حلوا مشاكلي

[دلوعة_أحمد]

السلام عليكم و رحمة الله و بركاته

الموضوع هو اني متضايجة من ريلي. من عرف اني حامل و هو غير متغير 180 درجة. اول شي تم يتحرطم و يقول انه البيت ضيج عليه و انه الغرفة ما توسع 3 يهال (مب ذنبي انا) و سار و خذ شقة قريبه على بيت اهل ريلي بس بعد شقة (صدق هالياهل اللي في بطني رحمة). بعدنا ما انتقلنا من البيت بس دومه يعصب علي و يقوللي انتي اللي تبين تطلعين و انتي اللي مستانسة و انتي و انتي مع انه الفكرة فكرته و انا مستحيل اني اسير و اخذ الشقة روحي!

ثاني موضوع هو الحمل نفسه احسبه متوتر لأنه اهله يعقون عليه رمسه بطريقة غير مباشرة اني حامل اب بنت. و احس من نظراته و ويهه انه يزعل يوم يقولون جي مع انه يرد و يقول اللي يي من الله حياه الله.

ثالث موضوع هو انه راد من السفر امس و انا ما كنت مشتاقتله مول!! كنت يالسة على النت و يوم دش علي ما سويتله سالف ماعرف ليش؟ مع اني مب من النوع اللي يصيبني نفور اثناء الحمل. بس احس عمري مليت منه.

شو الحل؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[أم عمهي]

حاولي اتطنشين هالاشياء وخلج مفرفشه وياه عسب يعرف غلاته عندج واصبري وادعي ربج وفهمي الحمل شي مب بايدج انتي..وانج انتي راضيه اتعيشين وياه في اي مكان..

[algalb]

دلعيييييييييييييييييييي نفسج وغيري جو وسوي شوبنق وتقربي لربج في السجود بالدعاء بالهدايه لج ولريلج وبالذريه الصالحه والولد الصالح
وزيدي جرعات الاهتمام بريلج طبعا بعد الاهتمام بنفسج وبلوك يديد تشوفين فرق في حياتج وربي يوفقج ويسخر لج ريلج يارب

[راعية العين]

السلام عليج من دراستي العميقه لكل مواضيعج تبين لي انج تعانين من مشاكل كثيره حمل وشغل واشياء تخصج ماقدر اتكلم عنها اتمنى انج ماتهدمين بيتج وتحاولين تبدين حياه جديده وكل انسان وسلوبه هذا زوجج وانتي ادراء فيه وتفدرين تغيرن تفكيره مليون من اميه اذا بتفكرين صح اتمنى لج التوفيق

[زلال2008]

الله يعينج على بلاويج...

[نااعمه]

مبروك على الحمل

بنت ولا ولد في اي قرن نحن هالزمن الناس يتمنون البنت لانها تفيد اهلها اكثر من الولد

وان شاء الله يطلع ياهل صاحي مافيه شي ها اهم شي

اختي حاله الملل والنفور الي انتو الاثنين فيه اكيد فيه بعض المشاكل المتعلقه والي انتو الاثنين لازم تقعدون قعده صراحه تتفاهمون فيها على اتفه الاشياء الي كل واحد يحس بها تجاه الثاني وكاتمها في نفسه

قولي له كل شي بدون حواجز وطالبيه بنفس الشي ولا تاخذين المواضيع الي بيقولها بحساسيه وشجعيه على الصراحه في هالقعده حطوا النقاط على الحروف قولي له انه ودج تشتغلين و تنشغلين يكون لج كيان قعدتج فالبيت مسببه لج نفور من حياتج كلها

الحين اهتمي في حملج وريلج

ابا اقولج شي تعرفينه انا خبرتج به من قبل

اكثر الريايل يخونون حريمهم ويتزوجون عليهن في فتره الحمل

اختي حافظي على بيتج
مرات الانسان لانه عنده كل شي ومرتاح الشيطان يقعد يطفر به يحسسه بالنفور من الي حوله ليما يخسرهم ويعض اصابع الندم خلاف مثل ما صار معاي ارجوج لا تخلين الشيطان بغلبج امسكي القران واقري كل ما تحسين بالنفور

الله يسعدج يا رب

[سارونة الحلوة]

ربي يوفقج ويسخر لج ريلج ياااارب

[ام سالم2005]

ما ادري بس احس انه انت غلطانه بعد
اولا الحمل يكون اتفاق بين الزوجين يعني مهب الريال اللي يقدر يود مثل الحرمة الا اذا انت حملت بالغلط
ثاني شي هو كان راد من السفر يعني حتى لو كنت مهب مشتاقة له وهاذي وايد تحصل يوم الحرمة تحمل على الاقل بسوي جو يغير من نفسيته ويتقبل حمالج وما يعق عليج بشي
انا اشوف تغيرين من شكلج ومن الروتين وتسويله ليله يتذكرها طول عمره وتبينيله انه العيال نعمه كانو بنات او اولاد عاد انت وشطارتج

[بطرانةحلوة]

الله يهديج المفروض اهو الي ينفر منج مب انتي

عنبو الريال راد من السفر وتوه من يومين تبين حركات وسوالف والبنات ماقصروا معاج وآخر شي تجابلينه بهالوية لا وقاعدة عالنت

والله ان ريلي دش البيت وشافني زاخة الاب توب ليكسره ويرميه الرياييل مايحبون الحرمة المهمله الي 24 ساعة قاعدة عالنت او ترضع بالتلفون

وبعدين هذا مب اول حمال لج المفروض تتعودين وتعرفين كيف تعاملين ريلج بهالضروف

سيري اعتذريله احسن لج وديري بالج على طيرج قبل لا يلفي على غيرج

الله يهديج

[القطـــى]

اسمحيلي اقولج انج انتي الغلطانه ..وانتي اللي اسوين مشاكل مب ريلج
لانج انتي مب مقتنعه بعطية الله

شو فيهن البنات والله انهن حلوات ؟؟ ...

لو ما البشاير ساعه ويالبنت يا النفاعه ...

الولد اتشله حرمته وخلاص بعدها يروح في حال سبيله...اما البنت هيه اللي تنفع اهلها حتى لو بعيده

وانتي بطيرقج باستقبال زوجج ..تشككيكين في حبه لج

الله يهديج بس...

ليش من تحملن تصيرن باردات ؟؟؟..نحنا حملنا وربينا والله انه اندوس على عمارنا قد ما نقدر..

الله يهديح بس

[السكوت ارح]

للرفع

[FFF]

اكثر الريايل يخونون حريمهم ويتزوجون عليهن في فتره الحمل

الصراحه ها الشي اول مره اسمعه

هو اللي سبب حملها , عيل كيف ينفر منها

بس انتي حاولي تعطينه من وقتج كثر ما تقدرين

يلا هي كلها فنره وتعدي

[ام غريبه]

الغلا ....حاولي تهدين من ريليج لو متضايج بس ما عليه خليج انتي كول و الهاديه و تقبلي منه الكلام لا تلومينه يكفي الكلام الي يسمعه من اهله....و ان شاءالله يوم بتنتقلين لشقه بروحج بيكون احسن لانه بيبتعد عن اهله و كلامهم....ما رح يتضايج.....و هو مؤمن الحمدالله ...المفروض ما يزعل بنت و لا ولد ...كله كم عند الله ...اهم شي انتوا الاثنين تكونون بصحه و سلامه....

و الفتور الي صاير الحين بسبة المشاكل الغلا ...مب انج انتي ما تبينه او هو ما يباج.....

في بنات يقولون اتني الغلطانه....انا ما اعرف ليش هي غلطات....شو ذنبها هي لو حملت ...كلن رزقه مكتوب له حتى لو في اتفاق بين الزوجين ما تحمل ربج يكتب لها حمال.....حتى لو انها حملت من قبل كل حمال عن حمال يغير نفسية الواحد و يكفي انها تسمع كلم من اهل ريلها انها بتيب ولد...لو انهم كلهم نعمه بس هذا بروحه هم يكون للحرمه...لو ان ريلها راضي بالمقسوم....الناس ما تسكت و تخلي الواحد في حاله ...



و الله يسعدكم ان شاءالله ...ويرزقج بالذريه الصالحه السالمه من كل شرر....و يبعد عنج الحساد

[راقية الذوق]

اذكـــري الله انتي الحين بوقت حمل والنفسيه من الاساس تكون تعبانه وتصيرين حساسه زياده عن اللزوم من اي حركه
عن ريلج الظاهر انه اهله يلومونه لانه طلع من البيت ودور شقـــه فحاولي انتي تخففين عليه الضغط مو هله يلومونه من صوب وانتي تقولين انت اللي دورت الشقه مب انا!!!
وعن البنت والولد ان سمعتي حد قال حامل بنت قولي الرازق الله مب انتم والبنت والولد نعمه المهم الصحه والعافيه .
عزيزتي حاولي قدر المستطاع تهدين وفيتامينات الحمل تراها تلعب دور في هدوئج واستقرارك النفسي وع الاقل يوميا اكلي مقدار كوب من المكسرات لانها تحسن المزاج وتخليج ريلاكس .
وروتين حياتج الممل جدديه لان هالاسلوب بينفر ريلج منج
الله يصلح الاحوال ويهدي بالكم

[عاشقة المك]

حبيبتي انتي حسي بريلج ...........هو متعود انه يعيش فبيت اهله عشان جي لما استأجرتو شقه حس بمسؤوليه كبيره انه بيظهر من بيت اهله وبيكون له مسؤوليات اكثر وصرف اكثر عشان جي هالفتره بيكون متوتر واااااااااااااااااااااااااايد ومتضايج لييين تسكنو وتستقرو بعدين بروحه بيهدأ (لان الرياييل ما يحبون التغييير المفاجى) عشان جي حاولي انج تسايرينه........................وبالنسبه لبروودج فالتعامل وياه فهذا بسبب معاملته هو وياج فهذا شي طبيعي انه بينعكس عليج ...انتي حاولي تهدي الوضع من بينكم واحتسبي الاجر عند الله وان شاء الله ترتااحو