اخاف اظلمها..

**أم حمد 1** · 2008-05-09, 14:52

طرشيلها مسج اذا ما ترد عليج

المزيد من آخر المواضيع من نفس القسم:

**الريـم** · 2008-05-09, 15:01

عافان الله ... !!!
ليش جي الناس صايره ...؟؟ ما تخاف الله ولا تستحي !!!!!!!
قوي قلبج وواجهيها ...

**اخر اخباري** · 2008-05-09, 15:20

الله يهديها عاد اللي بيسرق مب جيه عيني عينك

ايام الجامعه كانت عندنا وحده جيه الله يستر عليها سوينا اجتماع لكل بنات الجناح وهي معانا وقعدنا نرمس عن السرقه وانه وحده سارت عند المطوع وقالها اسم البنت (اللي تسرق) واذا ماردت اللي سرقته ربيعتنا بتفظحها ..

المهم هذي كلها خطه ومحد سار عند المطوع ولاشي خخخخ

وعقب هالبنت ردت اللي سرقته بس البيزات ماردتها وبعدين انتقلت من المبنى على سواد الويه اللي سوته

بس خيتوو لازم تتصرفين علاقل تردلج البطايق والاشيا المهمه

الله يهديها ان شالله

تحيتي لج

**أم_أسماء** · 2008-05-09, 15:30

ويوم ان السالفة متلبسة عليها وهي واضحة والله واجهوها وخلوها تعترف وتردلكم بيزاتكم
ولا ترابعونها مرة ثانية..
اللي ايدها خفيفة ومتعودة ع السرقة تراها مشكلة ومرض لازم تنصحونها وتتحاشونها

**3yoonmaha** · 2008-05-09, 15:35

احسن شي حبيبتي دزيلها مسج عشان ما ترد عليكي وقوليليها وغلاتك عندها انك تبي تشوفيها وخذيها بسيارتك وكلميها بالهدوة يمكن عندها شي يخليها تسرق الله يعين الناس وحاولي اذا شفتيها تصلحي بينك وبين صحباتك

**ليدي بيرد** · 2008-05-09, 16:09

فديتج مرة وحدة من ربيعاتي
ربيعتها سرقت فونها الكروم
وهي كانت متأكدة جان تتصل فيها وقالتلها
يافلانة إنتي بنت ناس وأنا بنت ناس
السالفة مب سالفة تيلفون السالفة سالفة أصول ومعاني
ولأنج بنت ناس ردي التيلفون بدون ما أي شخص يحس وأنا ما بحرجج
وإذا ماتبين بدخل الشرطة خوفتها
جان تردلها التيلفون وهي ما خبرت حد سترت عليها

**سامية الكتبي** · 2008-05-09, 16:13

واجهنها يميع ...

**كفالي** · 2008-05-09, 16:38

في ناس حتى لو مش محتاجين يكونون في نعمه وخييير يمكن اكثر عن المسروق لكن يمدون ايدهم وهذا يكون مرض نفسي في الشخص، علاجه عند دكتور نفسي.
وبالنسبه لج انتي التهديد والعنف مابينفع وياها ، حاول توصلين الها وتكلمينها بروحج لانه حرام بتنحرج جدامهم كلهم مهما كان احس انه هذا فوق ارادتها ومش بايدها.
قوليلها مافي داعي حد يعرف وعن الفضايح لانه الشرطه بيرفعون البصمات وانتي بنت ناس ومؤدبه واخلاقج ما تسمح لج تتصرفين جيه عسب شئ مايستاهل كم 100 او كم الف ما يستاهل الموضوع تشوهين سمعتج ومستقبلج.

**bdo0or** · 2008-05-09, 17:46

انا من راي الاخت قلبي من الماس
الله يعينج اختي وحاولي من اليوم ورايح ماتخلين شنطج عند ربيعتج هذي

**غلا زاايد** · 2008-05-10, 21:45

والله ما اعرف جيف اشكركم ع النصائح والمساعدة ..
وان شاء الله باجر بواجها مثل ما قلتوا وما بحرجها جدام الشله ..
ومشكورين خواااتي وجزاكم الله خير .. وبرد عليكم بالمستجدات ..

**نااعمه** · 2008-05-11, 15:31

الله يشفيها من هالمرض

الموضوع: اخاف اظلمها..

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

اخاف

اخاف من االاجهاض؟؟

اخاف من هلي

جديد.. اخاااف اظلمها..

يا ناس اخاف