مهم للتنيه

[وهج الذكرى]

بنات المنتدى وبالاخص خبيرات اتجميل في المنتدى
بس حبيت أعرف ليش كل وحدة من خبيرات التجميل اتوكن اسعاره غالية لهذي الدرجة
في بنتا يحبون يكونون متيزات في العرس وكل ما تتصل لوحدة اتكول أن سعرها تقريبا فوق 4000 ليش البنان من وين ايبون البزات من (0000000)
حتى المكياج الاسبشل على قولتهم فوق 500 ويوصل للألف العروس يمكن انوصل مكياجها لل4000 واخت العرس يوصل للألف معقولة هذا الشيء شو صار في الدنيا

مرة اتصلت لصالون في دبي سألتها عن الاسعار قالت لي العروس 2500أو3000 ماأذكر بالضبط ولما قلت لها اتين راك قالت لي العروس 6000 شو البترول من دبي لين أهني ياخذ كل هذا المبلغ

والله ما أقول غير أن الله يعينا في هذي الدنيا كيف صات مكياج من5000لين 10000 أو أكثر من وين من روح من ربنا

ياريت كل اللي يمكجون يوحدون السعر وإذا يقدرون ينقصون من السعر


ياريت أن الموضوع ما ينحذف لأني تعبت وأنا أكتب الموضوع

المزيد من آخر المواضيع من نفس القسم:

• كل ما تحتاجين لمعرفته عن عطر كلوي نرسيس...
• حل مشكلة تكتل كريم الاساس بخطوات بسيطة وفعالة
• خطوات تطبيق مكياج شتوي ساحر للسهرات
• اخطاء في تطيق البرايمر انتبهي لها
• طريقة عمل مزيل مناكير طبيعي في البيت حصري
• طريقة عمل منظف فرش مكياج سهل وفعال في المنزل
• طريقة عمل منايل ازالة المكياج في البيت
• كيفية تنظيف فرش المكياج بفاعلية
• خطوات بسيطة وفعالة لتثبيت العطر
• نصائح هامة قبل شراء العدسات اللاصقة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[M & S]

أوافقج بس مب موافقه تامه

يعني انا ممكن أحط 6 او 7 ألاف لان هذا عرسي واذا ما تميزت هالحين متى عيل لكن 10000 لا حرام ,,,

تقبلي مروري

موضوع حلو الصراحه ومشكوووووره على مجهودج

[um 7mo0o0d]

بالنسبـــــــــــــــــــــــه لي

صارلي شرات موقفج فعرسي

اتصلت بوووحده خبيرة ميكب معروووووووووووووفه من الشارجه وقالت لي ميكب العروس 3500 قلت لها حلووو












قالت 10000 خخخخخخخخخخخخخخخخخ
اونه لقاعة الكورنيش فراك 8000 ولقاعة الكرستال 10000 لانه شوي بعيد مع انه مشوار 5 دقايق او 10 دقايق بالكثير









يضحكون والله


وانا عرسي فالكورنيش ف ترددت شوي وتعذرت منها

موضوووووووووعج فمحله ................... والله لو كل وحده تستوي ما كييره وتاخذ لها دوره وتتعلم وايد احس عن نفسي انا بس لعرسي سرت الصالون اما لكل الاعراس بروحـــــــــــــــــي اتعدل لان صج ما يسوااااااااااااا لكمن ساعه
واذا اتين راااااك كم تاخذيــــــــــــــــــــــــن

[وهج الذكرى]

ِكرا على التفاعل الغالية

[وهج الذكرى]

أوافقج بس مب موافقه تامه

يعني انا ممكن أحط 6 او 7 ألاف لان هذا عرسي واذا ما تميزت هالحين متى عيل لكن 10000 لا حرام ,,,

تقبلي مروري

موضوع حلو الصراحه ومشكوووووره على مجهودج

الغالية تقدرين اتحطين 2أ3أو 4
وتطلعين توب متميزة عن كل الايام واسمحيلي على المداخلة

[أم وهج]

أنا معاااج اختي والله صج في ناس ماصدقت زادوا المعاشات
حرراااام جذي
اذا المكياج ماراكات وغالية لكنها تستخدمهم في ويه 16 وحده!!!!!!
انا صرت أحط لعمري لأني اعرف احط مكياج ..لو أصرف هالفلوس على عيالي احسن ... الله سبحانه راح يحاسبنا على هالنعمة اللي قاعدين نبذرها!!

[سلمت امرى لله]

كلاامج صحيح ميه بالميه..لانه الناس اهنيه ماتناقش فى كل شى ..العبى ..الملابس كل شى يرتفع واشوف الناس ماشيه عادى..فى الكويت تحطين المكياج عند خبيره تجميل ..او فى فنادق كبيره ..ماياخذوون نص هالسعر ..الله يعين ولازم انتوا يابنات تدوروون الحل.

[سيدجروحي]

الله المستعان

[وهج الذكرى]

كلاامج صحيح ميه بالميه..لانه الناس اهنيه ماتناقش فى كل شى ..العبى ..الملابس كل شى يرتفع واشوف الناس ماشيه عادى..فى الكويت تحطين المكياج عند خبيره تجميل ..او فى فنادق كبيره ..ماياخذوون نص هالسعر ..الله يعين ولازم انتوا يابنات تدوروون الحل.

هلا على أي حل اندور إذا كل بنت اتشوف أن الغالي اهو الاحسن والارخص مو مب شي

[وهج الذكرى]

وشكرا على تفاعل البنات في هذا الموضوع

[لاليك]

الاسعار من بونها جيه من قبل..
هذا عدنا ف بوظبي مادري كيف عندكم..!!

وبخصوص الميك اب 3000 ويوم بتي راك 6000 هاي ضريبه انها تخلي الصالون وتيج البيت تزيد المبلغ ..
ع قولتهم ان تضيع زباين ف لازم في تعويض..


يوم عرس اختي لان الماكيرا يتني الفندق دفعت 1500 بس ميك اب ..المهم ان عجبني و حبيت شكلي وكنت واثقه من نفسي..

[A4S4ever]

هلا بنات... أنا بعد عندي رأي في الموضوووووع إحم إحم

بصراحة هذا حال الجميع... وكلنا ندفع ... بس اللي يضايق صدق إنه عقب هالدفع ما تكونين راضية على المكياج...
عشان جيه أنا دايما أحط ميك أب عند وحدة مضمونة ... عسب ما أتغصص على فلوسي...

بس بعد أحيانا أعذرهم... يا بنات باريس غاليري اجتاحتهم موجة جنووووووون غير طبيعية... أسعارهم صايرة غير طبيعية لا يصدقها عقل... غلاء x غلاء

وإذا ببنحتج.. أنا أفكر الاحتجاج لازم يتوجه لمنو بالضبط ... الخبيرات والا اللي يبيعون مكياج ولا منو ومنو...

صراحة الحالة صعبة...

[M & S]

مشكووره الغاليه على رايج وكلامج صح 100%
وعلى عيني وراسي ....

[تومة]

بصراحة بعض الناس صارت فيها بطرة ... خلوني عاد أرمس انا ما أصدق حد يفتح هالسالفة ... أحس فيني غيظ من الخاطر ... بصراحة بصراحة مكياج العروس في الشو يفرق عن المكياج السبيشل ... هاي سالفة إبتدعوها ناس ومشت السالفة على عادي و إسبيشل وإكسترا إسبيشل وملجة وليلة حنا وعروس ... أوكي أنا بالنسبة لي بقبل بأني أفرق بين وحدة رايحة عرس والعروس ... لأنه هذي عروس وليلتها ولازم يكون في فرق بينهم ... بس ما توصل لفرق 3 أو 4 ,أحيانا 10 آلاف ... ترى أنا شفت ناس والله يوم ملجتها أحلى بوايد عن عرسها وهي كانت مسوية على قولتهم إسبيشل ... يعني الي تسوي إسبيشل ينفع تكون عروس في ملجتها .. الي بتحطلي الميك آب هذا لازم يكون عندها ضمير مهني بالدرجة الأولى ، يعني :
أول شي تنظف ويهي عدل المنظف والتونيك وتحطلي البيس عشان ما تتعب بشرتي من الي هي بتحطه بعدين وتكون كل أغراضها ماركات وأصر لا كلمة ماركات لأنه الماركة تتعب وتسوي أبحاث لأنها تخاف على سمعتها وما بتنزل شي ممكن يوصل أنه يشققلي بشرتي ..وتاخذ وقتها لأنه طبعا السعر محسوب فيه الأغراض والتعب والوقت يعني مب تسويلي أي كلام بس عشان تخلص الي وياي ... لأنه محد قالها تقبل بعدد كبير فوق طاقتها .. وتكون عندها طولت بال لأنه هاي بشرة وهاي عين ممكن إدمع وأنا مب ذنبي إذا عيني جي .. أنا أتحمل وأنت تتحملين وأخيرا لو ما نسيت شي يكون عنها ذوق في تعاملها يعني قد كلمتها وتعذر لو ما تقدر مب تعشم الناس ومن هناك مسوية طاف ...

والغالية لا تنسين أنه من لايرحم لا يرحم ... وأنه الله بيحاسبهم على كل ريال .. على كل ريال ... سبحانه يمهل ويعطي العبد فرصة وعشر ولكن لا يهمل ...

أشكرج جزيل الشكر على طرح الرائع وعلى الدرر ...وعلى فكرة ترى في ناس لو ما تدفع ما تحس أنها سوت شي .. الله المستعان

[وهج الذكرى]

الاسعار من بونها جيه من قبل..
هذا عدنا ف بوظبي مادري كيف عندكم..!!

وبخصوص الميك اب 3000 ويوم بتي راك 6000 هاي ضريبه انها تخلي الصالون وتيج البيت تزيد المبلغ ..
ع قولتهم ان تضيع زباين ف لازم في تعويض..


يوم عرس اختي لان الماكيرا يتني الفندق دفعت 1500 بس ميك اب ..المهم ان عجبني و حبيت شكلي وكنت واثقه من نفسي..

هلا الغالية أنا ما أقول أنها ما اضاعف الفلوس بس اتزيد شيءبسيط مثلا 3000اتزيد 1000 شو ضريبة اهي متأكدة أن حد بيها بيتعدل وياه بنفس هذا اليوم مو كل يوم في عرس ولا كل ساعة حد بيء الصالون عشان يتعدل كل شيء له قياس الغالية

أنامسوية يوم عرسي 1200 بس