركاب ..

تقدرين تعلقين فييه سرير الطفل ..

لأن مثل ما إنتي تعرفين اليهال يحبون يرقدون يوم يركبون السيارة

فما بالج بالطيارة ومسافة بعيده ..

أكدي على سرير البيبي .. واااااااايد بيريحج .. ^_^

امممم شي ثاني .. جهزي شنطة خاصة به ..

وحطي فيها كل اللي يحتاجه من يوم تدخلون الفندق لين توصلون بالسلامة ..

ممممممممم بعد شو شو شو ..

سأليهم يمكن يكون عندهم بيبي ميلز ( وجبات خاصة للأطفال )

غير المهروس طبعاً لأنه في هالسن ياكل ما شاء الله .. واطلبي له بعد لعبة ،،

وبس .. ماشي غير إني أقول تسيرون وتردون بالسلامة إن شاء الله .. ورحلة سعيدة ،،

**ام zozo** · 2008-05-11, 19:56

حبيبتي اناالعام سرت ماليزياوكان ولدي عمره سنتين ونص صح لعوزني بس السيرة كانت ولااروع اول شنطة ثابه شلي معاج ثياب قدالايام اللي بتيلسين فيهاهناك عشان ماتتلعوزين فالغسال شلي العاب له علشان تلهينه فالطيارة وانصحج تشلين معاج السيراللي يربطونبه الياهل اللي منmother caerامممممممممممم وبس اتمنى اني اكون فدتج وتروحون وتردون بالسلامة

**بنت دار زايد وأفتخر** · 2008-05-11, 22:24

مشكورات فديتكن وما قصرتن ..

بسوي ألي خبرتني عنه ..

وبخبركن عقب ما أرد من الرحلة شو صار ؟؟؟

**لوكل** · 2008-05-11, 22:53

الغالية تروحين وتردين بالسلامة ان شاء الله انا سرت ماليزيا وبنتي كبر ولدج السفرمع عيالج احلى

اولا تجهزين شنطة صغيرة وخفيفة فيها :

بامبرز

مناديل مبلله للتنظيف

حليب

اكلات خفيفة لان الدرب طويل ولين توصلين سالفة لازم الاكل

عصير

مصاصة اذا ياخذ طبعا

لحاف

بدل يمكن يوصخ او يرجع

دوا(ادول )

وجهاز لكشف الحرارة

هذي الاغراض لازم تكون في شنطة الايد وعطيه ادول عسب يرقد لان في صغارية يصيحون ويرجعون في الطيارة

اما بشكل عام

لازم تاخذين عربة تكون مريحة وفيها شنطة من تحت عسب تحطون اغراضكم واغراض البيبي

العاب للبيبي عسب ما يتملل

وخذي كيس البيبي ما اعرف شو يسمونه ريلي يسميه الكنغر ههههههههههههههههه

ريلي كان يلبسة اذا الطلعه خفيفة ويحط البيبي على صدرة

اهم شيء الحليب والبامبرز والدوا لانج ما بتلقين هناك واكل حق البيبي

**Al_Kindy** · 2008-05-11, 23:07

ولاتنسين دواء الكحه والزكام

**بنت دار زايد وأفتخر** · 2008-05-12, 12:45

مشكورات فديتكن وما قصرتن ..

**um maria** · 2008-05-12, 16:15

اتروحين وتردين بالسلامه اول شي قبل ماتركبين الطياره بعشر دقايق عطيه اكتفيد عشان انام لان بيلعوزج في الطياره والسرير مالهم حق واحد عمره بالكثير 4شهور مول ماينفع وحاولي عندالهبوط والطلوع امص مرضعه مثلا او يمضغ عشان مايحس بالالم في اذنه وبعد وانتي فالمطار حطيله قطره في خشمه لأنهم مايلسون ماشاء الله عليهم واتروحين وتردين بالسلامه

**جواري اليم** · 2008-05-12, 23:51

لا اكتفيد ولا قطرة.. مادام الولد مافي شي مب لازم تعطينه هذي الأدوية حرااااام ... بس أنتي أخري اشوي نومه عشان ينام في الطيارة و عطيه المرضعة لما تطير الطيارة عشان مايحس بالضغط و ودي معاج دي في دي و أشرطة من بارني و ربعه عشان من يقوم ولدج من النوم تحطينله الفيديو و يلتهي.. و وديلج ألعاب و بسكويتات وروب للطيارة وان شالله مابتعبج أنا أسوي نفس هالاشياء مع ولدي و الحمد لله و لاتنسين تطلبين الكرسي الي جدام عشان يكون في مسافة يتحرك فيها ولدج و مايتملل و بعد اذا مابغيتي ولدج ينام في السرير مال الطيارة فرشي له جدامكم و خليه ينام أريحلة.. وسفره سعيدة ان شالله

**بنت دار زايد وأفتخر** · 2008-05-13, 13:04

مشكورات فديتكن ..

أنا قرررت أني أأخر نومه عشان يرقد فالطيارة لان طيارتنا الساعه 10 وربع وهو بالعاده يرقد الساعه 9 بتعبه وبرقده فالطياره وإن شاءالله ما يتعبني ..

**حساسه** · 2008-05-13, 14:38

حرام لا تعطينه دوا يمكن يضره

**L'amour** · 2008-05-13, 14:46

وطبعاً مثل ما قالولج البنات لازم تطلبين البيسنت
واللي هو سرير البيبي عشان ما تتعبين..

2- في كارفور يبيعون بيبات (اللي تعلقينه على رقبته وقت الأكل)
من النوع اللي تستخدمينه مره وتفرينه (وايد عملي)
وحجمه كبير بيوفر عليج أنه ما يوصخ ملابسه..

بعد يبيعون مثل المفارش من كلينكس عملي وايد تفرشينه تحته
في الطيارة في الفندق عشان حرام ما يحسس!

خذي ترولي عملية تتسكر وتنشال بسهولة عشان ما تتعبج.
(أهم شي خذي اللي تكون إيدها فيها علاقة)
زينه حق يوم تتسوقين تعلقين فيها الأكياس!

في شي شفته وبصراحه ما جربته!!! لأني مب عارفه هل صحي أو لا؟
كيس ينحط داخل المرضعه مال مره وينعق عشان ما تضطرين تغسلين
(بس اسألي دكتور ولدج عنه). لأني اللي اعرفه البلاستيك مضر
إذا تعرض للحرارة كيف الكيس!!

أكثر شي يتوصخ المراضع لو تغسلين إذا مافي تفوير ما تكون نظيفه!!
عشان جيه هالسنة نا مصرررة أني أروح شقة مع اني ما احب خدمات الشقق..
بس عشان المطبخ

بيبي شوب يبيعون خافض للحرارة مثل الكمادات اخذي منها احتياط
(بتلقينها مكتوب عليها بالصيني)

إذا ياخذ ملاهية (مصاصة) لازم تاخذين له السلسله عشان تعلقينها أو أخذي
النوعية اللي تي معاها غطا ولدي هلكني من كثر ما كان يحذفها في الشوارع!!

شو بعد!! هيه في هوم سنتر يبيعون حافضات للطعام اللي الشفافات وتتسكر بإحكام يمكن بـ 15
شي جيه.. هاي بتنفعج أنج تجهزيله الأكل قبل ما تطلعون أو مثلاً كلتو برا وهو نايم تحفظين له الأكل
لين ما يقوم!! أو حتى فكرتي تقطعين له فواكه فيها .. اتم محافظه وتتسكر عدل ما بتنجب عليج
أنا وايد فادتني في السفر لأني أفتحها وعلى طول أأكله منها بدال ما اقعد احضر الأكل خصوصاً
إذا ياع برا أو شي!!

كثري من البسكويت مال الأطفال بينشغل فيه لأنه بيمل يوم بتطلعون ويتتمشون

شي ثاني بعد!! امممم إذا ناوية تروحين جزر أو غابات وعندج خبر انه في بعوض
أو شي!! أخذي الكريم مال لسعات البعوض + يبيعون كفر تور عن البعوض
أنا خذته وياي أوروبا لأنه في الريف إذا كنتي في دور أرضي يلعوزج البعوض

بس ها اللي في بالي اللحين ..

الموضوع: السفر مع طفل ..

أدوات الموضوع

عرض

السفر مع طفل ..

المزيد من آخر المواضيع من نفس القسم:

هلا

المواضيع المتشابهه

دعاء السفر - اذكار السفر - دعاء الرجوع من السفر - دعاء ركوب السيارة او وسي

دعاء السفر - اذكار السفر - دعاء الرجوع من السفر - دعاء ركوب السيارة او وسي

احكام الصلاه في السفر وأدعية السفر ونصائح وارشادات

إلى خبيرات السفر .. ماهي المحلات اللي تشترون منها هدايا السفر في لندن والمانيا وفرنسا

اخر يوم للطلبيات نهاية الاسبوع لدواعي السفر ان شاءالله .....الحقي قبل السفر