ساعدوها بنصيحه

**ha-ha** · 2008-05-04, 23:24

هلا خواتي .... اخباركن؟؟؟ و اخبار هالدنيا وياكن

حبيت اكلمكم عن مشكله وحده و هي عضوة امبينا .. بعرض لكم مشكلتها و انتوا انصحوها او على الاقل ادعولها

هذه البنيه متزوجه ألحين من9 او 10 اشهور..و اتحاول تتأقلم مع اهل ريلها مب قادره.........يعني مثلا تستحي تدخل المطبخ...تستحي من اي شي ...... هذا لانه حياه اهلها كانت غير و هي تحب اهلها موووت.....اللي صاير انه ريلها متفهم السالفه....فكان ما يضغط عليها عسب ادش المطبخ و .... و المصيبه انه هالبنيه تهتم بكلام او تعليقات اللي حولهاا

المشكله انه يوم بدت البنيه تتأقلم اشوي .... التعليقات اتخليها اتعاند واتخليها ما اتسوي شي ... يعني على حسب ما قالتلي ايااااه .... انها كانت اترمس اخو ريلها الصغير وهو ماشاء الله عليه اذا اشتهى شي ايسويه روحه ... المهم كانت ترمس وياه و تسأله كيف اتعرف اتسوي كذا وكذا ... ما اتيي اخته المعرسه و اتقول احسن لانك عارف محد بيسويلك اهني .... وخذتها البينيه سالفه عناااااد و قبل يومين اتقولي انه اخو ريلها الكبير (مب امعرس) قال حق ريلها بعد سالفه طويله ......مب من كثر ما اتسويلك حرمتك الذبايح ...حدك اذا كنت يوعان بتسويلك سندويج جبن ... المهم اهنيه ريلها عصب و نقع في اخوه بس هي حاسه انه كلام اخوه بعده في راسه ...... و امس عمتها قالت حق البشكاره ما اتسوي عشااا و يوم يه ريلها و اعرف انهم ما امسوين شي ... يلس يطالعها و هوووو معصب ( هي كانت في الصاله مع اخوانه) و طلع برع البيت...... واللي فهمته انها ماخذه السالفه عنااااااد ألحين بعد ما الكل علق عليها .... واللي فهمته بعد انه في بيت ريلها محد من اهله يدشون المطبخ حتى عمتها و اتقولي ليش يبوني انا ادش و اسوي عشا حق الكل

عرضتلكم مشكلتها.......... ساعدوها ....... انا صراحه احترت و ياها

المزيد من آخر المواضيع من نفس القسم:

**ام غريبه** · 2008-05-04, 23:29

الصراحه...هي مب ملزومه ادش المطبخ و تطبخ لهم....لا خل تطبخ لريلها و تحطها في غرفتها يوم يكون موجود ان عشاه جاهز حتى لو البيت ما عندهم عشا

بعدين هي ليش تاخذ السالفه عناد....خلها تكون احسن منهم...وما عليها من حد...و لا تستحي ...ترا الريال بيمل بعدين لو متفهم وضعها

و الله يعينها

**شيـــوخيـه** · 2008-05-04, 23:30

نفس مشكلة ربيعتي

**ha-ha** · 2008-05-04, 23:45

انا ويااااج ام غريبه ...... ومشكوره على الرد الطيب

شيوخه......... ما قلتينا الحل ........ شاركينا

**شيـــوخيـه** · 2008-05-04, 23:56

رووحي ادورلهاا حل زين يوم حطيتي الموضوع

**khalejeya** · 2008-05-04, 23:59

نصيحة يا اختي لها

لا تعاند (كثرة العناد ما يحبه الرجل)

من باب المجاملة تبدأ البنت تطبخ في يوم للكل
وبعدها تبدأ تطبخ لزوجها لما يكون موجود

يعني تراعي اهله
وتبين لهم انها راعية بيت
بدل ما يعلقون عليها
وريلها يزعل منها

الريال يصبر بس له حد

ان شاء الله ربي يوفقها

**barkosha** · 2008-05-05, 00:01

عنبوووه ... هم ماخذينها حرمة ولد وللا طباااخه ؟؟؟؟؟ طز فيهم ...
قوليلها .. دخلي من هني و طلعي من هني .... و حطيلج ثلاجه صغيره في حجرتج خقها و حق ريلها ... و خل اللي يقول يقول !!! افففففف ضغط !!! الله يعينها

**أم سعيد 15** · 2008-05-05, 00:03

ما أدري شو مشكلة أهل الريل ويالحرمة ولازم تتطبخ ويوم تتطبخ ما يخلون شي ما يعلقونه
الله يعينها خلها تطبخ حق الريلها أحسن ما عليها منهم
الله يسر امورها

**ha-ha** · 2008-05-05, 00:24

مشكورات خواتي عالرد .........

يلا ساعدونا بعد بحلوووووكم.......... بس اعتقد لو طبخت حق ريلها بس ..ما بيخلونها من التعليقات

**هز الرحيل** · 2008-05-05, 01:23

خل أدش المطبخ وتسوي أكل حق ريلها مو لازم كل يوم ما بين فتره وفتره وريال مهما يكون يحب ياكل من إيد حرمته

وخل تودر العناد والعناد ما بفيد عند ريلها مهما يكون ها ريلها

**روزاليندا** · 2008-05-05, 01:35

المشاركة الأصلية كتبت بواسطة barkosha

عنبوووه ... هم ماخذينها حرمة ولد وللا طباااخه ؟؟؟؟؟ طز فيهم ...
قوليلها .. دخلي من هني و طلعي من هني .... و حطيلج ثلاجه صغيره في حجرتج خقها و حق ريلها ... و خل اللي يقول يقول !!! افففففف ضغط !!! الله يعينها

**العيون العسليه** · 2008-05-05, 01:46

حليله والله
الله يهديه اهل ريلها حرام للي سوه في بنت الناس
اختي ربي بيرد فيهم وهذا ظلم مو اسلوب زين يعاملوا بنت الناس
وخليها تكون اذكى منهم وتنشى الصبح وتسوي العشاء الزين الطيب وريلها بيمدحها ويوفقها يارب
ولاتقصر حق ريلها واي احد عقب يتكلم عنها تسكت عند حد وهو بعد ريلها لازم يكون له كلمه على في البيت
ويقولهم مافي احد يتكلم عن الحرمه بكلمه او بطلع من البيت جي تهديد
واختي كلنا نمر ببدايه الزوج به المواقف اني تكلم عن عمري
والله يوفق الجميع لما فيه الخيررررر

**كاروهات** · 2008-05-05, 01:47

ختيه خلي سالفه انها اتسوي عشا وغدا حق العايله << هي هب ملزومه في الاساس فيهم
عليها بريلها

بس من باب انها اتسد حلوجهم شويه .. اتدش الظهر المطبخ بعد الغدا اتسوي سويت ..
او شي خفيف .. واتخليه في الصاله ع اساس يعرفون انها تطبخ
ونفس الشي اتخلي حق ريلها واتخبره انها سوت حقهم بعد

وبين كل فتره وفتره تطلع لها بفناتك .. غير عن الاشيا التقليديه
وصدقيني بيسكتون عنها

الله يوفقها

**sajaaya** · 2008-05-05, 01:50

امممممممم صرااااااحة....
لو انا مكااااااانج بسوي عشا حق ريلي و بفاجأه....و لو بسوي عشا حق اهل ريلي ما بسوي ليين ما اتعلم عدل و اتقن لانه ما بكون ناقصه تعليقات..و لو بسويلهم مره في الشهر او الشهريييييييين...انتي ما عليييييج الا من ريلج....
و فرحيييييه و ونسيييييييه و ريحيييييييييه عشااااااان يريحج....
والله يعييييييييييينج..و ربي يسعدكم ان شاءالله......

**أم عمهي** · 2008-05-05, 01:52

ما ينفع تعاند لازم تتنازل عن شي عشان خاطر شي.. يعني تدخل المطبخ عشان خاطر ريلها وتبيض الويه جدام اهله لانها لو تمت اتعاند هي بالنهايه بتتعب..ومب كل يوم يعني في الاسبوع تدخل المطبخ مرتين ولازم دوم ريلها تسويله عشا

الموضوع: ساعدوها بنصيحه

أدوات الموضوع

عرض

ساعدوها بنصيحه

المزيد من آخر المواضيع من نفس القسم:

المواضيع المتشابهه

ساعدوني اخوااااااااتي بنصيحه..

نــــاقش اللى بعدك بنصيحه ....................

الكل يدخل ويرد بنصيحه؟؟؟..........

ساعدوها الي تقدر لو بنصيحه!!