من باجر .. ببتدي رجيم ال3 ساعات

**موزة سويدان** · 2008-04-19, 13:19

السلام عليكم سيدات المنتدى ..

واخيرا قررت اني ابتدي رجيم جدي جدا جدا من باجر .. و ببتدي في رجيم الثلاث ساعات .. و اللي هوه كل ثلاث ساعات اكل وجبة بس بكميه معينه .. طبعا الرجيم معروف في اوروبا و حتى في الخليج .. و المفروض ان ينزل 5 كيلو في اسبوعين و اللي هوالوضع الصحي و الطبيعي لنزول الوزن .. الحلو في هالرجيم ان فيه كل انواع الاكل .. المهم فيه التوقيت و الكمية و اخر وجبة تكون الساعه 7 المغرب .. بعد ال7 ما فيه اكل .. و اصلا لانج بتكونين تاكلين في النهار خمس وجبات بتكونين شبعانه ..

الرجيم هذا هدفه ينظم الهضم و يساوي معدل السكر في الدم فما تييج الحالة (اللي هي انج تتخبلين على الحلويات و تهجمين عليها بشراسة و انتي تسوين رجيم)

طبعا انا ما عندي وقت اني اطبخ .. خصوصا ان 5 وجبات خلال اليوم و انا اداوم و ادرس و عندي عيال ووووو...

فاللي سويته انني اتعاملت ويا اخصائية تغذية المانية .. دلتني عليها وحده من بنات المنتدى الله يوفجها يااااااارب .. و ان شاء الله من اليوم بتبدي اطرشلي الوجبات الخمسه لمده شهر كاااااااااااامل .. و كل اسبوع اتابع وزني و اذا ما نفع تغيرلي الوجبات و هكذا ....

اليوم المفروض توصلني الوجبات اللي ببتدي فيهم باجر .. من توصلني بصورهم و بنزلهم في المنتدى بشكل يومي .. و كل اسبوع بخبركم شو صااااااااااار ..

يلا يا بنات حمسووووووووووووووووووووووووووووووووني ..

اتريوني من توصلني الوجبات بنزلها مع الصورة.. و طبعا اللي تبغي تبتدي وياي حياها الله

وزني 74 و هدفي 65

المزيد من آخر المواضيع من نفس القسم:

**~ رهــف ~** · 2008-04-19, 13:22

ما شاء الله زيين

اول مرة اسمع عن هالرجيم .. ربي يوفقج فديتج

واهم شي الهمة العالية والتزمي وربي يقويج ويعطيج العافية

يلا صوريلنا الأكل نبا نشوف عاد < ملقوفة خخخخ

والله يوفقج وان شاء الله توصلين لمرادج يارب

احترامي ،،

**موزة سويدان** · 2008-04-19, 15:59

رهف مشكووووووووووووووووورة فديتج عالتشجيع

ووجبات اول يوم (اللي هوه باجر) توها واصله .. وااايد متحمسة و الصراحة الاكل شكله لذيذ .. و انا توقعت الكميات اقل .. هاذي الطلبية مغلفة :

و هاذي الوجبات ..

هااا شو رايكم؟؟ مب شي يحمس .. حتى حطيتهن في الثلاجة على طووول اخاف اقوم و اقضي عليهن لوووول

يعني باجر اكلي بيكون

ريوقي بيض و لوبيا

الضحى سلطة فواكه

الغدا سمك مع خضرة

العصر (ماعرف شو هذا بجربه باجر و بخبركم لوووووول)

و العشا بيكون دجاج مع خضرة ..

و باجر ان شاء الله في الليل بخبركم شو خبصت .. بس لا ان شاء الله ما بخبص لاني بفكر في البيزات اللي دفعتهن حق هالوجبااااااااات لوووووووووووول

ادعولي استمر و و انزل عالاقل 7 كيلو في هالشهر

**الــــورده** · 2008-04-19, 16:14

^____^ برنامج حلو الصراحه

ان شاء الله توصلين للوزن المطلوب

**احساسي غير** · 2008-04-19, 16:32

ماشاءالله الرجيم حلو والاكل شكله يشهي

وان شاء الله بالارادة كل شي يصير <<<<< قولي حق عمرج اول عقب انصحي لووول

بالعافية عليج اختي بس ياليت تخبرينا كم دفعتي حق هالنظام كامل ؟؟

**حرمه يديده** · 2008-04-19, 16:44

ما شاء الله موفقه اختي .. أنا بعد ابي اضعف و اسوي شراتج .. امممممممممممم اختي كانت تسوي نفس الحركه اقصد اييبولها اكل من برع بس في شي من الاكل شكله شهي بس تاكلينه استغفر الله تقولين زوااااااااااااااااااع

لأنها يوم ما كانت تاكل تقولي اكلي و انا اوووودي كل شي خخخخخخخخخخ لا عاد مب كل شي بس لأن شكله كان شهي .. و احس حتى لو سويت جي ما بلتزم .. الارااااده خرررره ههههههه ( خبيره تحطيم معنويات )

يلا انتي ما عليج من خرابيطي و تشجعي و ان شاء الله تنزلين كثر ما تبين .. ^_^

موووووووووووووووووفقه ان شاء الله

**حنـين** · 2008-04-19, 16:52

ما شاء الله عليج حبيبتي

أهم شي الهمة ..... والله يوفقج

بس . . ممكن تخبريني عن الحرمة الألمانية،، وأبغي رقمها إذا ما عليج أمر

^_^

**ريشة وردية** · 2008-04-19, 16:57

وااااو شكل الاكل حلو .. يالله بالتوفيق اختي ..

ممكن تعطيني رقم الحرمة ... و وين مكانها و كم تاخذ عليج ؟

**شيما333** · 2008-04-19, 18:17

الله ايوفقج الغاليه

**موزة سويدان** · 2008-04-19, 20:25

الورده .. مشكوووووورة فديتج ادعيلي

احساسي غير .. فديتج دفعت 2400 لمدة شهر

حرمه يديده.. وييييييييه لا لا لا حطمتيني .. لا الحين بنش اطعم الوجبات و اشوف بس اخاف اتحمس زيادة عن الزوم و الط الاكل كله لووووووووووووول بس مشكورة فديتج عالدعوه الحلوة و ان شاء الله انتي بعد تضعفين مثل ما تبين

حنـين .. ريشة وردية .. جيكن الخاص يالغاليات و مشكورات عالمرور

شيما333 .. وياااااااج حبيبتي

مروركم شرفني

**bulbula** · 2008-04-20, 00:13

موفقه يا رب،و انا ان شاء الله بعد ما أولد بسوي ريجيم دمــــــــــــــــــــــــار لأن وزني زاد كثير بهالحمل،و الصراحه المفروض اني انزل من وزني من الآن ،بس يالله أتحجج بالحمل!!
خلينا دايماً على علم بتطوراتك و الله يساعدك و ينزل وزنك و تصيري رشيقه..

**ساحرة العيون** · 2008-04-20, 01:30

ما شاء الله خبرينا الغالية شو سويتي اليوم

**لورا79** · 2008-04-20, 09:08

موفقه

**um 7mo0o0d** · 2008-04-20, 09:25

موفقــــــــــــــــــــــــــــــــه وربي ينزلج ال9 الكيلو اللي تبين تنزليهن

ربي يوفقج

**أنستازيا** · 2008-04-20, 15:49

الله يوفقج

الموضوع: من باجر .. ببتدي رجيم ال3 ساعات

أدوات الموضوع

عرض

من باجر .. ببتدي رجيم ال3 ساعات

المزيد من آخر المواضيع من نفس القسم:

المواضيع المتشابهه

أبي أسؤؤي رجيم ساعدؤؤني منؤؤ بتسؤؤي رجيم وياي من باجر

يوميات رجيم الي بيشارك يدش من باجر

#----- ان شاء الله 23 \5 ببتدي رجيم خاص حق الجزء العلوي---شاركوني--#

ببتدي من جديد بدون تعب وبدون رجيم نعم للرياضه لا للرجيم اللي بتشاركني تدخل

من باجر ببتدي هالرجيم وبقولكم يومياتي هني ^_^