ابا استفيد من خبراتكم واتعلم منها اتمنى التواصل

[wado0om]

السلام عليكم
جمعة مباركة
هذا اول موضوع لي فهالمنتدى الحلو
وعسى الله يوفقكن ويوفق الي قام
اول شي احب اعرفكم بنفسي
انا مب شاطره في سوالف المنتديات بس بحاول
معاكم اختكم ودوم عمري 21 سنه
طالبة جامعيه ادعولي بالتوفيق
الغرض من دخولي هالمنتدى اني اتعلم كيف اسوي اشياء بنفسي واعتمد على عمري
واستفيد من خبرات الاخوات الي قبلي والي ماشاء الله ابهرتني لان استوالي اسبوع تقريبا وانا الف واطالع مواضيعكم وابداعاتكم
وانا احب اخترع واشتغل بنفسي وحاليا اسوي شي براويكم اياه عقب ان شاء الله
بس موضوعي الحين اني ابا اتعلم كيف اسوي عطور فالبيت
انا وايد حباه هالشي ولفيت في وايد اماكن على المنتديات لكن ما لقيت شي يفيدني وايد
ابا حد عنده الخبره ومستعد يعلمني هالشي وانا بكون ممتنه وشاكره لها
واذا في حد بيعلمني اي شي ثاني غير العطور بعد ما بتقصر لاني احب اتعلم كل شي واسويه بنفسي
اتمنى اني ماكون غثيتكم في طلبي
واتمنى ان طلبي يلقى صدى عندكم وماكون خربطت فالقسم
لاني من اقرا القوانين اخاف اكون خربطت فالقسم ولا فالموضوع والي شفته ان هالقسم هو القسم المناسب
في انتظار ردودكم الكريمه
وتقبلو وجودي معاكم في هالمنتدى الفريد والرائع بايديكم

اختكم
wado0om

المزيد من آخر المواضيع من نفس القسم:

• ممكن مساعدة عن تبيض
• أحتــاج معلمة في بوظبي
• خادمة للتنازل
• محتاجة خادمة اندونيسية بسعر رخيص
• لمن يبحث عن معلمة متميزة في اللغة العربية...
• ساعدوني لوجه الله ارجوكم
• أنا ارمله احتاج شغل
• بنات تجربتي في عمليات التجميل مع الدكتورة...
• رجاءا من تعرف راقي شرعي
• مساعدة جمعيات و مؤسسات خيرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[قصايد الهاملي]

هلا حبوبه

اتمنى لج قضاء وقت ممتع ويانا

شوفي جيكي المواضيع كلها وبتتعلمين اشياء واااااااااااااااايد خصوصا الطبخ والاشغال اليدويه وغيره

ربي يوفقج

بنتظار مشاركاتج

[روح شوقانه]

حياج الغاليه ويانا في منتدانا الغالي واعتقد انه في وحده من العضوات قبل كانت محطيه موضوع كيفية صنع البخور أو العطور ما اذكر بالضبط بس اتعلمهم ويدفعون لها 200 اتوقع بس ما اذكر اسم العضوه

[اناناسة]

يا هلا و مرحبا بج في قسمنا المتواضع و اتمنى الحلوات ما يبخلن عليج الغالية

[نجمة الفجر 2000]

السلام عليكم الغالية

حياج بينا فديتج وان شاء الله تستفيدين وتفيدين ,,,

بالنسبة للعطور اسمحيلي ما اعرف بس سويتلج بحث في جوجول عسب اشوف لج اي شي ممكن يساعدج ويساعد البنات بعد ان شاء الله وها اللي طلع معاي ,, النتايج بالانجليزي لو فهمتيها زين ولو ما فهمتيها تعرفين واااايد مواقع حق الترجمة ,,,

http://www.howtodothings.com/fashion...e-perfume.html

http://www.theperfumereport.com/

http://how-to-make-perfume.blogspot.com/

والسموحة بس صدق كنت حابة اساعدج ,, وااااااااااااااااااااااااااايد مواقع بس ما عرف جربي انتي والله يوفقج وييسر لج الخير ان شاء الله دنيا واخره

@ اختكم في الله @

[روعة الوجدان]

حياج الغاليه ويانا

[wado0om]

الغالية قصايد الهاملي
اكيد اوقاتي ممتعه وياكم ان شاء الله
وانا اكثر من اسبوع الف واطالع وان شاء الله اني بكمل وبستفيد وبفيد
شكرا على مرورج وردج الكريم الغاليه

الغالية روح شوقانه
شكرا على المعلومه فديتج وان شاء الله اني القاها
وتسلمين على مرورج والرد الكريم

الغالية اناناسة
مرحب لا هان فديتج والاخوات ما قصرن
شكرا على المرور والرد


الغالية نجمة الفجر
تسلمين الشيخة ما قصرتي دخلتي قوقل وسويتيلي بحث انا ما فكرت ادور بالانقليزي قبل مادري ليش بس ما خطر في بالي وشفت المواقع في منها وايد مفيد وعيبني اسمحيلي تعبتج واشكرج مره ثانيه على البحث الي سويتيه ومجهودج وياي ماقصرتي فديتج


الغالية روعة الوجدان
الله يحييج في فضله ان شاء الله
وتسملين على مرورج والرد



اسمحولي على القصور
وشكرا على الردود والتفاعل
علني ما خلا
اختكم
wado0om