دموع الأنثى...........

[أمووون]

[grade="00008B 00BFFF 0000FF 00BFFF 00008B"]توه خطر على بالي سؤال...........

متى تنزل دموعج؟؟

و ليش تنزل دموعج؟؟

و هل تنزل دموعج جدام الناس و الا يوم تكونين بروحج؟؟

شو الأشيا اللي تحسين انج ما تقدرين تتحكمين في نفسج و دموعج جدامها؟؟

هل تحسين براحة بعدها؟؟ و الا تكتئبين و تزعلين؟؟

شو أصعب موقف خلى دموعج تنزل؟؟

دموعج تنزل في الفرح و الا الحزن أكثر؟؟

هل تحسين ان الدموع تأثر في مشاعر الناس؟؟

اذا نزلت دموع اي شخص جدامج هل تتأثرين وايد؟؟ و تحسين انه هالشخص في موقف ضعف؟؟[/grade]

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[إخصائية تغذية]

أنا بجاوب أول

[بنت بوظبي]

شكرا على موضوعج الحلو
اما للاسف وحده من الناس دموعي وايد قريبه وتنزل بسرعه واحاول اتحكم في نفسي بس ماقدر غصبا عني
دموعي دايما تنزل وقت الحزن او القهر او لما اتضارب مع حد
زمن الاشياء اللي تخلي دموعي تنزل يوم اودع ناس عزيزين علي (ذكرتيني يوم سافر ولد اختي الصغير بكيت وايد)
دموعي غالبا تنزل لما اكون بروحي ونادرا ما تنزل قدام الناس لاني احاول امسك نفسي كثر ما اقدر
وغالبا ما احس بالراحه والتنفيس عندما تنزل دموعي

[إخصائية تغذية]

[توه خطر على بالي سؤال...........

متى تنزل دموعج؟؟
نادرا ما تنزل دموعي لانه من طبعي الكتوم وحبس الحزن لييييييييين ما ينفجر مرة وحدة
وما تنزل الا اذا وصلت لدرجة الانهيار

و ليش تنزل دموعج؟؟

في الصدمات
يعني وصلني خبر صدمني
مثال كنت متفائلة من شي وفرحانة له وعدم حدوثه معناه بيتسبب معناه بتتغير اشياء وااايد واعيد حساباتي
فاذا انصدمت وما حصل اصيح بس ما اصيح من اول صدمة يمكن من عاشر صدمة يعني بعد ما جمعت الصدمات كلها
وانا حياتي اصلا كلها صدمات

و هل تنزل دموعج جدام الناس و الا يوم تكونين بروحج؟؟
واااا خزيااه جدام الناس عاد :1 (37): :1 (25):

شو الأشيا اللي تحسين انج ما تقدرين تتحكمين في نفسج و دموعج جدامها؟؟
دومي متحكمة في نفسي ومثل ما قلت احبس حزني :1 (5):

هل تحسين براحة بعدها؟؟ و الا تكتئبين و تزعلين؟؟
موب شرط
يمكن يتبعه قهر

شو أصعب موقف خلى دموعج تنزل؟؟
مممممممممم
ما اتذكر لاني انا مثل الطفل اذا رقدت في الليل وانش الصبح انسى كل شي استوالي اليوم اللي قبلي
تشوفيني معصبة من احد ومالي خلق اشوفه وفي اليوم الثاني ارد ولا جنه شي مستوي:1 (19):

دموعج تنزل في الفرح و الا الحزن أكثر؟؟
شو فرح بعد هاي
تنزل بس في الحزن


هل تحسين ان الدموع تأثر في مشاعر الناس؟؟
لا

اذا نزلت دموع اي شخص جدامج هل تتأثرين وايد؟؟ و تحسين انه هالشخص في موقف ضعف؟؟
على حسب ظرفه اذا الموضوع يستاهل صياحه ولا لا

[أمووون]

شكرا على موضوعج الحلو
اما للاسف وحده من الناس دموعي وايد قريبه وتنزل بسرعه واحاول اتحكم في نفسي بس ماقدر غصبا عني
دموعي دايما تنزل وقت الحزن او القهر او لما اتضارب مع حد
زمن الاشياء اللي تخلي دموعي تنزل يوم اودع ناس عزيزين علي (ذكرتيني يوم سافر ولد اختي الصغير بكيت وايد)
دموعي غالبا تنزل لما اكون بروحي ونادرا ما تنزل قدام الناس لاني احاول امسك نفسي كثر ما اقدر
وغالبا ما احس بالراحه والتنفيس عندما تنزل دموعي

انا قبل كنت جي.... بس الحينه لأ و ألف لألألألألألألألأ:1 (84):

قويت قلبي شوي... بس الوداع صعب لازم الشخص بينفعل و بتدمع عينه

و ارتاح واااايد يوم انفس عن عمري حتى لو بروحي.... بس مب مثل أول كل ساعة هههههه

[أمووون]

[توه خطر على بالي سؤال...........

متى تنزل دموعج؟؟
نادرا ما تنزل دموعي لانه من طبعي الكتوم وحبس الحزن لييييييييين ما ينفجر مرة وحدة
وما تنزل الا اذا وصلت لدرجة الانهيار

و ليش تنزل دموعج؟؟

في الصدمات
يعني وصلني خبر صدمني
مثال كنت متفائلة من شي وفرحانة له وعدم حدوثه معناه بيتسبب معناه بتتغير اشياء وااايد واعيد حساباتي
فاذا انصدمت وما حصل اصيح بس ما اصيح من اول صدمة يمكن من عاشر صدمة يعني بعد ما جمعت الصدمات كلها
وانا حياتي اصلا كلها صدمات

و هل تنزل دموعج جدام الناس و الا يوم تكونين بروحج؟؟
واااا خزيااه جدام الناس عاد :1 (37): :1 (25):

شو الأشيا اللي تحسين انج ما تقدرين تتحكمين في نفسج و دموعج جدامها؟؟
دومي متحكمة في نفسي ومثل ما قلت احبس حزني :1 (5):

هل تحسين براحة بعدها؟؟ و الا تكتئبين و تزعلين؟؟
موب شرط
يمكن يتبعه قهر

شو أصعب موقف خلى دموعج تنزل؟؟
مممممممممم
ما اتذكر لاني انا مثل الطفل اذا رقدت في الليل وانش الصبح انسى كل شي استوالي اليوم اللي قبلي
تشوفيني معصبة من احد ومالي خلق اشوفه وفي اليوم الثاني ارد ولا جنه شي مستوي:1 (19):

دموعج تنزل في الفرح و الا الحزن أكثر؟؟
شو فرح بعد هاي
تنزل بس في الحزن


هل تحسين ان الدموع تأثر في مشاعر الناس؟؟
لا

اذا نزلت دموع اي شخص جدامج هل تتأثرين وايد؟؟ و تحسين انه هالشخص في موقف ضعف؟؟
على حسب ظرفه اذا الموضوع يستاهل صياحه ولا لا

تصدقين هههههههههههههههه الحينه بتقولون عني عبيطة.. . انا يوم انصدم من شي ما اتأثر هذيج اللحظة..... و عقب اتأثر وااااااااااااااايد و ممكن أصيح

و احيانا اكون ضد الصدمات لدرجة انه ربيعتي أو اختي يقولولي معقولة مستحملة... والله قلبج قوي.. بس يوم ايلس بروحي تطلع زياريني ههههههههههههههه

[بنت بوظبي]

انزين خبرينا يا امون كيف غيرتي من شخصيتج وقويتي نفسج؟

[صدى حنيني]

متى تنزل دموعج؟؟
دموعي دوم تكون قريبة ..

و ليش تنزل دموعج؟؟
ليش تنزل ؟؟؟ والله مادري يمكن لاني واايد حساسه واتأثر بسرعة او يمكن ينقص علي بسرعه ..

و هل تنزل دموعج جدام الناس و الا يوم تكونين بروحج؟؟
قد مافيي احاول امسكها لاني ماداني حد يشوف دمعتي واذا ماقدرت امسك عمري احاول افر ويهي عنهم ..

شو الأشيا اللي تحسين انج ما تقدرين تتحكمين في نفسج و دموعج جدامها؟؟
كل المواقف تصيحني سواء اذا اللي جدامي اعرفه او لا .. وخاصة ابوية لو شفته يصيح اصيح وراه على طول ..

هل تحسين براحة بعدها؟؟ و الا تكتئبين و تزعلين؟؟
على حسب الصراحة مريت بظروف كانت وايد صعبه علي وكنت دايم اصيح ولا احس باي ارتياح بالعكس كنت دوم اتعب زياده ..

شو أصعب موقف خلى دموعج تنزل؟؟
يوم بابا زايد مات الله يرحمه سويت مناحه في البيت لدرجة انهم حاولوا يفطروني يوم الدفن كان تقريبا الظهر او عالعصر لاني بالفعل انهرت وماقدرت اتحمل فراقه الله يرحمه ..

دموعج تنزل في الفرح و الا الحزن أكثر؟؟
كلهم .. بس طبعا دموع الفرح ماتطول اما الحزن الله يعين ..

هل تحسين ان الدموع تأثر في مشاعر الناس؟؟
طبعا اذا كان الشخص فيه ذرة رحمه يمكن يتأثر ..

اذا نزلت دموع اي شخص جدامج هل تتأثرين وايد؟؟ و تحسين انه هالشخص في موقف ضعف؟؟
اكيد اتأثر خليني اقولج مرة كنت عالخط ويا اخوية واخوية هذا ماشاءالله عليه سواااااالف وكنا نسمع شريط عبدالمحسن الاحمد ( وغارت الحور ) ذكر قصة البنت الصغيرة اللي حاولت امها تذبحها لانها مب شرعية وطبعا ذكر عقابهم في الاخره كيف بيكون تصدقين الا اسمع اخويه يصيح جيه بضمير !!!! والله استغربت منه يحليله فر ويه الصوب الثاني وقعد يصيح ومنو قال عطول صحت وياه لاني ماستحمل حد يصيح جدامي ..

ومشكووووورة عالموضوع الحلو

[مــــيره دبــي]

متى تنزل دموعج؟؟
بصراحه تنزل دائماً
و ليش تنزل دموعج؟؟
بسبة قلبي الرهيــــــف.. والحساس...

و هل تنزل دموعج جدام الناس و الا يوم تكونين بروحج؟؟
أحـــــاول قدر الأمكان أني أمسك عمري جدام الناس بس يوووم يكون الشـــــيء قوي.. تنزل غصبا عني..
يووووووووه.. يوم أكون بروحــــــي .. أسويلج بحر ...

شو الأشيا اللي تحسين انج ما تقدرين تتحكمين في نفسج و دموعج جدامها؟؟
حالة الفراق... خيانة الثقه... الوفاه.. حالة القتل.. ويوم أشوف الدم...

هل تحسين براحة بعدها؟؟ و الا تكتئبين و تزعلين؟؟
بصراحـــــــــه أحس براحه أكثر...

شو أصعب موقف خلى دموعج تنزل؟؟
وفــــــاة أبويه..(( الله يرحمه))
وفرقـــــــــا ربيعتي الروح باروح..

دموعج تنزل في الفرح و الا الحزن أكثر؟؟
بصراحـــــه الأثنين مـــــعاً... بس أحس دموع الحزن أكثر..

هل تحسين ان الدموع تأثر في مشاعر الناس؟؟
أكيــــــــــــد....
اذا نزلت دموع اي شخص جدامج هل تتأثرين وايد؟؟ و تحسين انه هالشخص في موقف ضعف؟؟
وااايد أتأثر... حتى لو الشخص مش مقرب لي واااايد بس سبحان الله.. مكتوب عليه أتاثر بالناس ككل..

[أمووون]

انزين خبرينا يا امون كيف غيرتي من شخصيتج وقويتي نفسج؟

بنت بوظبي انا تعبت وايد لين غيرت من شخصيتي.... واجهت وايد مشاكل... و خسرت ناس وايد .... و ضغطت على نفسي وايد....

و احس اكثر شي أثر فيني بعدي عن البلاد اربع سنين... تراهم مب شوية... كنت بعيدة عن المشاكل و المجاملات و الرمسة الزايدة... لدرجة اني خسرت ناس لأني ما استويت اعصب مثل أول و اتأثر مثل أول..
تميت افكر في المواقف اللي مريت فيها و كنت اقول لنفسي والله ترا هالموقف ما يستاهل دموعج.. و الله هالناس مب كفوا معرفتج و عندج ناس ما يسوون نعالهم و انتي بكرامة... فــ ليش اخليهم يكونون محور في حياتي...

قبل كنت أبلع الاساءة و اسكت .. لين طفح فيني الكيل.. انا ما اقولج انفجري في ويه الناس أو في ويه الموقف... بس لازم تحطين حد... خصوصا الاهانة.....

تصدقين.. صارت دموعي اقل بواااااااااايد من قبل... و خصوصا قبل ما اسير أمريكا لأني يوم في أمريكا الحمدلله ما واجهت مشاكل و انا هناك... و يوم يصير شي هني.. اطنش لأني بعيدة... و لين ارد البلاد جد السالفة انتهت....


يا بنت بوظبي ما بقولج انه قلبي حديد... بس شو تتصورين من وحدة ابوها مات و طلعت روحه جدامها...
أحس من بعد هالموقف و قبلها أخوي متوفي... نفسيتي تغيرت...

الحمدلله .. دوم أحمد ربي و اشكره اني تغيرت و طبايعي تغيرت.. يمكن ما تعجب بعض الناس.. بس مهم وايد انها تعجبني لأنه محد بيتأثر كثري و محد بيتعب غيري...

دموعج غالية لا تخلينها تنزل على الشي و الماشي.. خصوصا يوم تمر فترة و تفكرين في الموضوع تضحكين على نفسج و هالشي حصل وياي واااايد

[صدى حنيني]

يا ويلي عليج يا أمووون

الله يرحمهم ويغفر لهم ان شاءالله والحياة مستمرة . ماقدر اكمل صيحتيني والله