منو قالت لها الدكتورة ان الجنين اكبر من عمره بالسونار

**نحولة خجولة** · 2008-04-30, 23:13

هلا خواتي دخليكم ساعدوني ما عرف شسوي كان عندي موعد ويا الدكتورة بالكورنيش وبالاشعة ظهر ان الياهل اكبر من عمره منو صار وياه هالسالفة لاني ما اعرف شسوي وانا عاطيه الدكتورة اللي اراجع عندها اخر دورة مع انها كانت غريبة الدورة يوم واحد وقالت الدكتورة احتمال اكون حامل من قبل بس ابا اتاكد اني فاي شهر واسبوع ما اعرف وين اراجع عسب اعرف العمر والسونار ليش ما يظهر العمر صح ولا يغلط بعد مرات لانه من اسبوعين ظهر لي اني بالاسبوع 19 والدكتور بعد تقول انه الياهل اكبر من عمر19اسبوع ما اعرف شسوي وسوولي سكري ما فيني الحمدالله خبروني دخليكم ما اعرف وين اسير عسب اعرف

المزيد من آخر المواضيع من نفس القسم:

**نحولة خجولة** · 2008-04-30, 23:18

مشكورة الغالية على الرد

**شجووووووون** · 2008-04-30, 23:22

راجعي اكثر عن دكتورة ويفضل العيادات الخاصة عندهم جهاز كبير ما ادري شو اسمه يعرفون البيبي عدل واوضح وان شاء الله خير خيتو لا تخافين وتوكلى على ربج

**نحولة خجولة** · 2008-04-30, 23:33

مشكورة اختي شجون على الرد بس ما اتعرفين الغالية اسم الجهاز

**elham** · 2008-04-30, 23:55

ماعليج شر انشاءالله، يمكن تكونين غلطانه اختي في الحساب او حتى ممكن تكون الدكتوره غلطانه تصير ترى ولاتخافين انشاءالله خير دام مافيج السكر، الله يتم لج على خير.

**حنان العالم** · 2008-04-30, 23:57

الغاليه يمكن انتي عطيتيها تاريخ اخر دوره غلط ... هو اكبر من عمره بكم قالتلج ؟؟؟ اذا كم يوم عادي اذا وايد راجعي عند دكتوره ثانيه

**Om 7aMda** · 2008-04-30, 23:58

في حملي الاول قالت لي الدكتورة هالكلام
كان فالاشعه اكبر من شهور الحمل باسبوعين
وربيت قبل التاريخ المحدد باسبوع ...

**دعاني الشوق** · 2008-05-01, 00:24

حبوبه تري الوحده عادي تحمل وتيها الدوره وتكونين ما تعرفين وايد صارلهم جيه
أنا حملت وكانت الدورة متخربطه وكنت عاطيتنهم تاريخ وفي السونار طلع شي ثاني وربيت نفس تاريخ السونار ولدي الحمدلله بخير ومافيه شر .
اطمني ولا تحاتين وخليها على ربج هوه رزقج وهوه بيحفظه لج إن شاء الله

**شجووووووون** · 2008-05-01, 00:40

مرحبا الغالية
لا والله ما اعرف اسمة بس اعرف جيمته خخخخ تقريبا 300 الف درهم وانا سويته في العيادات الخاصة ب500 درهم وايد زين ويوضح لج كل شيء بالتفصيل الممل وشي منه في مستشفى الوصل بدبي
توكلى على الله والدخاتر كلامهم كثير ما يخلص

**to_ty_2005** · 2008-05-01, 00:56

مشاقولج حبيبتي روحي عند الدكتوره ميري بمستشفى لايفلاين في بوظبي او عند الدكتوره راويه عثمان في مركز الطبي التخصصي في بوظبي تراهن شطار
واكيد انتي غلطانه بالموعد اعتقد انها يوم يتج الدوره مثل ماتقولين يوم واحد بس كنتي حامل ماتعرفين لانه عادي الدوره اتيي والوحده اتكون حامل واحسبيها من الدوره الي قبلها يمكن اكنتي حامل من هذيج المره وانتي مب عارفه
احسبي وشوفي يمكن سبحان الله

**نحولة خجولة** · 2008-05-01, 02:51

والله ما ادري خواتي لانه اخر دورتين غريبين انا الدورة اتيني كل 40 يوم واخر دورتين تاريخ 27 /10 كانت يومين وتاريخ 6/12 يوم واحد والسونار كبر عمره اسبوع عن حساب الدكتورة بس بعد الدكتورة تقول عمره اكبر من العمر اللي ظهره السونار فانشاءالله بشوف في الخاص وانشاءالله خير ومشكووووووورين الغالين على الرد ودعواتي للكل بالخير يا رب وانشاءالله ما بعرف الشهر التاسع إلا بطني ينزل تحت هههههههه والله محتارة

**بنت_دبي1** · 2008-05-01, 08:17

السلام وعليكم.....

انا الحين حامل بالبجر بعد شهر االرابع يعني اخر الرابع ودكتوره قالت لي نفس الكلام ان الجنين يبين في الأشعه أكبر من عمره وسالتني دكتوره عن اخر الدوره فقلتها يتني اخر مره شهر واحد بس هي قالت لي نفس الكلام يمكن انتي متلخبطه يمكن كنتي حامل وانتي ما تدرين قلت لها انا يوم عرست اصلا يتني مره وحده وعلى طول حملت...من هني اقتنعت.... اختي الكبيره قالت لي وحتى دكتوره بعد قالت نفس الشي يمكن الياهل حجمه كبير شوي يعني متين شوي ترا عادي يستوي.... فعطتني موعد هالشهر اسوي اشعة Ultrasound عسب تشوف حجم الجنين بالتفصيل.... ان شاءالله بسير وبخبركم شو اللي صار.....

اختي لا اتحاتين ولا شي... سوي هاي الاشعه من عيادة خاصه احسن عشان بيقول لج بالظبط كل شي عن الجنين..

**maitha2007** · 2008-05-01, 08:21

دايما يطلع في السونار اكبر شي عادي وطبيعي ..............انا وصلت في السونار الا سبوع46هههههههههههه والي اعرفه 40 اسبوع بس

**عروسه دبي** · 2008-05-01, 08:27

هههههههههههههههههههههههههههههههههههه
انا نفس الشي صارلي والكل كان يقولي اني شوتاكلين

وماشالله بنتي طلعت 4كيلو ونص
كبرن

**روزاليندا** · 2008-05-01, 09:37

فديتج لا تخافين،،

يمكن الدورة إلي يتج وكانت يوم واحد أعتقد إنها مو دورة وأعتقد إنج كنت حامل من الشهر إلي قبله،،

أنا إختي يتها الدورة 3 أيام وقطعت والشهر إلي بعده ما يتها ولما راحت عند الدكتورة قالت لها إنج حامل من شهرين،، وإختي استغربت قالت لها إن الشهر إلي طاف يتها الدورة فكيف هي الحين بالشهر الثاني،،

فردت عليها الدكتورة وقالت لها أصلا الدم إلي نزل لج الشهر إلي طاف مو دم دورة كان عندج دم زايد،،

والحمدلله رب العالمين يابت أحلى ولد ربي يحفظه،،

كانت سارية عند الدكتورة (أوراس بالشارجة)،،

ربي ييسر أمرج ويريح بالج ويقر عينج بوصول البيبي بالسلامة...

الموضوع: منو قالت لها الدكتورة ان الجنين اكبر من عمره بالسونار

أدوات الموضوع

عرض

منو قالت لها الدكتورة ان الجنين اكبر من عمره بالسونار

المزيد من آخر المواضيع من نفس القسم:

المواضيع المتشابهه

كيف نعرف جنس الجنين بالسونار

تصوير الجنين بالسونار

متى يبان الجنين بالسونار

دقة عمر الجنين بالسونار ..ولا بالموجات فوق الصوتيه

سمعن شو قالت لي الدكتورة...