............................Desperate Housrwives CAFE................................

[**لمعة الماسه**]

هلا حبوباتي


عساكن عالقوووه


وشحالكن وشحال عيالكن .. ان شالله كلكن بخير <<<< الاخت تتكلم فالتليفون خخخخ


حبيت ايمعكم اليوم في كوفي شوبي اليديد دسبرت هاوس وايفز كافييه ... الكبشينو ببلاش

عاد خلصنا من تجمع الحمل والولاده الحين بندخل فالحش والذي منوه خخخخخ




باختصار .. موضوعي عباره عن فشة خلق وفضفضه... تعالي قولي شو صار عليج اليوم... شو تحسين وشو في خاطرج... بالاخص ابو العيال .. شخباره اليوم !!



الوحده فينا كل يوم تمر بضغوطات من البيت والعيال وابوهم.. ونادرد مانلاقي حد نفضفضله.. واذا كان فيه حد بتكون يا شمتانه فيج يا حاسدتنج (اتكلم عن واقع ولاتقولون غير جيه الا من رحم ربي وهذي فئه ما تتحصل الا نادر) والباقي احلاام سعيييده ...


هنيه حياتي عندج الفرصه انج تلقين بحمولتج وتعبرين عن ما في خاطرج ولا من شااف ولا من دري...

ترا الوحده وااايد ترتاح اذا كتبت اللي في خاطرها حتى لو محد يقراه..


عاد انا امووووت فالحش فريلي ... خص وانا اشرب القهوه خخخخ



اترياكن...



بالاخص شلة التجمع

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[دلوعة_أحمد]

انا اول وحدة برد ! متضااايجة من بو الشباب لأنه هو محسسني انه يبا شباب لول و انا عندي بنتين و الحين حامل في الثالث و احسه زعلان مني !!!!! ماعرغ ليش بس اباه يفرح بهل حمل مب جي من غير حماس و لا اي شي. مالي خاطر حتى اشوفه و لا ارمسه مع انه امس واصل من السفر
اااااااااااف و باجر بسير اسوي شوبنق لأني احس عمري كبرت اهء اهء اهء ابا اشتريلي جينز راص و شباصات حلوة حق الشعر استوي بنوتة مرة ثانية
و على فكرة دسبرت هاوسوايفر مسلسل روعة اللي ما شافته اتشوفه

[algalb]

زين الحمد لله اني ما شفت هالموضوع العصر ولا كان فشيت الي فقلبي من الخاطر وما خليت شي ما قلته<<< ربنا يستر خخخخخخخ

بس الحمد لله الحين هديت لانه اليوم الله يساااااااااااااااااامحه صدق زعلني منه وتصرف تصرف صدمني منه في حياتي ماتوقعته قاسي كذي بس المسامح كريم وان اسامحته والله يستر علينا جميعا يارب <<<فديتني والله قلبي طيب بس عنيييييييييييييده




انزين انتي لمعة الماسه ما خبرتينا شو سوالج ريلج اليوم؟؟؟؟؟

[عاشقه زوجي]

خخخخخخخخخخخخخخخخخخخخخخخ حلو الموضوع انا اليوم صارخت ع اليهال لين بلاعيمي طاحت اباهم يناموا وهم طلبات الدنيا تطلع يوم ادخلهم يناموا وفي النهايه الصغير خذله ظربتين ع الطاير والحين فديته غامضني وابوهم شاف ابوه محني اريوله ويته الحاله سويلي حنه ريولي اتعورني قلتله ماعورتك الا يوم شفت ابوك وسويتله طاف ودش علي فالليل يالسه اشوف باب الحاره جان ايقول اتشوفيهم ليش متى بتستوى نفسهم وبتستوى مطيعه خخخخخخخخخخخخخخخخ تسوى علي هالحنه هاي بعض من يومياتي اليوم

[pink.dreams]

والله سوالفكم حلوة

والله لا يجعلكم من Desperate Housrwives لووووول..

أنا عاد مضايقة حدي..
من شووووو؟؟؟؟

ها الأيام صايرة عصبية على ولدي فدييييته (عمره 3 سنين ونص)،، تراه هو وااايد فوضوي،، وماشاء الله عليه من أرد من الدوام أراكظ وراه لين ما ينام،، والله تعبانه حدي،،
غير أنه ذابح أخوه الصغير من الضرب،،

حاليا أسلوبي معاه كله صرااااااخ،،
أو ضرب.....

وأمس أبوه بعد ضربه،،
وأحسه صاح وهو مقهوووور،،
كأنه يقول خلاااااااص لا تظربوني،،،

عاد تناقشنا أنا وهو،، واتفقنا أننا نحااااااول قد ما نقدر ما نمد إيدنا عليه..
والله يقدرنا ياااااارب...

والله أني محبطة من الخاااطر،،
شوروا علي كيف أتصرف ويااااااه؟؟؟

أختي دلوعة_أحمد
قصدج أن ريلج زعلان يبا ولد؟؟؟؟
إذا جذي قوليله باختصار هذا لا بإيدي ولا بإيدك،،، بإيد رب العالمين..
وتراه أصلا منك...

[كيوت ومن]

هلاااااااااااااااااااااااااا لمعووووووو
واااااااااو موضوعج حلوووووووووو
ان شاءالله بداوم ع هاي الصفحه
حاليا ماعندي شي بس خاطري اتسوق

[shamoOo]

و الله موضوع حلو .... بخبركم عن حالتي ولدي فديته عمره سنة و نص امخبلبي مب عارفه شو أسويله....ما خلا شي في البي ما خرباه .....طبعا سوينا إجتماع أنا و ريلي و أتفقنا إنغير ديكور البيت عشان إكون مكان أحسن حق لعب اليهال ....بس من القرارات إلي عورتني إني بكنسل طاولة الطعام ...عشانها في الصالة و منصور فديته ممقصر يتحرى عمره سوبر مان يتسلق و ينقز من فوق ...و بعد بزيد قطع الزوالي في البيت عشان إتقل صدماته ...........مممم شو بعد .......



هه ريلي إحاول يقنعني إن أخلي منصور و البيبي إلي في الطريج إنشاء الله في غرفتهم ......بس أنا ما رضيت

[جميلتي]

واااااااااو موضوع رهيييب....
انا عاد ماشاءالله عندي بنتين وولد البنتين مطلعاتلي قروووون
الاول يوم كنت في البيت كنت اروم عليهن الحينه موووووووووووول مب قادره عليهن لاني اشتغل وهن يتمن عند عمتيه وفديت عمتيه ما تقصر في الدلع علشان جي من اقولهن شي يقولن بنسير عند يدوووووه واموووووووت قهر واتصل في عمتيه واخبرها وتقولي بنتي جان ما ترومين عليهن طرشيهن صووبي لوووول فديتها والله بس صدق مب عارفه شسوي فيهن ارد من الدوام تعبانه القاهن مكسرات كل قشاري ومخربات الدنيا ومخيسات البيت ولو انه عندي خدامتين بس وجودهن كعدمه للاسف ما يرومن على بناتي ....
صح نسيت اقولكن انهن توام وعمارهن الحينه 4 سنين ....وحده تموووووووووووت على الميك اب تلقونها 24 قدام المنظره وتخربش في قشاري والثانيه تموت على الالعاب وكل مااشتريلها تكسرهن علشان اشتري غيرهن
وعن ريلي لي عوووده عقب شويه اكمل

[عاشقة المك]

واااو موضووع ناايس ................انا عندي مشكله كبييييييييييييييييييييييره ...انا من حملت مالي خلق لشي مووليه لا لدراسه ولا لريلي ...الدراسه باقي تقريبا شهرا وبيخلص هالكورس بس ... انا متغيره وايد حتى ريلي واهلي لاحضو ما صرت اكشخ ولا اسولف ولا اضحك شرات قبل مع اني بعدني فالثاني الله يستر بعديين

[أمونا]

حبيت اسلم عليكم ياحريم

بزوركم قريب خخخ

[أم الشيخ سعيد]

الحمدلله انا مب مضايجه من شي
بس بسوي كنافه لبو سعيد وبفاجئه ان شاء الله تضبط لاني اول مره اسويها ^^

برب >>>بسير احط الكنافه في الفرن

[سحابة]

مرحبا حريم شحالكم مووووووووووووووووووضوع روووووووووعة مممممممم شو اقول وشو اخلي بنتي العودة عمرها سنتين وخمس شهور مطلعة لي قرووووووون ما قمت اتعامل وياها الا بالضرب والصراخ دلووووووووووعة وعنيدة وما شاء الله لهلوبة ما قمت اعرف شو اسوي وياها فديتها يوم تسوي شي غلط او تعاند تقول قبلها لا تضربيني ساعات الين واتغاضى عن الموضوع وساعات من غيضي اضربها حراااااام فديتها يا ربي شووووووووو اسوي يا ناس؟؟؟؟؟؟؟؟؟؟؟؟؟؟؟ شكلي طولت بالسوالف نخلي شوي حق بعدين والسموحة ع الهذرة

[سحابة]

ان شاء الله الكنافة تعيب بو الشباب ويقولج تسلم ايدج يا احلى ام سعيد بالدنيا

[ام غريبه]

وين العينا...صج حريم دلوعات ما نتحمل عيالنا لوووووووول
انا بنتي عمرها سنه و 7 شهور مطلع لي عشرين قرن...ما تيلس راعية عباله...كله تخرب القسم و تعفس الدنيا فوق تحت....و لا تريد كل شي لها هي بس ...كل الي في البيت ملكها لووووووووول

الله يعينا بس ...يجعلهم من الذريه الصالحه

[**لمعة الماسه**]

هلا وغلا بكل من مر علينا ..

انشالله عجبكم الكابشينو ... خخخ

اقولكن.. شو بلاكن على عيالكن <<<<<<<<<<< عاد اونها الاخت ما تطلع عينها على عيالها ههه

بس تبون الصدق والله يكسرون الخاطر عقب ما ينضربون... وتعرفون ترا الضرب مووول ما يفيد ... تبين تأدبين ولدج طالعيه في عينه وفهميه انتي شو تبين... واهم شي انج تنزلين لمستواه ماتكونين واقفه.. انا ولدي محد اشطن عنه.. بس لاحظت اذا اضربه يستخف اكثر واذا اضمه واقوله حبيبي انا خايفه عليك اذا سويت هالشي خطر.. او اذا ما نمت بسرعه بتم تعبان الصبح... والحمدلله لاحظت ردة فعله احسن.. والله عيالنا طيبين بس نحن اللي مخبليبهم...

وبعد فيه شي ضروري.. اذا لاحظتي ولدج عنده هوايه معينه اصقليها له.. مثلا رسم او يلعب كراتيه لو صغير ما عليع بيستانس وبيتعب وبيرد يبا يرقد..

دلوعة احمد: ليش مكتأبه... الحين انتي حامل ببنت بعد؟؟ لا تتأزمين بالعكس حلاتهن بنات ورا بعض ويوم بيكبرن انتي اللي بتستانسين.. وكله عند الله.. وترا ثالث حمل مب نفس اول حمل.. والرياييل بطبعهم جيه مايسون سالفه .. بس متفيجين كرشج كبرت ومتنتي.. مادري كيف يبون نيبلهم عيال.. !! بالمخفي هههه

algalb: افففففااااا فاتنا عيل.... نبا حش .. نبا فشة خلق هههه .. الحمدلله يوم حليتوا المسأله.. ولا تستعيليين عسوالف ريلي خخخ .. بس الحين لانه مهدي اللعب بس قهرني في سالفه بعدين بكتبها ..



عاشقة زوجها: تحملي اطالعين هالمسلسل جدام ريلج.. والله يصدقون تراهم.. ماتشوفينهم شقايل ينوا عقب رمضان... وشو سالفة الحنا خخخخخ والله ضحكتيني


pink dreams: حرااام والله غمضني ولدج.. واجتمعتوا عليه انتي وابوه حرام فديييته...لازم واحد يشد والثاني يرخي.. تحملي عليه والله وخفي اللعب.... اذا حسيتي عمج معصبه ايلسي اذا انتي واقفه.. او العكس.. او اطلعي من الغرفه اللي انتي فيها... عدي لين العشر عكسي.. لا تضربوووون عياااالكم.. والله ما ينفع .. وبتيه فتره بيستوي عنده عادي ضربتيه ولا لاء ما بتأدب... احس اسلوب الحرمان من شي يحبه لفتره معينه.. وبس..

كيوت ومن: حياااااج يا عمري

Shmooo: انا مع ريلج الصراحه.. تشوفين عيال الاجانب من يوم هم صغار في غرفه بروحهم.. واصلا انتي بروحج بتشوفين الفرق وعلاقتج مع ريلج بتكون احسن واريح..


عاشقة المك: حبيبتي عادي الشي طبيعي.. الهرمونات تسوي بلاوي.. بس انتي حاولي تسوين شي تحبينه.. او اذا تقدرين تسافرين سافري.. والله بتتغير نفسيتج وااايد.. ولاتهملين بعمرج .. ويقولج علماء النفس ينصحون بمصاحبة الاصدقاء خفيفين الدم.. شوفيلج حد من هلج ولا ربيعتج دمها خفيف واطلعي معاها .. وانشالله بتشوفين الفرق..

امونا: حياج في اي وقت.. الكوفي مفتوح 24/7 خخخخ

ام سعيد: طرشيلنا شوي بنتذوق من الكنافه

سحابه:حرااام والله غمضتني ..وتقولج لاتضربيني فديييتها... خص البنات احس وايد يتأثرن.. مادامها لهلوبه ماشالله سويلها شغله.. تلعب بالرمل او تسبح .. خليها تفرغ الطاقه اللي عندها..

ام غريبه: انزين حطيها في شبج خليها تلعب داخله.. ترا الياهل في هالسن يحب يستكشف... ونصيييحه مني شلي كل شي ممكن انه يأذيها.. ما عليه خربي قسمج لفتره معينه لين ما تكبر وتفهم شوي.. والله ماشي بينفعج من القسم وعدالته لو لا سمح الله صا ببنتج شي.. خص الكهربا سيري البيبي شو اشتري اللي يسكوبه الفتحات مال السوكت.. وحواف الطاولات والبيبان.. واللي يمسك الجوارير عن لا يسكر عايدها