عيمان ولا ام القيوين

**أم الوحيد** · 2008-04-30, 13:40

خواتي اللي من عيمان اوام القيوين انا ساكنه في الشارجه ،
بعد ما طفرت انا وعيالي من الشقه قررت انا وريلي ندور بيت فيه حوش ، بناتي مساكين خاطرهن يلعبن بسياكلهن برع وهنيه في العماره اذا طلعوا يانا على طول السكيورتي يقول ممنوع الازعاج ويوم ادخلهن داخل يتمن يصيحن ، هذا غير ريحة المطبخ اللي تارسه الغرف
المهم الغاليات اللي تعرف عن بيت حذالهم للايجار او حد من اهلها اوزوجها يعرفون شي حذالكم او في اي منطقه في الامارتين بتسوون فينا خير
انا استبعدت الشارجه لان ايجاراتها وايد غاليه ونحن نبغي في حدود ال50 الف بس، نحن جربنا مكاتب الايجار بس اسعارهم واااايد غاليه فنصحونا ان ندور روحنا ارخص واللي تقدر تعطينا ارقام الهواتف الموجوده بعد وايد احسن
واللي بتحصل تكلمني ع الخاص
وفي ميزان حسناتكن ان شاء الله

المزيد من آخر المواضيع من نفس القسم:

**فريدة** · 2008-04-30, 13:59

الله يعينك الغاليه وانا بعد ييراني ملعوزينا انا وربيعاتي من صوت الأولاد المساكين يبون يلعبون وين يروحون في الشوارع؟؟؟؟؟؟؟

**الحبر الوردي** · 2008-04-30, 13:59

٥٠ الف .... أظن صعبة هالأيام!!!

إن شاء الله البنات يفيدونج

**أم الوحيد** · 2008-04-30, 14:19

اختي فريده : انا اخاف اخليهم ينزلون تحت تعرفين الدنيا مابها امان ومالهم غير الصاله والغرف وشفي دوخت الراس وانت ادرى وتسلمين الغاليه.
اختي الحبر الوردي : والله لو اقولج ان 50 الف بعد وايد علينا بس مضطريين لان على حسابنا الخاص وانت عارفه ومشكوره فديتج على الرد

**pink 7** · 2008-04-30, 14:21

الله يعينج ويسر امورج الغاليه

**اخت اخوي** · 2008-04-30, 14:30

الله يعينج ويسر امورج الغاليه

**اموووووواج** · 2008-04-30, 15:59

اذا حابه فام القيوين بشوفلج بس قولى كم غرفة تبين والمواصفات

**أم سعيد 15** · 2008-04-30, 16:00

الله يعينج ويسر امورج الغاليه

**أم الوحيد** · 2008-04-30, 17:37

pink7 واخت اخوي وام سعيد15 : مشكوراااات وماقصرتن ويعل ربي يسر اموركم كامله
اختي امواااج مشكوره على هذي المبادره الطيبه منج واذا لقيتي بيت من ثلاث غرف وميلس نعمه ، ولو ان ودي بغرفه وحمام للخدامه بروحها ؟ بس اكيد بيكون غالي صح؟

**لوكل** · 2008-04-30, 17:55

عيمان احسن سمعة ام القيوين ؟؟؟؟؟؟؟؟؟؟؟؟؟

على الاقل عيمان جريبة من الشارجة ...

والله يوفقكم ويسر اموركم ان شاء الله

**احتاجك..** · 2008-04-30, 18:27

الله يعينج
ويسر امرج

**عنب** · 2008-04-30, 18:32

الله يعينج وايسر أمورج

وعليج بالاستغفار

**القيوانيه** · 2008-04-30, 18:40

في بيوت إجار في منطقة السلمه في ام القيوين بس بعد اجاراتم غاليه خاصة البيوت الي بعدها يديده اعرف وحده ماجره 80 الف سنويا

**ريماس** · 2008-04-30, 19:24

الله يعينج ويسر امورج الغاليه

**بنت الاصال** · 2008-04-30, 20:38

الله يعينكم كل شي نااااااااااار واذا ب50 مستحيل تلاقون شي عدل الا في الحميدية او فرج البلوش او النعيمية وبيوت شعبية بعد مب فلل اختي تموا على الشقق احسن بوايد وانظف وااااااااااااااااااااااااااايد من البيوت..
وخلهم يلعبون بالهول او وديهم حدايق ماشالله الشارجة متروووووووسة حدايق..او وفريلهم العاب ثانية داخل البيت
..والله يرحم الشيخ زايد ...
صاروا المواطنين يسكنون في شقق..

الموضوع: عيمان ولا ام القيوين

أدوات الموضوع

عرض

عيمان ولا ام القيوين

المزيد من آخر المواضيع من نفس القسم:

المواضيع المتشابهه

سؤال لبنات عيمان و ام القيوين !

احسن kg فام القيوين او عيمان

قصات شعر ف ام القيوين و عيمان

مطلوب دريوليه من ام القيوين او عيمان

صالون في عيمان او ام القيوين