اخاف اظلمها..

**غلا زاايد** · 2008-05-09, 12:17

شحالكم خواتي عساكم بخير .. الصراحه انا اكتب موضوعي بعد تردد كبير ومالي غيركم واتمنى تساعدوني ..
من اسبوع محفظتي " البوك " انسرقت بالجامعة وفيها صور لي ولاهلي وفيها بطاقاتي الشخصية من بطاقه صحيه , والهويه ,وبطاقة الجامعة..ومن غير الفلوس طبعا.. والصدمه لما عرفت ان ربيعتي سارقتنها..وكل الاشياء تدل عليها لان اول شيئ يت عندي وطلبت انها تاخذ شنطتي عني وتوديها الكلاس اللي بناخذ فيه المحاضرة وانا ع نيتي ما حبيت اردها لانها كانت مصره المهم خذتها ..
وفي البريك كنت مع الشله من ربيعاتي وقررنا نتغدى بس تفاجات ان المحفظة هب موجوده ودورت عليها وخبرت السكيروتيوحطيت بلاغ عندهم .. ووحده من ربيعاتي قالت لي خلينا تشوف في شنطنا يمكن حطينها من غير ما نحس " انا وربيعاتي وااايد مع بعض ونحس ان نحن خواات "المهم هاذيك ارتبكت وتغير شكلها والكل لاحظ عليها وفجأة قالت : ها انا بسير اشوي عند وحده اخذ اوراق مهمه منها .
وقالول البنات لها انزين يا فلانه خلي الشنكه عندنا . قالت : ها لا لا باخذها " طبعا بارتباك .
انا ما حبيت اقول للبنات اني شاكه فيها لاني خفت اظلمها وصبرت يومين وبعدها طفح الكيل قررت اكلم وحده من ربيعاتي ع اساس الموضوع بيني وبينها وخبريتها بالسالفة .. يس هني الصدمه حتى ربيعتي انسرقت منها 300 درهم ومن نفس البنت واللي زااد الطين بله ان وحده ثالثة خبرتنا انها انسرقت وشاكه فيها .. بتقولون ليش هي؟؟
لان ربيعتي انسرقت لما يتها مكالمه من امها وطلعت برع الكليه لان البنات حشره وخلت الشنطه عند البنت ولما رجعت ربيعتي ما حصلتها ولا حصلت الشنطه فاتصلت عليها وارتبكت بعد البنت وقالت انها الحين راده وانها كانت " عزكم الله " بالحمام وخافت ان حد ياخذ الشنطه ..ولاحظت ربيعتي لما ردت البيت ان 500 مسروفه منها ..وفوق كل هذا من انسرقت محفظتي والبنت ما تحضر الماضرات ولا ترد ع اتصالتنا خير شر ومره خليت عمتي تتصل من تلفونهاوردت عادي عليها لانها ما تعرف رقم عمتي .. وبعدها انا اتصلت بي تبند بويهي ..

خواتي للحين اخاف اكون ظالمتنهاوانا من النوع اللي بسرعه الناس تكسر خاطره يعني مشكلتي طيبتي الزايده خبروني جيف اواجها واخبرها ان البنات كارهينها لانهن يعرفون ان هي اللي تسرق نهم وانهم مصدومين ان ربيعتهم تسرقهم ..
للعلم انا ما خبرت اهلي لاني اخاف خخخخخخخ بهزبوني خخخخخخ ..

شوري عليه الله يرضى عليكم..

المزيد من آخر المواضيع من نفس القسم:

**زهرة العمر** · 2008-05-09, 12:23

السالفة واضحة و هي تصرفاتها تدل على انها خذتها
واجهوها كلكم مع بعض مب انتي بروحج و اخرتها بتعترف
و قولولها الموضوع بينا و بنستر عليج و اذا محتاجة شي بنقدملج المساعدة

**أم عيســـى** · 2008-05-09, 12:24

موقف صعب ابصراحه .. مابغي اظلمها بعد بس تصرفاتها اتدل انها هي اللي تسرق البنات ..
ماتقدرين اتفاتحينها بالموضوع و اتقولين لها مابخبر عليج بس رديلي بوكي عشان الصور و البطايق ...
وقوليلها الكل يدري انج انتي اللي تسرقين البنات يمكن اتخاف و اترد لكم اغراضكم ؟؟!!

**قلبي من ألماس** · 2008-05-09, 12:34

اويييييه

انا لو مكانج والله من القفطة والمستحى ما بروم اواجهها .. هاي يبالها انج تستوين لووووووووح

تعرفين .. انتوا انغزوووووووها .. وقوليلهم انج حيرتي على بوووكج .. عشان تخاف هههههههههه

واهم شي انكم كشفتووها يعني خلاص لا تأمنوونها على شي ..

ولو شفتووها مصختها .. كاش في الويه .. والكلمة اللي تستحي منها بدها ... بس لااااازم تتأكدووووووون صدق ان هييييييي .. لان مثل هالرمسة ممكن تجرح الانسان لو انظلم ..

الله يعين .. وخبريناا باليديد عقب

**Anwaar** · 2008-05-09, 12:37

الغاليه ذكرتيني بموقف مريت به وكان جدا صعب علي.. كنت اتدرب قبل التخرج في مكان مرموق ومعروف وتوهم عينوا وحده اخت لاعب في المنتخب وما كان في مكان لها فحطوا مكتبها عندي.. المهم كنت في يوم بطلع مع الاهل لدبي نسوي شوبينج فرحت التدريب ومعاي ٣٠٠٠ درهم في البوك.. المهم رحت اجتماع ولما رجعت بالصدفه اشيك البوك والا مافيه ولا فلس!!! انجلطت واصلا انا شاكه في حركاتها (بنت مب ماشيه سيده) رحت ناديت رئيس القسم ويبته جامها وقلتله انا متأكده انها سارقه الفلوس وهي مصدومه (طبعا مخاطره كبيره اني اتهم بس البنت ابدا مب مريحه) رحت قلتلها بييبلج الشرطه وبتتشوه سمعة اخوج.. قامت طلعت الفلوس.. المهم فصلوها لا بركتن فيها

وحده من ربيعاتي انسرقت من صديقتها العزيزه جدا جدا.. كيف اكتشفت؟ خالتها رايحه سوق الذهب وشافت قطعه حلوه قالت هذي كانت لابستنها ربيعتي (بنت اختها) قال هذي مستعمله وحده باعتها .. المهم اصرت تعرف منو باعها لانها اصلا ما تعرف انها انسرقت من ربيعتي.. اكتشفت ان اللي باعتها ربيعة ربيعتي!!!

واجهيها الغاليه وقوي قلبج وتوكلي على الله

**غلا زاايد** · 2008-05-09, 13:11

مشكورين خواااتي ع النصائح وانا وربيعاتي ناووين نواجها بس المصيبه انها ما تداوم وهي من السكن
ولو بنسير لها السكن ما بيدخلونا لان ممنوع اي حد من برع يدخل السكن والادهى انها بعد من عايله معروفه
وبعد لما نتصل عليها ما ترد خير شر او انها تبند بويهنا او تغلق الموبايل ..
ما ادري كيف ايبها لنا ..

**أم عيســـى** · 2008-05-09, 13:34

المشاركة الأصلية كتبت بواسطة غلا زاايد

مشكورين خواااتي ع النصائح وانا وربيعاتي ناووين نواجها بس المصيبه انها ما تداوم وهي من السكن
ولو بنسير لها السكن ما بيدخلونا لان ممنوع اي حد من برع يدخل السكن والادهى انها بعد من عايله معروفه
وبعد لما نتصل عليها ما ترد خير شر او انها تبند بويهنا او تغلق الموبايل ..
ما ادري كيف ايبها لنا ..

طرشيلها مسج قوليلها متولهين عليج عندنا لمه اليوم الفلاني و عازمينج على الغدا مثلاُ ..
يمكن اتيي

**زهرة العمر** · 2008-05-09, 13:37

المشاركة الأصلية كتبت بواسطة غلا زاايد

مشكورين خواااتي ع النصائح وانا وربيعاتي ناووين نواجها بس المصيبه انها ما تداوم وهي من السكن
ولو بنسير لها السكن ما بيدخلونا لان ممنوع اي حد من برع يدخل السكن والادهى انها بعد من عايله معروفه
وبعد لما نتصل عليها ما ترد خير شر او انها تبند بويهنا او تغلق الموبايل ..
ما ادري كيف ايبها لنا ..

سيرن عند كلاسها

**بنت القمر** · 2008-05-09, 14:50

المشاركة الأصلية كتبت بواسطة غلا زاايد

مشكورين خواااتي ع النصائح وانا وربيعاتي ناووين نواجها بس المصيبه انها ما تداوم وهي من السكن
ولو بنسير لها السكن ما بيدخلونا لان ممنوع اي حد من برع يدخل السكن والادهى انها بعد من عايله معروفه
وبعد لما نتصل عليها ما ترد خير شر او انها تبند بويهنا او تغلق الموبايل ..
ما ادري كيف ايبها لنا ..

إذا انت تدرسين في جامعة الإمارات ممكن تركبين باص السكن في فترة بريكج وتروحين لها السكن وتواجهيها ، بس مو روحج وياج حد من ربعج

**ام رشوودي** · 2008-05-09, 13:42

واجهيها افضل؟؟

**غــلاوي** · 2008-05-09, 13:44

قولي جدام ربعج علي اساس نغزه لها

اللي سارقه البوك ترده وبلا فضايح

و لو ما رد خلال يومين بحير عليه

و يا ويلها اللي سارقتنه

شو هااا عافانا الله

ليش جيه تسوي ؟ معقوله حاجتها تخليها تسوي جيه ؟؟

الله يهديها ان شاء الله

**هيااام** · 2008-05-09, 13:44

ووحده من ربيعاتي قالت لي خلينا تشوف في شنطنا يمكن حطينها من غير ما نحس " انا وربيعاتي وااايد مع بعض ونحس ان نحن خواات "المهم هاذيك ارتبكت وتغير شكلها والكل لاحظ عليها وفجأة قالت : ها انا بسير اشوي عند وحده اخذ اوراق مهمه منها .
وقالول البنات لها انزين يا فلانه خلي الشنكه عندنا . قالت : ها لا لا باخذها " طبعا بارتباك .
كان لازم هنا تتاكدوووووووون ليش خليتوها تروح من غير ما تدورون شنطتها
الغالية ما عليك انك انتي والبنات تسوولها كمين خخخخخخخخ
بتسوون نفسكم نسيتو السالفة وتقوم وحدة فيكم تتكلم في التلفون وتخلي شنطتها عندها وتكون مراوياها قبل انه عندها بيزات وبتطلع تتشرى
المهم لما البنت تسير تبتعد عشان تتكلم في التلفون وحدة بتكون بعيييد ومراقبباها هنا راح تنكشف وتعترف غصبا عنها

**غلا زاايد** · 2008-05-09, 13:49

خواتي مشكورين ع مساعدتكم لي .. بخصوص زهرة العمر .. الغالية نحن ماخذين نغس المواد وكلنا نفس الكلاس ..
وهي صار لها اسبوع ما تدوام .. من لما انسرقنا ..

**ياقوته** · 2008-05-09, 14:14

اختي

انتي ما بتظلمينها لانه الكل صار لهم مواقف معاها

الافضل انكم كلكم تواجهوونها
يمكن تكون مريضه وجي تسوي
ماتعرفون

وعسى خير

**الوفيه** · 2008-05-09, 14:20

واجهيها بطريقه لبقه

الموضوع: اخاف اظلمها..

أدوات الموضوع

عرض

العرض المتطور

اخاف اظلمها..

المزيد من آخر المواضيع من نفس القسم:

المواضيع المتشابهه

اخاف

اخاف من االاجهاض؟؟

اخاف من هلي

جديد.. اخاااف اظلمها..

يا ناس اخاف