الحزينه

[أم_الحلوين]

بسم الله الرحمن الرحيم..

حبيت اخبركم مختصر قصتي وكيف الناس ظلمتى وأقرب الناس طعنوني في الظهر..


تزوجت من 4 سنوات اول ماخطبني زوجي كنت فرحانه وحسيت اني دخلت عالم الحب كان 3يوم من عيد الفطر وحبوني اهله وقرر مع ابوي تصير الملجه بعد 4 ايام من زيارتهم لنا استغرب ابويه وقاله لا عطنا فرصه نسال عنك زعلت انا من ابوي لان اكثر من مره يخطبوني وكلهم يطلع فيهم علل صحت وايد ما ادري ليش حبيته ماعنا ما بيني وبينه اي شي بس شفته وشافني على سنه الله ورسوله مع اهلي واهله المهم بعد يومين اتصل في ابوي وقاله انه ما عنده اجازه ويبا يملج علي بسرعه شاورني ابوي وقلت له موافقه بس امي ما كانت موافقه لان امه من جنسيه باكستانيه الله يرحمها توفت من يومين تمت الملجه وصارت الاهانه من خواته الي ماجابولي دبله وجابو طقم واحد هندي وخفيف وايد ضحكو علي اهلي والناس وانا استحيت وبدت المشاكل بس انا حبيته المهم بعد الملجه باسبوع وصل خبر لابوي من عيال عمتي وربعهم انهم شافوه يسكر وقالي ابوي القرار عندج كلمته وقلت له السالفه قالي لا والله اني ما اسكر وانا شاريج والناس حاسده ولاتسمعين كلام الناس وقلت له بفكر قام عقبها يترجاني ويطرشلي مسجات فيديو ويصيح ويقول انا بدمر بدونج ولاتخليني دخيلج وحلفلي انه ما يسكر وانه اخوه يسكر المهم بعد شهر تم الزواج لاسف كان خاطري يكون في فندق بس صار تقليدي وبسيط والصدمه شهر العسل كان باكستان واهله معانا امه وابوه واخته المهم لقيت الاهانات بس لمسه ايديه تنسيني كل شي بعد شهر رجعنا البلاد وطلعت حامل وفرحت وفرحو اهلي واهله بس زوجي صار يتاخر من البيت واكتشفت انه يسكر قلت له ليش كذبت علي قالي احبج وما ابا اخسرج وهو يصيح قلت له حاول تترك ها الشي وما بخبر حد لا اهلي والااهلك وصار ها الشي سر وكل ما اهلي وخاصه ابويه يسالني مرتاحه اقوله هي يا بويه انا مرتاحه وصار يسهر كل يوم مايرجع البيت الا الساعه 4 مره زعلان ياكل ويرقد ومره فرحان ياكل ويرقد ومره معصب يفلعني ويرقد مره فلعني وسقط الحمل وبعد 6 شهور حملت ويبت ولد والحمد لله بس هو ما تغير كان يميل للخدامه وايد وكل مره اسفر وحده واييب غيرها وبعدها حمات بعد ما صار عمر ولدي سنه حملت ويبت بنت وعلاقته باهله مو ذاك الزود مقاطع خواته لانهم ملسونات والناس ترمس عليهم وايد وما ادري ليش يكرهوني بس انا اتحمل وما اقول شي ابوي كان يقولي طنشي واهتمي في زوجك وامه وابوه ويشهد الله اني ما كنت اقصر ""ياخواتي يبت خدامه اثيوبيه انا اعامل الخدامات بكل طيبه ومحبه وللاسف استغلتني لاحظت عليها وهي تغسل ملابس زوجي تتروح فنايله وكم مره اشتكولي اهل الحظانه انها تحط لولدي اكل معفن وقلت حق زوجي بس يقول هزبيها واذا سفرتها ما بييب غيرها وانا ادرس في الكليه ساعتين ولدي في الحظانه وبنتي عند الخدامه ارضعها وارقدها وزوجي راقد وهو يداوم في الجزيره اسبوعين موجود واسبوعين في الدوام ومره ياني احساس ارجع البيت والاستاذه كانت غايبه ورجعت البيت ولقيت زوجي والخدامه راقدين في غرفه نومي انهرت وانصدمت وصحت وايد مسكني زوجي وحاول يراضيني وكنت اقوله انه ما يرقد وياي وانا والحمد لله جميله وليش فضل علي الخدامه ليش ليش ياخواتي حالتي النفيسيه تعبت وايد ما عرفت شو اسوي قلت له بطلب الطلاق قالي اذا انتي طلبتي الطلاق بخليج تتنازلين عن كل شي حتى العيال ولا ما بطلقج وانا امي اما راتيه وابويه من اصل خليجي احترت وفكرت وايد وسترت عن الموضوع وما فضحت زوجي الانه سمعته من سمعت عيالي فديتهم والله بس اذكرهم تخنقني العبرهوبعد السالفه بيومين قالي زوجي روحي العين علشان تخلصين امورج للعرس وللعيد من ملابس لي ولعيالي وقلت اوكيه طلعت مع عيالي وخدامتي واختي عمرها 23 كانت يايه عندي زياره لما طلعت الظهر رحت المول وخلصت بعض الاغراض لعيالي وقلت لزوجي انا راجعه الشقه قالي لا ليش ما تروحين عند ربيعتج فلانه قلت له انا مشتاقه له وابا اقعد وياه قالي لاحقين على القعده رباعه خلصي امورج استغربت وايد ليش حدد فلانه ليش ما اروح عند امي واغير اتجاهي بدون ما يدري احسن من اني ابات عند ربيعتي بس كان معاي با لاتصال يترياني اوصل عند ربيعتي وصلت عندها قعت ساعتين وحسيت انها تبا تقولي شي وكل شوي تلفونها يرن تروح بعيد وتسولف استغربت وعقب قالتلي ريلها ياي واسمحيلي شو رايج تحجزين شاليه انتي وعيالج واختج تباتون فيه والصبح نروح السوق رباعه قلت لها اوكيه بخبر زوجي اتصل به ما يرد وطرشت له مسج وقلت مره وحده عيالي بلعبهم في الحديقه وانغير جو ورحنا وحجزنا الساعه 10 تقريبا نمت مع عيالي بس لاحظت الخدامه وايد يرن تلفونها وتروح الحمام ةترمس فيه والساعه 8ونص يت التحريات وقالت لي فتحي الباب قلت لحظه بتصل في زوجي قالولي زوجج مشتكي عليج والخدامه الي وياج انصدمت يا بنات الخير وايد انصدمت حسيت اني بموت شو السالفه ما اعرف رحت المركز ويا الشرطه واختي يابت عيالي وانا حاظنه بنتي سحبوها مني وانا ميته صياح وبنتي وولدي يصيحون ما ما ما ما ااه ياخواتي صعبه وايد اني اعيش لحظه بدون فلذات كبدي المهم قلت ابا امي ابا اخواني وابوي ووين اختي قالي واحد ان انتي متهمه بالخلوه المحرمه لان ظبطنا ريال مهاج عند باب الشاليه قلت لا مستحيل وقالولي ان زوجج والخدامه يقولون في اقوالهم انج امراه غير شريفه قلت لهم خلو زوجي يكلمني ابا اقابله قالولي انه اخذ الخدامه والعيال وراح وقالنا خذو اجرا ءاتكم قلت لهم ازقرو اهلي يكفلوني يو اهلي امي وابوي واخوي ما يعرفون السالفه قلت لهم الي صارلي وعقب واحد قالي وقعي على هاي الاقوال قريت الورقه كان مكتوب فيها اعترافات فضيعه ما تقوله اي وحده خايسه صحت وقلت مستحيل هاي مو اقوالي ما بوقع قرو الورقه اهلي وقالو هاي مو بنتنا الي تقول ها الكلام بس الريال يعرف زوجي ربيعه قالي ولاهلي اذا تبا عيالها لازم توقع عللى ها الورقه حايلني وايد وكذب علي ووقعت علشان عيالي بس للاسف 4شهور ما شفت النور وانحرمت من عيالي واسقطو عني الحضانه وقالو لي اني غير شريفه واني ما اصلح للعيال ارجوكم ادعولي اشوف عيالي وزوجي طلقني وطلب مني تعويض واسقط الحضانه عني ووايد يالت يتلاعب في كل شي حرام عليه وما خلا حد ما شوه سمعتي عنده دمر حياتي ياخواتي دلوني طريق النور وابا عيالي انا اخاف الله وصدقوني انامظلومه""امي كسبت قضيه انها تكون حاضنه عيالي بس هو سوا استناف والله يعلم شو بيسوي بعد والله لو هو بيقدر يربي عيالي مو مشكله بس لا هو ولا اهله لانه امه متوفيه وعنده اخت مطلقه 33 ماعندها عيال تشتغل من الساعه8لين 5 وغيرها متزوجات والرمسه عندهم منقعه صح عندهم جواز بس عاداتهم عادات هنود دخيلكم ياخواتي ساعدوني هذا مختصر سالفتي انا حزينه ما ارقد اتخيل عيالي واتمنى من الله اني التقي بعيالي باقرب فرصه حياتي كئيبه بدونهم نفسيتي تعبانه وايد عطوني حل يا خواتي وسامحوني ..

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الخجولة H]

والله رياييل هالزمن كلهم جي
وانا عرفته من اقرب الناس لأهلنا
الله يفرج همج حبوبهـ
الله يبعد عنج الحزن اختيه
**

[Ra3yt PrEsTiGE]

الله يعينج و الله ما اعرف بشو اشور عليج .. الله يهونها عليج و تأكدي انج حقج ما بيضيع دامج مظلومه

[أم_الحلوين]

والله ياناس انى مظلومه وايد وايد ساعدوني شو الحل كيف أرد لعيالي..

[أم رفيعة]

الله يفرجهاا عليج ويفك كربج وان شاالله اتشوفيهم ياارب

[قصايد الهاملي]

السلام عليكم

حبوبه نحن حاسين فيج شيء فضيع ان هالشيء قاعد يصير احس اني عشت دراما او فلم

الله يعينج ويسهل عليج امورج

وان شاء الله يارب اتشوفين عيالج بأقرب فرضه

والمظلوم أكيد بي يوم وياخذ حقه

اصبري حبيبتي اصبري والله بيفرجها عنج

[أم حمد 1]

الغريب اختيه انج مسجله من شهر وانتي تقولين ما ادري

بصراحه السموحه هب كل شي يتصدق

والله يفرج همج لو كان صج

[السنيوورة]

لا حول الله يارب

حسبي الله ونعمة الوكيل

غاليتي الله يفرج عنك يارب والله يمهل ولا يهمل ودعوة المضلوم ليس بينها وبين الله حجاب

وهذا اختبار من الله على قوة ايمانك وان شاء الله الفرج قريب بأذن الله

الله يرجع لك اولادك ويثبا برائتك يارب

اللهم اني اسألك بكل اسم هو لك سميت به نفسك علمته لعبادك او اذخرته في علم الغيب عندك ان تفرج عن ام الحلوين همها وتفرحها بشوفة اولادها وتنصرها على من ظلمها يارب العالمين يا ارحم الراحمين

امين

امين

امين

[أم_سواف]

آآآآآه...الله يعينج..
المصيبه انه الطيبين ياكلونها ..أختي ماشي غير تلعبين عليه مثل ما لعب عليح..بالحيله و المكر
حاولي تجرجرينه في الكلام و انه ليش سوي فيج جذيه ..في مكالمه هاتفيه و يكون حد من الشرطه وياج
قصي عليه و قولي له انج اتحبينه و ما ترومين بلاه..
ممكن تثبتين عدم شرفه بالخلوه مع الخدامه..و شو عن السكر؟
بأي طريقه ادخلي البيت و حاولي تحطين كاميرا فيه ..و ليله وحده بينكشف كل شي
شو بعد ممكن تسوين؟؟!!
ادعي عليه كل حزه ..دعاء المظلوم مجاب

[أم_الحلوين]

انا ماطلبت منكم اتصدقوني وانا مايهمني الناس اتصدق او لاء المهم بيني وبين ربي كل شي واضح وربي عالم بالحال وعارف اشكثر انا انظلمت وانخدعت بها الريل والخدامه اللي ظلموني حسبي الله ونعم الوكيل...

بس الله كريم اتمنى تدعون لي دعوه صادقه لني ماقدر اعيش بدون عيال والله هذا كل اللي اتمناه..

[أم_الحلوين]

ماقدر اسوي كل هذا اول شي انا كلمت الخدامه واترجيتها والله مش عشان سواد عيونها بس عشان تعترف بالحقيقه اتخيلو ياناس اتصلتبها وانا بروحي واقولها محد يسمع وكنت ناويه اسجل صوتها بس الخدامه ذكيه وخبيثه وقالت لا والله انا قلت الصدق وانتى مب شريفه وانتى وانتى يعنى مستحيل ينقص عليها الخدامه هذي مب هينه والله...

والله انى ماقصرت وياها وعطيتها كل اللي تباه كانت امعززه وامكرمه بس ماشي فايده والريال انا كم مره حاولت اكلمه واقول له بس ناس اتبلوا علي وخططوا وسوو ورتبوا هاييل ناس شطار ماينقص عليهم بسهوله وماقدر امسكهم والله..

بس الله كريم ادعولي ياناس والله اموت بعيالي وماقدر اعيش بدونهم والله..

والله الظلم عذاااااااااب محد بيحس فيني لنه انا مظلومه حيل..

[أم_سواف]

حبيبتي لازم تكونين قويه..
طيب شو الاثبات الي عندهم انج مب شريفه؟؟؟!!!
و مش فاهمه كيف وقعتي على الاقرار؟
عندج محامي شاطر؟

[أم_سواف]

ممكن تطعنين في شاهدتهم:
اولا زوج سكير كيف تقبل شهادته؟
ثانيا خدمتج متزوجه او عزباء؟ اذا عزباء ممكن يسوون لها فحص و يكشفون انه هيه الي مب شريفه

[عفاري80]

فعلا ماشي ريياييل هالوقت للاسف والله يعينج

[كتكوته21]

الله يعينج حبيبتي