جرتوا ماركة INGLOT ?

[AJYA]

السلام عليكم ورحمة الله وبركاته ..

انا عرسي بالصيف ان شاءالله .... وترا انا صففففففر في الماكياج
بس شفت الوان الشدو مع واحده قريبتي واعجبتني قوة اللون .. وقالت لي انها من INGLOT
فوشرايكم فيه .. ويعد عجبتني اسعارهم حلوووووه
ينفع اشتري منه مكياجي .. يعني الشدو والروجات من عندهم .. ولا بايش تنصحوني

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Fafi]

الغاليه ادخلي منتدى المكياج و العطوووور ... البنات كاتبين عن ها الماركه ... في بنات يمدحن الشدوهات وو صباغ الظفور بس الأرواج يعداج الجذب ما عندي فكره ....

بس الكل يمدح ها الماركه و هيه اتنافس ماك على فكره

و اتمنى لج السعاده أختي و ألف مبروووك .. الله يتمم لج على خير الغاليه

[AJYA]

الله يبارك فيك يا قلبي ... تسلمييييييييين

[ام جيسي]

انا بصراحه شريت شدو من عندهم من فترة وعيبني وااايد
والحيين رديت شريت حق زهبتي بصراحه ماعليه كلام روووعه
واسعاااره رخيييصه وانتي تختارين حجم العلبة والالوان الي تبينها ..


بس الجلوز والله ماعرف ماجربت من عندهم لحين

انصحج تاخذين الآي شدو من عندهم ..

[Designee]

انا اسير من العين لبوظبي بس عسبت روجاتهم .. روعه
وشدواتهم وايد حلوه .. صباغاتهم هممممممممم يوم تين تمسحينها تصبغ ع الظفر، يعني لازم تكونين حاطه طبقه شفافه تحت .. وبعد صباغاتهم يبالها وقت لين تجف!

[مها_راك]

حلو الشدو والارواج بعد تحصلين عندهم جميع الالوان

[GLB_DLoOo3]

رووووعـهـ مكيااجهم ..

و انا بشتري من عندهم للزهبه ^_^

[صبح وليل]

+
::::





عزيزتي لا تبتلشين وتاخذين من هالماركة...أحسها لوووو كواليتي وتقليد لماك أنا جربتها ابدا ما عجبتني...واولانها جان شدو مال بودرهمين تستخدمينه وما يثبت في صبعج قبل عينج...لكن للأمانة ما جربت الباجي...


أنا باخبرج كوني تجربتي في الميكب واااااسعة من خبالي

الكريم الأساس (مكس ديرماكول مع فورايفر المخملي) كل درجة خذيها غمج من الثانية يعني لو خذتي فورايفر رقم 3 خذي ديرماكون رقم 2 علشان تتحكمين في اللون.

الشدوهات خذيها من فورايفر وماك...(استغلي كوليكشنات ماك)..

الكحل الأسود خذي جيفينشي الأسود يا ربي شو اسمه شو اسمه...هيه اسمه ماجيك كحل...فضيع وسواد مش طبيعي والحلو ما يسيح جنه سمايلنغ "على الأقل تضمنين ما فيه مواد مسرطنة ولا غيره"...

التحديدات الشفايف خذيهن من ماك روعة وكل الدرجات والألوان عندهم بس لا تاخذين بو فره من تحت ...خذي الأقلام العادة بو براية ما يخلثون بسرعة

وشو بعد هيه...خذي بلاشر الكامل بو 24 لون شي منه ماركات وايد ومنها جيليت تلقينه بالسوق ولا عند حد من البنات في العروض التجارية سعره حلو وكل الألوان والدرجات فيه...

البودرة خذي جيرلاين المخملي....روعة وما استغني عنه بعد. مرات لو عندي عزيمة بدون كريم اساس احط كريم مرطب وبودرة وكافي جني حاطة اساس.

الأرواج...خذيها من كل مكان "باليت من كاريولاين...من ريد ايرث...من nyx من لايف ستايل ... يعني على راحتج"...

والالماسكارا خذيها اما من لانكون ولا كريستيان ديور للعلم لانكوم متخصصة بمعنى الكلمة في الماسكارات...


شغلات جانبية..."غليترات من ماركات مختلفة مو شرط ماركة غالية...اضاءة من ماك ولا كريستيان ديور...تاتو الحواجب من ميكب فور ايفر لو تعرفين تستخدمينه لو ما تعرفين لا تشترين...وشو بعد شو بعد..."


لو تذكرت شي باخبرج...لكن هذي نصيحتي لج...ولا تكثرين في الشدوهات كثري في الوان الأقلام والأرواج هم اللي باتستخدمينهم اكثر من غيرهن.






::::
+

[Fafi]

ماك ما عليه كلام ابصراحه .. بس ميك أب فور إيفار غليتاراتهم حلوه بس الآيشدووو مووول ما حسيتبه هذاك الزود ... يعني اللي ضاري يستخدم مــــــاك ما يعيبه مكياج ثاني ...

أنا ابصراحــه لين الحين ما خذت من إنجلوت بس على مديح البنات ووو اربيعاتي مدحنه قلت يالله هوبيس خخخخخخخخخخخخخخخخخخخ

[قلب اليافعي]

مرحبا الصراحه انا ماخذه مجموعة آيشدوز..وكانت عندنا عزيمه الجمعه الماضيه واستخدمته روعه الصراحه حسيت اني بروفشنال وانا مب لهناك في المكياج الوانهم قويه وتثبت و معقوله اسعارهم مقارنة بماك طبعا...خذي حق زهبتج باليته من الكبار ونوعي الالوان وفيها وتدرجاتهم ...شوفي اظني باليتين من الكبار يكفونج...بصورلج اللي عندي وبحطلج اياها يوم اسير البيت INGLOT عندح في المارينا مول والوحده مول انا رحت اللي في الوحده في وحده تشتغل مربربه اشوي دمها ثقيل اشوي انا كنت يالسه اجرب الالوان جان تقولي انتي بتشتري والا...(قصدها والا تلعبين) انا خزيتها قلتلها والا شو.؟؟خافت جان تقولي عشان اساعدج قهرتني تبا تتفلسف علي حاطينها ميك اب آرتيست والله لايراويكم الميك اب اللي على ويهها يخرع ....جني كتبت قصة حياتي اسموحه عالاطاله

[monamohd]

الله يوفقج

[AJYA]

بنااااات تسلموووووووووووون والله تفاعلكم يهبل
الله يسعدكم كلكم ياااارب

صبح وليل :
من جد من جد شكرا ..الله يجزيكي خير
بس تدرين وين المشكله .. ماك اسعاره هبلا فظيعين فظيعين .. ممكن اخذ منهم كم من لون اساسي بس.. واكمل اباقي من ماركات ثانيه .. مع انه جاي على بالي اسجرب INGLOT :P

قلب اليافعي ::

ايييه تكفين حطي لنا الصور وباكون ممنونتك

[صبح وليل]

+
::::






انزين عندي لج اقتراح ثاني بخصوص الشدوهات خذي بس الألوان الأساسية شرات الكربون الأسود والأبيض اللؤلؤي لتحت الجفن وممكن تتواصلين مع واحدة عندنا في المنتدى اسمها ندى دبي توفر ماركة ماك بس بأسعار منخفضة نوعا ما ...




::::
+

[golden girl]

ماعليه كلام
رووووووووعه
انا عندي شدوهات و جلوسات و وااااااااااايد اشيا و احب الماركه وايد
بالتوفيق يالغلا

[سكون دبي]

أنا كنت متخبلة على الشدو لدرجة اني خذت باليته كبيره من عندهم وعقب اتندمت لأن الشدو يتغير لونه ونصيحة خذي من ماك وانا اقولج عن خبرة ما خليت ماركة شدو والا وخذته