الهريس

[أم لطوف]

الغالية انا بعطيج طريقة ولا اسهل منها وطعمه لذيذ
1 تغسلين الهريس قبل لا اتسويه ب 8 ساعات تقريبا عسب اتكون حبة الهريس اشوي لينة
2 اتيبين دياية وتسلقينها
3 اتيبين جدر اشوي كبير واتحطين فيه ماي بس يكون كمية الماي وايد لان الهريس يحتاي وقت لين ما ينضج ويستوي
واتخلين الماي يغلي واتحطين فيه اشوي زيت وملح وبعدين اتحطين الدياي والهريس واتخلينه على نار هادية وكل ربع ساعة اتروحين اتشوفينه وتجلبينه عسب ما يحترق
وتقريبا يحتاي ساعة ونص لين ما يجهز

اتمنى لج التوفيق