الصراحه مستغربه ؟؟؟؟؟

**(( فطيم ))** · 2008-05-10, 19:24

السلام عليكم ورحمة الله وبركاته

الصراحه خواتي انا مستغربه من شي ؟

في بعض الحريم تتأخر عنهم الدوره مثلا اسبوع او سبوعين او حتى شهر وتكون حامل بس هي ماتدري الا اذا استوالها شي مثلا شلت شي ثجيل وصار نزيف وطاح البيبي ... واذا سألوها عن السبب تقول والله مادري اني كنت حامل ..... شو معنى هذا ؟ معنى هذا ان اعراض الحمل مرات ماتطلع على طول بمجرد تأخر الدوره اسبوع او اكثر صح خواتي ولالا؟؟ حتى زوجة خالي ماشاءالله عليها يوم تحمل موووووووووووووول ماتيها أعراض لا دوخه ولا ترجع ولا اي شي تبارك الرحمن .... عيل ليش اكثر الحريم والدكاتره يقولون علشان الوحده تعرف انها حامل لازم اتيها ها الاعراض مثل الغثيان والدوخه .......... الخ ؟؟؟؟؟
انا اعتقد ان كل وحده تفرق عن الثانيه ولا انتوا شو رايكم .. ياريتكم اتخبرونا عن تجاربكم في الحمل وشو هي الاعراض اللي حسيتوبها في بداية الحمل ؟؟؟

المزيد من آخر المواضيع من نفس القسم:

**جوليا الأحبابي** · 2008-05-10, 19:31

انا الصراحه مووول ماحسيت بشي اللهم كنت وايد ارقد وانا امبوني احب الرقاد

تأخرت عني الدوره اسبوعين وريلي قال شكلج حامل قلت له لا ماظن
بس تميت احاسب على روحي ماشليت شي ثجيل اليين ما سرت العياده اتأكد من سبب تأخر الدوره وطلعت حامل الحمدالله على هالنعمه

**awashy** · 2008-05-10, 19:31

للرفع......

**algalb** · 2008-05-10, 19:36

صادقه اختي انا احسه اهمال لو الوحده تأخرت دورتها وايد وما فحصت ولا سمح الله تعبت وخذت ادويه تضر الجنين او عقولتج شلت شي ثقيل ونزفت شو يفيد الندم فعشان كذي الوحده لازم تنتبه واذا تأخرت دورتها وايد تفحص وماشاء الله في حريم ما يتوحمون وفي حريم يتعبون من الوحام وفي بعضهم سبحان الله كل حمل يختلف عن الثاني يعني حمل وحام وحمل لا

انا عن نفسي يوم تأخرت دورتي 4 ايام فحصت و

طلعت حامل الاعراض الي حسيتها قبل ما افحص آلام نفس ألام الدوره والم في صدري ما اقدر المسه من زود الالم وبعدين بدت معاي الدوخه والترجيع واللوعه من الاكل والروائح الله يعوضنا خير ويرزق كل محرومه بالذريه يارب

**H + S = LOVE** · 2008-05-10, 19:41

انا من تأخرت علية الدورة اسبوع قمت احاسب و اعتني بنفسي شكيت اني حامل ولكن قلت بتريا بعد اسبوع لانه كانت تيني الم الدورة

بس الحمد لله بعد تاخر الدورة اسبوعين سويت فحص حمل وطلعت حامل الحمد لله

**أم عمهي** · 2008-05-10, 20:04

اانا كنت احس بالام مثل الدوره وظهري طبعا بمووت منه واتاخرت الدوره عني يومين وسويت فحص طلعت حامل

**شاهينية** · 2008-05-10, 20:10

مي تو اول حمل كان فيه ويع دورة .. وثاني حمل مافي اي دلائل اللهم اتاخرت الدورة وفحصت ... يعني اللوعة والدورة احسها خرابيط مالها خص

**هوتميل** · 2008-05-10, 20:29

حتى حرمه اخووي ما شاء الله عليها ما تحس باي اعرااض الحمل مووووووووليه يعني هااي اللوعه والدوخه ما كانت اتييها طول فتره الحمل ,,,,,,,,, يعني كل حرمه غير عن الثانيه

**ام سالم2005** · 2008-05-10, 20:53

انا بصراحة وايد انقهر من الحريم اللي تكون حامل وما تدري ؟؟؟؟؟ بصراحة هاذي كيف تركب ؟؟؟؟
تقول انا ما احسب متى اتيني الدورة؟؟؟؟ ليش انزين؟؟؟ او انا ما ابغي احمل بس شسوي؟؟؟؟؟ شو ها السؤال ؟؟ يعني انتي ما تعرفين؟؟؟ في الحمدالله طرق منع ووايد ؟؟؟ ما ادري يعني الوحدة ما تعرف شو يصير بجسمها ؟ ها الكثر اهمال؟؟؟

يعني انا وغيري من الشاطرات لازم نعرف متى اتينا الدورة ونحسبها كم يوم اتم وكل كم يوم اتي - غير اننا نحسب متى وقت الاباضة عندنا ونحاسب اذا ما نبا نحمل

لا ونقول عن عمارنا نحن الحريم مثقفات؟؟ وين الثقافة اذا شي في جسمج ما تعرفين كيف يصيير؟؟ من جي الاجانب الحريم يضحكون علينا؟؟

**(( فطيم ))** · 2008-05-10, 22:15

يزاااااااااااااااااااااكم الله خير خواتي الغاليات

أسعدتني ردودكم واااااااااااايد ^_^

والله يرزقني ويرزق كل محرومه ياااااااااااااااااااااارب الذريه الصالحه عاجل غير آجل اللهم آمين

**ياقوته** · 2008-05-10, 23:05

اختي مب شرط تظهر عوارض

كل وحده تختلف عن الثانيه

وبعدين المفروض الوحده
ما تتريا وايد يعني من تتاخر
الدوره اسبووووووع
تروح اتشيك على نفسها

والطب اطور بتحليل الدم يبين لو كان حمل مال يومين

وربي يوفق الجميع

والله يرزقنا الذريه الصالحه

**(( فطيم ))** · 2008-05-11, 07:12

مشكووووووووره اختي الغاليه ياقوته على مرورج ^_^

**أميرةالجنة** · 2008-05-11, 07:23

خواتي هذا مب إهمال....أنا مثلا إتيني الدورة مرة بالسنة لأن تظهرلي أكياس و تروح و من أعراض التكيس عندي إني دايما أحس بلوعة.....نفس حملي فما أعرف و مستحيل كل شهر أفحص عشان أتأكد....و أعتقد إن هذا كان سبب إجهاضي يوم الخميس لواحد من التوأم إلي في بطني...و ما دريت إني حامل إلا في الشهر الثالث.

**(( فطيم ))** · 2008-05-11, 08:44

مشكووووره اختي اميرة الجنه والله يعوضج ياااااااااااارب ويرزقنا وياج الذريه الصالحه عاجل غير آجل اللهم آمين

**لمعة نجوم** · 2008-05-11, 08:57

مفروض اي وحده متزوجه تتاخر عليها الدوره تحط أحتمال الحمل وتحاسب

انا في عيالي الاولادماكنت أحس بشي كلش واحاسب على عمري واحلل وما يطلعلي اني حامل الا بعدمايكون عمر الياهل 6 اسابيع
اما في بنتي بغيت اموت من اول اسبوع وكنت مش متوقعه اني حامل ولما حللت طلعت 3 اسابيع وتم الوحام مالها لين ربيت
بعكس العيال اللي مااحس فيهم وانسى اني حامل لين يتحرك او اتقدم في فترة الحمل

الموضوع: الصراحه مستغربه ؟؟؟؟؟

أدوات الموضوع

عرض

الصراحه مستغربه ؟؟؟؟؟

المزيد من آخر المواضيع من نفس القسم:

المواضيع المتشابهه

الصراحه وااااااااااايد مستغربه

مستغربه؟؟؟؟؟

الصراحه مستغربه .. بنات طمنوني هل ها الشي طبيعي ولالا ؟؟؟

الصراحه واااااايد مستغربه

الصراحه الصراحه ابغي الصراحه :)