هديه زوجي

[Anwaar]

الغاليه الهديه مش بقيمتها.. انا اقترح انج تاخذين بتلات الجوري (١٠ وردات) من اي محل ورد .. احجزي في فندق.. القصر في دبي او فندق جال في دبا الفجيره او فندق قصر الامارات في بوظبي وخذي معاج غطا للسرير فخم وانيق (يفضل يكون ابيض او سكري مع حواشي مذهبه او خمريه لانج بتكتبين على السرير ببتلات الورد المقطعه شوية كلام حلو).. خبري الفندق ان هذا عيد زواجكم وبيعطونج ترتيبات معينه وبيرتبون معاج الاجواء.. وحاولي توزعين ريلج (يعني تخلينه يروح يستكشف اي مكان وسوي الترتيبات بسرعه.. وزعي بتلات الورد عالارض كأنه بيمشي عليها.. شويه شموع عطريه توزعينها على يمين ويسار اماكن الحركه..

جهزيله صندوق (حركه غلسه خلي الفندق ييبون الهديه اللي بتكون في صندوق فخم داخل كرتون موز او همبه.. المهم صنوق خضره او فواكه ) ولما يي زوجج يفتح باب الحجره بيكون متضايق انهم خربوا عليكم الاجواء.. خلهم يقولون له ان حد من اهلج (يسمون اسم معين يعرفه زوجج) مطرش هذا الصندوق من المزرعه.. طبعا زوجج بيكون مصدوم.. ياخذ الصندوق ويفتحه بيلاقي داخله صندوق راقي داخله ساعه (اقترح كرسيتيان ديور كرستال الرمادي) وبزم وقلم وبوك (طقم فخم من اي ماركه بتلاقين البوتيكات في مول الامارات او فيستفال مول).. وعطرين يداد.. في عطر رووووووعه رجالي اسمه ذا ون من دولتشي&جابانا نزل في اوروبا وبعده ما نزل في الامارات.. اذا عندج حد هناك ييبه لج.. انا كنت مع اخوي واشتراه واستخدمه صراحه ريحته تجنن

طبعا هذا تخيلاتي.. اذا الله كتب وييسر اموري وتزوجت يمكن يكون كلامي غير

الله يسعدكم ولا يفرق بينكم