اختي مربية وابغي هدية

**الأرموطه** · 2008-05-07, 20:42

السلام عليكم.. اشحالكن...
حبايبي اختي مربيه وبعد الاربعين بنسوي حفله وانا مب عارف ومحتاره
شو اهديها وابا اهديها شي مميز لانها غاليه علي وبعد هي الصراحه ما قصرت وياي
يوم انا ربيت فشو تنصحوني اهديها واكرر ابا شي غييييير ومميز
بلييييز ساعدوني....

المزيد من آخر المواضيع من نفس القسم:

**الخدمونية** · 2008-05-07, 21:07

وعليكم السلام ورحمة الله وبركاته... هلا اختي الغالية

اختي ممكن تاخذين لها قمصان نوم من نعومي لأنها بتكون طالعة من الاربعين
عطور ودهن عود ومكياج
اكسسوارات للكشخة (ممكن اتشوفين الرابط الي في توقيعي)
أغراض منوعة للبيبي... يفضل يكون لأكبر من 6 شهور لأنها اكيد شارية وايد ملابس للياهل حق قبل ال 6 شهور
اممممممممممممم بعد
والله ها الي يا ع بالي احين

وأنا مستعدة اسيرلج السوق واشتريلج كل الي بتحددينه ويوصلج لباب البيت...

وان شاء الله البنات ما بيقصرون بالأفكار الحلوة

**الأرموطه** · 2008-05-07, 21:26

المشاركة الأصلية كتبت بواسطة الخدمونية

وعليكم السلام ورحمة الله وبركاته... هلا اختي الغالية

اختي ممكن تاخذين لها قمصان نوم من نعومي لأنها بتكون طالعة من الاربعين
عطور ودهن عود ومكياج
اكسسوارات للكشخة (ممكن اتشوفين الرابط الي في توقيعي)
أغراض منوعة للبيبي... يفضل يكون لأكبر من 6 شهور لأنها اكيد شارية وايد ملابس للياهل حق قبل ال 6 شهور
اممممممممممممم بعد
والله ها الي يا ع بالي احين

وأنا مستعدة اسيرلج السوق واشتريلج كل الي بتحددينه ويوصلج لباب البيت...

وان شاء الله البنات ما بيقصرون بالأفكار الحلوة

مشكوووووووره فديتج .... انا بعد هالشي يا فبالي بس بعد احس انه شي ناقص خخخخ

**الخدمونية** · 2008-05-07, 22:15

ههههههههههه ... اوكي زيدي
مقابض للشعر
شيلة
شنطة
لوشنات

***أم الميث والشيوخ*** · 2008-05-07, 22:23

خذي لها دخون وعطور او ششوفي شو اتحب هي بالضبط ووووممكن تاخذين لها قمصان نوم وذهب للنونو اذا كانت بنت وانا بصراحه لالالالازم اشتري ذهب لخواتي يوم يربن

**اليامي مريامي** · 2008-05-08, 00:02

اختي لو تحبين شي من منتجاتي الزوجيه نسويها طقم مع ملابس نوم ورضاعه وطقم للطفل او لها بروحا مع اشويه اغراض للبيت مميزه راسليني او اضغطي عاصوره الي تحت بالتوقيع وشوفي المواضيع واليديد من الاطقم فيها قمصان نوم مااقدر اعرضها العفوالاعالخاص

**"شموخ"** · 2008-05-08, 00:04

عزيزتي ممكن اسويلج صندوق رااقي وشغل ماعليه كلام .:.:.

اختج

"شموخ"

**الأرموطه** · 2008-05-08, 00:08

انا حاطه فبالي اني اخذ لها سله عطور ودخون وهالسوالف وذهب مع شوية قمصان نوم
والبيبي فديته هي كانت شايفه سرير قبل ما تربي وقلت باخذه وبعدله وبفرشه وبدلعه
يعني بفاجأها بالسرير خخخخ فشو رايكم

**أم ود!د** · 2008-05-08, 01:10

حجزي لها في فندق جم يوم أهو وريلها طبعا

**عواااشه** · 2008-05-08, 01:33

شغل الياهل بيكون عندها وااايد تخصصي فيها هيه مثلا خذي لها جلابيه فخمه للاستقبال الناس ويا اكسسواراتها وشيله والا سكارف يناسبهاااا

اما انج تاخذين مقاس عباتها وتسوي لها طقم حلو لانها بتكون مربيه توها ومب مفصله ششي يدي من العبي

بعد قميص نوم حلو او موبايل يديد المهم الهديه تكون لها هيه للياهل وااايد بيعطوهاا

**روح شوقانه** · 2008-05-08, 14:21

انا اضم صوتي ويا الاخت عوااااااشه اخليلها طقم عباه مع الشيله وجلابيه.............الخ

**maitha2007** · 2008-05-08, 14:26

عطيها فلوس احسن وهي بتاخذ اللي ناقصنها

**موزيلا** · 2008-05-08, 14:41

غناتي سيري باباز آند ماماز و اشتريلها من اهنااااااااكي حق البيبي

لان الملابس حلووه و حتى الالعاب و سوالف البيبي من سراير و وسوالف كلها راااااقيه و اتجنن ،،

و عندج محل ف الامارات مووول اظني اسمه كارتر للأطفال الصراحه رووعه لوبغيتي تاخذين كم قطعه للبيبي
لانها ماركه امريكيه و نحن شارين منها قبل من امريكا ولين الحين الملابس جنها يديده مال اخووي ،،

وخذيلها طقمين ملابس داخليه من بندوون اللي ف الامارات مول او الفيستيفال ،،

وقميص نوووم من محل رااقي مب نعوومي لانه عادي خذيلها شي تنبهر فيه يعني لو قميص نوم وااحد يكفي

وخذيلها ساعه ماركه مثلا نيناريتشي اليديده و هيه رووعه ،،

و كوليكشن عطوور و اللوشنات تدرين المعرسه وايد تهتم لهالسوالف ،،

واحجزيلها ف فندق حياه اللي ف دبي ف السبا عسب اتسوي فيشيال لان مالهم رهيييييييب ،،

الموضوع: اختي مربية وابغي هدية

أدوات الموضوع

عرض

العرض المتطور

اختي مربية وابغي هدية

المزيد من آخر المواضيع من نفس القسم:

المواضيع المتشابهه

ربيعتي ربت وابغي هدية لها ..

هدية لوحده مربية

ربيعتي مربية واحترت شو آخذلها هدية .... تعالوو ساعدوني