العملية القيصرية

**sakura86** · 2008-04-20, 11:49

بنات...أنا مربية شهر 4 2007 و الدكتورة قالتلي لازم ما أحمل لمدة سنتين...عسب أربي طبيعي....بس سبحان الله...حملت و الحين في الشهر الثاني و حضرتي و لا أدري بالدنيا.... يوم السبت سويت فحص في البيت و طلعت حامل لأن الدورة مب منتظمة عندي و آخر مرة يتني شهر 2 ....و لين الحين ما سرت عند أي دكتورة....فبغيت أعرف هل في أمل أربي طبيعي؟و غير هذا كنت آخذ بندول هالفترة....بس الأزرق طبعا...فهل بيأثر؟ و كنت أستخدم كريم تكبير الصدر...لأن ريلي حاشرني...و هو اللي شارلي...بس ما أعرف إذا يأثر لأن ما مكتوب شئ.

و يزاها الله خير إلي بتفيدني...لأني أحاتي وايد

المزيد من آخر المواضيع من نفس القسم:

**انوثة امرأة** · 2008-04-20, 11:59

اتوكلي على رب العالمين وحطي شي واحد في بالج " ان الله على كل شيء قدير "

انا كنت ولادتي الأولى قيصرية والحين حامل ومتوكلة على رب العاملين والله سبحانه ما راح يخيب ظني

وان شاء الله خير

**بنوته 11** · 2008-04-20, 12:01

للرفع

**sakura86** · 2008-04-20, 12:48

أكيد الغلا انوثة إمرأة بتوكل على الله....و ربي يسهل عليج و على الخوات إنشاء الله.... و تسلمين ما قصرتي

بنوته 11 تسلمين الغالية....في ميزان حسناتج

و جزيل الشكر للإخت @الشوق@ لأنها طمنتني عالخاص

**lifecandle** · 2008-04-20, 13:06

الغالية عادي تربين طبيعي المدة كافية، والبندول ما يضر الحامل بس ما أدري عن الكريم

**moon_99** · 2008-04-20, 13:32

الله يسهل عليش يا رب

**ام قصايد7** · 2008-04-20, 13:33

هلا الغاليه الله ايساعدج ويساعدني ويساعد كل حامل وانشالله اتربين طبيعي

**نونو دبي** · 2008-04-20, 13:47

لا تحاتين اختي انا سامعه وايد يحملن عقب الاربعين ويربن طبيعي عقبها

**قصة حزن** · 2008-04-20, 14:48

لا تخافين ولا عليج من رمست الدكاتره

انا اربيعتي اول واحد قيصيري وحملت بعد الاربعين على طووول وربت طبيعي..

عن البندول ما اعرف

**sakura86** · 2008-04-20, 17:40

تسلمون خواتي...ما قصرتن....و ربي يريحكن دنيا و آخرة مثل ما ريحتوني....و أشكر كل و حدة دعتلي و جعله الله في ميزان حسناتكن

الموضوع: العملية القيصرية

أدوات الموضوع

عرض