فزعتكن عرايس

[ربي ارحمني]

الحمدالله على كل حاااااااااال ..
شورن عليه زهابي بس 50 الف
ومب عارفه كيف ابتدي احسه ما يكفي شيء خاصه بعد الغلا وزهب نااار
قولولي فستانج عند منو اجرتيه وبحدود كم ما اريد اي فستان اريد شغل عدل
وانا من العين موول صوالين العين مايشاهدن وافكر اتعدل في دبي ولا بوظبي بس اخليها اتيه البيت بس اسعاره دبل الله كريم بمنوو تنصحوني ؟
وسمحلي ادري وايد اتكلم بس محتاره شو اسوي

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[انسة العين]

للرفع

[buss-girl]

الغالية انا الي عندي حاليا 50 الف للزهبة .. الباجي كله توزع

لكن الحمدلله عندي راتب كل شهر وها الي بيساعدني


حاولي ترتبين حق كل شي وتحددين من كل شي كم تبغين بالضبط


وانا بروحي اتريا حد يعطيني جدول للزهبة ولا ببدا اسويه بروحي و بقسم البيزات .. على اساس ما اتبهدل بعدين وما يبقى شي من البيزات

[ام sdt]

اختي انا انصحج تتمكيجين عند خلود المري اوريحانه بس ريحانه تدبل الاسعار مكياجها راااقي شرات ريحانه لان نحن نحط عند الهنتين اللي مانحصلها نحجز عند الثانيه وكل مره يعيبنا مكياجهم وخلود المري اسعارها وسط مب مبالغ فيها لكن يوم مانحصل نظطر نحجز عند ريحانه وهي مره قالت انا ماافرق بين بوظبي ولا الشارجه ولا دبي الا بشي بسييييط بس عاد مااعرف كم هالشي البسيط المهم انها شرحه وفنانه وترتاحين يوم تحطلج واتصلي في ريحانه يمكن يعيبج السعر ورحاب احمد بس سمعت انها بتربي هالفتره المهم ه الثلاث لااااااا تفوتينهم اذا تبين شي بروفشنل

[غلطة حياتي]

مرااااااااحب
لاتحاتين اختي اصلا الفلوس بكل الاحوال بتطير انتي بس حاولي تاخذين الاساسيات..اما على المكياج فشوفي ساميه اذا انتي تحبين المكياج الهادي...

[فن القفطان]

مبووك و لله يتتم لج على خيي

[ربي ارحمني]

الله يبارك فيكم ودعواتكم لي
واتريااا ردوود الباقيين

[pinkyflowe]

الف الف مبروووك والله يسعدج ان شاء الله

اذا وزعتيهن زين بيسدنج ان شاء الله ..
انا من العين وحاجزة عند حنين وسعرهاا واايد زين وهي بتيني لين الصالة .
وانت حاولي تسوي كل شي بس مب واايد والذهب صح غالي واايد بس لاتشترين واايد

[الـــصدى]

توكلي على الله وان شاااء الله بيسر لج

[snowberry]

أهم شي حبوبة تخلين مبلغ عدل حق الفستان
ومبلغ عدل حق الطقم الرئيسي سواء كنت تبينه ألماس ولا ذهب
وباقي الأشياء لا تحاتينها لأنها بتكون لج بس مثل ما قتلج خذي الفستان والطقم الرئيسي أول شي عشان لا تتوهقين والله يوفقج

[سلمت امرى لله]

الله يطرح فيهن البركه ..وتلاقين نفسج شريتى كل شى وزادوا بعد.

[طيف قلبي]

(أقلهن مهرا أكثرهن بركـه)


لو رتبتي عدل بيكفن .. في وايد بنات اقل من 50 والحمدلله اشتروا وكفتهم ..

اهم شي ما تشترين وايد لأنج عقب العرس ان شالله بتشترين وتجددين ..

حطي مبلغ معين للأشياء الرشيسة مثل

الفستان والصالون (حنا - مكياج - تسريحه) .. ولا تكثري ذهب ..

حطي فـ بالج بعد انه ممكن تييج اهداءات تفيدج فـ الزهبه ..

مثل ما يقولون مدي ريولج ع قد لحافج (لحافج = 50الف) هع هع .. وهي ليله وان شالله بتعدي ع خير

مهري اقل والحمدلله مكفني .. وفي وحده اعرفها مهرها بس 15 والحمدلله مر كل شي بسلام وعرست واستانست ..

ادري الدنيا غلا .. بس بشوية ترتيب وقناعه بتشوفين ان الامور تيسرت ..

وتصدقي بمبلغ بسيط عساس ربي يضاعفلج بيزاتج ..

موفقه خير عزيزتي وربي يسعدج .. ومنج السموحه هذربت وايد ^_^

[ربي ارحمني]

اميييييييييين ومسموحه طيف قلبي
ويزاكن الله خير خواتي في ميزان حسناتكن


بصراحه محتاره اتمكيج عند منوو مب مشكله لو بوظبي ولا دبي بخليها اتييني بتقولولي سوي بروفه ما عندي وقت شو رايكن شورن عليه