نيوزيلنده.... باختصار

[ريشة]

ممكن مساعدتج
نيوزلندا
تحتاج فيزا ،، كم يوم تاخذ تقريبا؟؟

اليورو عملتهم؟
كم ساعة لحد ما نوصل؟
الفنادق المريحة والحديثة في الطراز؟ أنا ما أحب القديمة العتيقة ب5نجوم مجربتهم

3أسابيع سفرتي بس أحب أتنقل كل 4 أو 5 أيام ما أحب أقعد في مكان واحد وأتملل
(7 - 8) الأشهر كيف الجو؟
شو نوع الملابس أله أحتاجها؟
الأماكن أله أزورها؟
المواصلات؟
الميزانية؟
تعامل سكان البلد مع العرب؟
الأكل؟؟؟ مطاعمهم؟؟؟ الخ

والسموحة وايد كثرت

هذا سؤال أحدى الأخوات على الخاص
والجواب كان

أقدر اجاوبج على كل هالأسئلة عادي حبيبتي وإن شاء الله راح أسوي موضوع بالصور في القريب العاجل عن تجربتي في نيوزيلنده بس سمحي لي مش كل الفنادق اذكرها الحين

شوفي الغالية سفرتنا كانت استراليا ونيوزيلنده وكانت سنة 2004
استراليا سوينا فيزا في القنصلية اللي في دبي وكانت multiple travel
لأنا بعد ما خلصنا من نيوزلنده رجعنا استراليا
ما سوينا فيزا لنيوزلنده
رحلتنا كانت self drive
نيوزلنده تنقسم لجزيرتين الشمالية والجنوبية
أول شي وصلنا أوكلاند الفندق اللي سكنا فيه هو The Sky City
الفندق وايد حلو وهو معلم من معالم المدينة وتحت فيه شوبينغ مول
الغرف لا بأس بها أظن هو 4 * والله ما اذكر بس موقعه وااااااايد حلو وطبعا لأنه فيه مول
بعدها رحنا الجزيرة الجنوبية بالطيارة لكاريستشريج
Chistchurch
المدينة واااااااااااااااايد حلوة وطرازها انجليزي بحت
الفندق ملينيوم Chistchurch
يطل على الكاثيدرال سكوير اللي هو نص المدينة
ولفينا الجزيرة الجنوبية كلها سكنا في Queenstown وهي مدينة الملاهي والأنشطة في الجنوب وراح تكون مثلجة في الأشهر اللي راح تروحين فيها لأن راح يكون عز الشتا
من المناطق الحلوة بعد Wanaka منطقة هادية وتطل على بحيرة Wanaka
احنا ما حجزنا فنادق للرحلات الداخلية من نوصل المنطقة الفندق اللي يعجبنا نسكن فيه وهالطريقة اسهل من ما ندور الفندق وكنا معتمدين على الخارطة ماكان عندنا GPS
وزرنا Milford Soundاللي صوروا فيها Lord of the Rings
وقبلها مرينا على جبل Mount Cook وشفنا الثلج
بعدين بالصور بتشوفين كيف وصلنا

وبعدها انطلقنا صوب الشمال على الساحل الغربي في مدن وااااايد
ومدينة Nilson عجبتني واااااااااايد وكل شي فيها حلو تصير في شمال الجزيرة الجنوبية
من Picton أخذنا العبارة وتركنا السيارة ووصلنا Wellington العاصمة الفندق كان نوفوتيل وفي فنادق وايد كلها جنب بعض بس لازم تكوني حاجزة من قبل ضروري...

أخذنا السيارة من البارك عند العبارة تاركينها لنا شركة الإيجار باتفاق مسبق
وواصلنا رحلتنا للجزيرة الشمالية من أحلى المناطق Rotorua بس ريحتها خايسة بسبب الكبريت اللي يطلع من الأرض بس المدينة وااااااااااااااايد حلوة بالرغم من ريحتها
هي تعتبر القرية التراثية للسكان الأصليين ( الماوريز) وفيها المتحف والعروض الليلة والهانجي وليمتهم بس حاسبي لأنها خنزير ...
بس العروض ورقصهم روعة الغريب ان تحيتهم مثلنا يخاشمون ...استغربنا من هالشي ...
روحي Waitomo Cavesالكهف أكثر من رائع فيه الديدان المضيئة
انا بكيت لما شفت المنظر من عظمة الخالق والله كأنهم نجوم بالسما فعلا منظر مؤثر
ماراح تكررين شي أكثر من "سبحان الله"
مرينا على مناطق وايد شلالات وبحيرات وغلاسييرز
راح اكتبها بالتفصيل في التقرير كل شي في نيوزلنده مميز وغريب
وطبعا أحلى شي الخرفان المنتثرة على جانبي الشارع حلوووووووووووووووين
بيض ومتااااااااااااااان
نيوزيلنده مشهورة بالعسل وال Jade اللي هو نوع من الأحجار لونه أخضر
وال Paua shell اللي اهيه الأصداف الملونة الكبيرة والحلوة تدخل في كثير من الصناعات مثل الحلق والقلادات والميداليات وأيضا تباع كصدفة بدون تشكيل
وطائر الكيوي وله صوت مميز جدا

بالنسبة للملابس انا سرت تحول الموسم وكنت مثلجة
لازم اكيد شتوي
المعاملة فووووووووووووووووووق الممتازة
حتى كانوا معجبين بحجابي وقالت لي وحدة

You look so Attractive with this on your hair


الأكل والمطاعم أكثر شي راح تشوفين المطاعم اليابانية منتشرة في كل مكان والسوشي وغيره
وعندهم أكل الماوريز السكان الأصليين من الأسماك لا يفوتج
وعندهم المطاعم المعروفة مثلا سيزلز في روتوروا

هذي اللي اذكره
العملة هي الدولار النيوزيلندي يعادل 3 درهم تقريبا
الميزانية

اوكي اوكي يعتمد انتي شو ناوية تسوين ووين بتروحين وكم شخص انتوا؟؟
حسبي 700 درهم للشخص
في اليوم الواحد للسكن والأكل فقط ( بدون هدايا ومشتريات وأجار سيارة وبترول وتذاكر داخلية وخارجية والترفيه طبعا)
هي فيها وايد نشاطات ترفيهيه على فكرة Extreme Sports
بنجي ...فلاي باي واير....جيت بوت..اكستريم سكيينغ

إن شاء الله تكون المعلومات مفيدة

عزيزاتي ترقبوا مني تقرير شامل بكل التفاصيل عن نيوزيلنده للجزيرتين الشمالية والجنوبية في أقرب فرصة
.
.
.

المزيد من آخر المواضيع من نفس القسم:

• اهم المعلومات عن وسائل المواصلات والتنقل في...
• ألينتيخو البرتغالية اجمل الوجهات السياحية...
• جزيرة بالاوان اجمل الجزر الطبيعية في الفلبين...
• كانازي قرية إيطالية خيالية بأجواء لامثيل لها...
• اجمل الأماكن السياحية في كوتور
• جولة سياحية لاجمل المعالم في ألبانيا
• بولندا تفتتح أعمق مسبح في العالم
• اجمل اماكن سياحية من العصور الوسطى في كوينكا
• طيران الإمارات و«فلاي دبي» تستعيدان 70 و50%...
• لقطات مثيرة من جودبور المدينة الهندية...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[honest]

واااو مشكوره وايد على المعلومات صج مفيده يت في وقتها

لاني يالسه اسويلي جدول لرحلتي لنيوزيلاندا


عيل بسألج عن مدن ما ذكرتيها مثل

Dunedin
Hamilton

, و بسألج كم يحتاي اقعد في كل من هالمدن
Queenstown
Auckland
Rotorua
Wellington
ChristChurch

كم يوم احجز في كل مدينه ؟

شو عن النقاب اهناك ؟ شي منقبات؟

[honest]

معقوله مايحتاي فيزا لنيوزيلاند ؟؟ و الا فيزتها نفس فيزة استراليه ؟

[ريشة]

هلا حبيبتي أنا طبعا ماذكرت كل المدن لأني مابخلص
شوفي حبوبتي من الجزيرة الجنوبية خط السير كالتالي
ChristChurch
Mount Cook
Omarama
Cromwell
Queenstown
وهذي أكثر مكان لازم تقعدين فيه لأنج من هالمدينة بتنطلقين ل
Dunedin وهي مدينة كبيرة فيها وايد طلبة وفيها مصنع الكادبوري
في الساحل الشرقي عن طريق Cromwell مرة ثانية
Alexandra
بعد ماتخلصين من دانيدن ترجعين مرة ثانية Queenstown
وتريحين ...
منها تروحين
Te Anau لو اتمنى أعيش في مكان فهو تي أناو
Milford sound تاخذين جولة بحرية
وبعدها ترجعين Queenstown للمرة الأخيرة وريحي كم يومين

كوينز تاون صايرة في النص وهي أفضل طريقة علشان تشوفين كل هالمدن بدون ماتتعبين وفيها كل الأنشطة يعني أبدا غير مملة
المشكلة لو سرتي Dunedin من ChristChurch
ماراح تشوفي ماونت كوك

نكمل خط سير الرحلة
من كوينز تاون
Wanaka مدينة بعد أبا أعيش فيها خخخخخخ هاااااااادية وحلللللللللللللوة
Hasst
Franz Jozef فيها الغلاسيير (النهر الجليدي) وFox Glacier
وممكن تدخلين داخل الكهوف الثلجية بس لازم ترتبين من قبل
Hokitika وهي أشهر مدينة لل Jade
Greymouth أكبر مدينة على الساحل الغربي
Punakaiki
Westport فيها محمية الفقمات Seal Colony
Nelson يااااااي على نلسون تجنن مدينة الفن
Picton
(العبارة)

Wellington زحمممممممممممة أهم ما فيها المتحف
Paraparaumu
Waiouru
Turangi عبر الطريق الصحراوي وصحراؤهم عن غاباتنا خخخخخخخخخ
Taupo وفيها بحيرة تاوبو وبينها وبين روتوروا في شلالات الهوكا أقوى شلالات نيوزيلنده لازم تروحين
Rotorua رائحة البيض الفاسد بس حلوة واااااااايد
Waitomo Caves
Hamilton مدينة صناعية مافيها شي يذكر
Paeroa
Auckland مرة ثانية
تعبت....
شوفي احسن حل اسوي خط سير الرحلة على خارطة علشان يكون أوضح
على فكرة في ناس وايد مايلفوا إلا الشمال أو الجنوب لأن الرحلة متعبة
بس والله انها أبدا مافيها أي تعب المناظر ترد الروووووووح
وشي ثاني لما بتروحين Self Drive خلي عندج مخططين في بالج لخط السير
لأن لما تمطر على الساحل الشرقي يكون الغربي صحو والعكس
وهذا اللي صار لنا
لو كان الساحل الغربي ممطر كنا بنغير خط السير تماما وناخذ خط الساحل الشرقي

بالنسبة للفيزا شوفي الرابط مانحتاج
http://www.learn4good.com/travel/nz_visa.htm

رحلة موفقة وسعيدة

[honest]

مشكووووووره بس ماشاء الله معلوماتج من كثرها اتلخبطت ههههه

شو وسيلة النقل من مدينه لثانيه ؟؟ قطار .. باص .. و الا حجزتوا سياره ؟؟

الحين ما قلتيلي كمن يوم احجز للفنادق في كل مدينه ؟

[ريشة]

مشكووووووره بس ماشاء الله معلوماتج من كثرها اتلخبطت ههههه

شو وسيلة النقل من مدينه لثانيه ؟؟ قطار .. باص .. و الا حجزتوا سياره ؟؟

الحين ما قلتيلي كمن يوم احجز للفنادق في كل مدينه ؟

لا تتلخبطين فتحي خارطة نيوزلنده وشوفي المناطق

تنقلنا كان من أوكلاند لكرايستشرج بالطيارة
أستأجرنا سيارة من كاريستشرج ومرينا بالطريقة اللي ذكرتها
عند العبارة تركنا السيارة
وشركة الإيجار خلوا لنا سيارة ثانية في الجزيرة الشمالية
الطرق جدا سهلة وواضحة...

في طرق ثانية مثل الباصات السياحية مع المجموعة وهذي أكثر السواح يستخدموها وتكون الرحلة مرتبة من الشركة السياحة نفسها

طرق ثانية الكرافانات للي مايبون يقعدون في فنادق السايح يوقف الكرافان أي مكان يعجبه ويبات الليله في الكرافان
وراح تشوفي منهم وايد

بس السيارة هي افضل الطرق لأنج ماراح تتقيدين بالمجموعة وفي نفس الوقت تستمتعين بالمناظر الطبيعية والخرفان

بالنسبة للأيام خبريني مدة رحلتج وراح اشوف كيف ترتبين الأيام....

[جنح الليل2]

ووووووواو شي حلو والله...

[honest]

30 يوم مدة الرحله عشرة ايام في سيدني و الباجي نيوزيلاند

انتي على اي طيران رحتي و كيف كان خط الرحله ... دبي - اوكلاند ؟؟؟

[ريشة]

30 يوم مدة الرحله عشرة ايام في سيدني و الباجي نيوزيلاند

انتي على اي طيران رحتي و كيف كان خط الرحله ... دبي - اوكلاند ؟؟؟

ممتااااااااااااااااااااااز الأيام أكثر من كافية
إن شاء الله راح اسوي لج برنامج مريح ويشمل المدن المهمة
وراح أخبرج كل مدينة شو تشوفين فيها وكل مايتعلق بالطيران
بس عطيني شوية وقت

[ريشة]

ووووووواو شي حلو والله...

مشكورة الغالية على مرورج

[honest]

والله بتريحيني وايد ... بس استعيلي اشوي ورانا حجوزات ( طرار و يتشرط) ههههه

ثاااانكس

[البرنسيسة7]

وانا بعد الغالية ناويه اسير نيوزيلاندا بس عن طريج ماليزيا او سنغافوره او هونغ غونغ وابغي اعرف معلومات زيادة عنها

[ريشة]

لكل من سأل عن ترتيب الرحلات لنيوزلندا

هذا بعض الأجوبة بشكل سريع للأسف ما قدرت إني ارتب الرحلة لأني مسافرة بكرا إن شاء الله

أولا بالنسبة للطيران إحنا رحنا على طيران الخليج كان عندهم عرض لسيدني وسووا لنا Up Grade على الفيرست
ووقفنا في سنغافورة

أنصح أكيد بالبزنس لأن الرحلة متعبة وطويلة

التذاكر الداخليه كلها من طيران كوانتس الأسترالي وهذا الرابط
http://www.qantas.com.au/regions/dyn...fier-region-au

كل الحجوزات صارت من النت

والفنادق من
Booking.com
Lastminute.com
Wotif.com

وهذي بعض برامج الرحلات اللي ممكن تتبعوها وفي هذا الرابط كل المعلومات المفيدة عن نيوزيلنده

http://www.newzealand.com/travel/get...ub=Find+Routes


والسموحة عزيزاتي على القصور بس الوقت ضيق وإن شاء إذا رجعت بكتب التفاصيل

يالله أسلم عليكم وأشوفكم على خير بعد اسبوعين إن شاء الله