أرجو من ربات البيوت الدخول.. مصروف! مصروف! مصروف!

[أم سيـــف]

هههههههههههههههههههههههههه
ضحكتيني أميره بلا قصور! أتقاعد يعني أتريا 15 سنه!!!
الحين أنا في السنه الخامسه والقانون اليديد للتقاعد يقوووووووولوووون 20 سنه،، ويح قلبي!

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[اميرة بلا قصور]

هههههههههههههههههههههههههههههههههههه تو الناس

[اووويييه خيماويه]

:1 (26):


خواتي.. ألف شكر على الردود الطيبه.. وآخر التطورات أني صليت بس لين الحين مب قادره أقتنع بالاستقاله.. شو معناها! :1 (63):


احم احمم:1 (20):


اقوولج خلاص الظاهر بشوف وين بيتج :1 (28):


وبكتبلج بلوحه كبيـــــــــــــــــــــــــــــــره:1 (6):


(( تقاعدي احسن لج ...... قبل مايطير منج ))
:13 (49):



بسم الله عليييج والله مافيه تدعين علينااا


ريلج يباج :1 (56):

وعيالج يبونج

شوتبيبهااا المدرسه وعوار الراس:13 (10):


بطراانه :1 (9):

عندهاا عيال ومخلتنهم ودري الشغل مابيفيدج والله:1 (31):


خذيلج تجاره وشغلي مخج فيهااا:1 (7):

المدرسات يعرفن لهالسوالف مشالله جربي وبتشوفين الراحه بنفسج:1 (83):


بتم احاوط على موضووعج لين تبشرينااا بأستقالتج:1 (84):

[اميرة بلا قصور]

خيماويه شو هالحركاااااااات الحلوه
ههههههههههههههههههههههههههههههااااااااااي

[شوق الوله]

نصيحتي لج استخيري ...
بس الغلا لو أنتي ما مقصرة في ظروف بيتج لا تخلين العمل لان الانسان ما يعرف باجر شو بصيره

[ام مزنه]

المصروف بيسدج بس اذا بغيتي شي زياده او عندج ناسبه لاز تحاتين المصروف عسب يكل لاخر شهر

انا ودي اشتغل عسب ان خاطري بشغل وغير الملل اصلا وبعدين بيحسن من حالتنا الماديه واااايد

[أم عبدالله77]

السلام عليكم

اتوقع ان جميع المعلمات يتمنين الاستقالة او التقاعد
بس هذا قرار خطير يحتاج الكثير من التفكير
وجرأة في التنفيذ

انا معلمة وفكرت في الاستقالة بس لاني للحين ما عندي عيال (( ادعوا لي )) فاخرت الاستقالة لاني احس اني بمل في البيت وبفكر اكثر في العيال

لكن اذا عندج عيال فالامر يختلف
ممكن تشغلين نفسج بتدريسهم والسؤال عنهم في المدرسة
ممكن بعد الاستقالة تهتمين بنفسج وبشرتج وشعرج .............
ممكن تحفظين قرآن او تقرئين كتب او اذا تحبين الاشغال اليدوية او الديكور ممكن تشتركين في نادي صحي
او تتعرفين اكثر على جاراتج وتكون بينكن زيارات متبادله الصبح
يعني يلست البيت يمكن تكون مملة او تكون حلوه على حسب شخصيتج انتي هل تعرفين تستغلين وقتج ولا تقضين الوقت في النوم والتلفزيون

واللي اضيفه على كلام الخوات
انج ممكن تتدخرين لج مبلغ من راتبج ،،وانت تشتغلين
يعني مثلا اشتغلي بعد سنه او سنتين وكل شهر وفري مبلغ مثلا خمس آلاف
بعد السنة هذي بيكون عندج مبلغ ممكن يفيدج عسب ما اتحسين بالفرق بعد الاستقالة
وممكن تشغلين هذا المبلغ في العقارات او الاسهم
مثلا اذا جمعتي مبلغ محترم ممكن تشترين بيت صغير واتاجرينه
فيكون عندج دخل اضافي غير المصروف اللي بتاخذينه من الزوج


وبس

[بنت البر]

حاولي اتغيرين شغلج يعني تنتقلين المنطقه التعليميه لو معاش اقل بس ولا غصة المدرسه ..لانه المدرسه ما تخلص واجباتها حتى يوم ترجعين من المدرسه تكرفين الين في الليل..وبعدين اذا اتشوفين انج امقصره في حق الريل والولد لا ابوي اضربي ابريك وتمي عندهم ..لانه عايلتج انتي الي بتكونين مسؤوله عنهم ويوم القيامه بتسألين عنهم...
والله هذا الشي الي ذابحني انا اتمنى اشتغل ولدي الثانيه 3 سنوات يعني بوديه الحضانه والاول في المدرسه واهلي بعيد عني وريلي ايداوم في ابوظبي وما اينا الا نهاية السبوع ...انا احس خلاص بتيني حاله نفسيه من يلسة البيت والله مب عارفه شو اسوي ..لو ريلي ايداوم عدنا والله ما بفكر في الشغل لكن هو بعيد وانا ابغي ارمس ويا حد اتعرف على ناس احرك عمري اشوي...بس اتصدقين يمكن الله مب رايدلي اشتغل من 4 سنوات ادور شغل وكل وزير ايوقع لي على الاوراق يعني واسطه عوده ايب لكن ربي مب رايدلي اشتغل لانه انا استخير قبل ما اقدم على اي مكان

[ميرانا]

السلام عليكم ورحمة الله وبركاته ..

أختي الغاليه ام سيف .. انا بقولج تجربتي الشخصيه واتمنى انج تستفيدين منها ..

من قبل لا أعرس كان عندي مبدأ وهو ( بنت مش متزوجه وشغل أو زواج وبيت) يعني يا أشتغل فترة ماكنت بنوته قبل لا أتزوج أو اني اتزوج وأقعد فالبيت .. لأنه بصراحه اذا كنتي معرسه واتداومين واااااايد بتتبهدلين واكييد بيكوون في قصور فعيالج أو ريلج أو بيتج أو اهمال لنفسج!!! بس يوم انتي بنيه فبيت أهلج اشتغلي واتدللي بعد لانج من اتردين من الدوام محد وراج يترياج متعدله متكشخه على سنقة عشره ^__*

انا الصراحه قبل لا أعرس كنت أشتغل وأول ما يا المعرس انا روحي قررت أطلع من الشغل والحمدالله ريلي روحه كان شرطه على أستقيل!

والله ما أقص عليج انا جربت الاثنينه .. قعدة البيت وااااااااايد حلوه وبإمكانج تسويين مليون ألف امية شغله .. وكم يسوا انه يوم ايرد ريلي اكون متعدله وبيتي نظيف والغدا زاهب .. والمسا الوحد تجابل عيالها ..

يعني انا شخصيا اشوف شغل الحرمه هو ((((بيـــــــــــــــــــــتها))) لانها تكون فيه المعلمه والطبيبه والزوجه!

احلى شي يوم انش الصبح واتريق على راحتي واسير اسوي أظافري واتكلم تيلفون واقعد عل كمبيوتو ويمر الوقت بسرعه والله ..

أما عن البيزات فهي آخر همي!! لأنه شغل ريلي زين الحمدالله وحتى لو ماكان زين أنا ضد الإسرااف والحمدالله اصرف على قد المعقول ..

الصراحه ريلي مب مقصر ويايه .. فالبدايه كنت ما آخذ منه مصروف و1500 يكفوني .. ويوم يكون عندي وااجب لازم اسويه او هديه عوده لاحد من أهله هو يدفع .. بس عقب مايبت بنتي طلبت منه مصروف شهري عسب اقدر اتبرع منه وفنفس الوقت أوفر وأعرف كم صرفت .. فخصصلي 3000 والحمدالله مكفيين وموفيين وساعات حتى أوفر منهم ..

يعني يا اختي اتخيلي انا كان راتبي 13000 والحين صاروا 3000 !!! هههه مع هذا عايبيني لاني حاسه اني مرتاحه ومش مقصره ..

السموحه عالإطاله وان شاءالله اكون أفدتج ^__^

[شيما]

موفقه عزيزتي ..

[أم سيـــف]

هلااااا والله بخواتي..

اووويييه خيماويه.. :1 (6): انتي من وين طلعتي لي!!! لا يكون ريلي موصنج اطفريني لين أفنش!!! :1 (66):

بتسمعين الخبر اليقين بعد قليل..! خلج متابعه!!

شوق الوله.. هلا الغاليه.. الصراحه ما بقص على نفسي مقصره ثم مقصره ثم مقصره!!!!! تابعي القرار اللي قررت الإعلان عنه..! تابعيني الغلا..

هلا بأم مزنه.. الغاليه انتي عندج عيال؟؟ والملل من شو بالضبط ممكن أعرف؟ حياج الله اتمنى متابعتج!

أم عبدالله77
هلا أختي!! يا حسره من وين لي 5 آلاف في الشهر أوفرهن!! أنتي معلمه وتعرفين صرف المعلمات في المدرسه وغيره! هذا غير أنه أنا وايد شاله على كاهل ظهري من مصروفات العيال! هييييييه يا قلبي يا كتااااكت يا ما انت شايف وسااااكت على قولة أبله... الله يمسيها بالخير! شكرا الغاليه على اقتراحج.. وتاااابعي!!!

بنت البر..
هلا الغاليه.. اختي ليش ما تشتغلين تتطوع في البدايه وعقب يمكن يتمسكون فيج ويشغلونج عندهم؟ الله يوفقج وسعيده بمرورج..


ميرانا..

حبيت البيت ويلسته من رمستج!!! الله يسعدج يا رب وحبيبتي تابعي قراري اللي بعلن عنه قريييييب جداً!

شيما
:1 (26):
ــــــــــــــــــــــــــــــــــــــــــــــــــ ــــــــ

خواتي وعزيزاتي لي عودة قريبه جدا جدا.. لأن هناك موقف قد حدث.. وبت في الأمر نهائياً!! وسأكت لكم بالتفصيييييل الممل،، اعذروني ليس الآن لأنه اليوم،، اليوم،، والله بصيح من الفرحه وأنا أنطق هالكلمه!! ( إجــــــــــــــــــــــــــــــــــــــــــــــــ ازه!!!) :13 (44):
وبسير أتمشى لين بيت أهلي أسوووولف..
وإجازه سعيده لكم بإذن الله،، وأنا إجازتي بس هذا المسا لأني عندي 30 كتاب يتصلح،، و60 ورقة امتحان تتصلح وتنرصد،، وو ليش أعور راسكم بالصدعه! مع السلامه..!

[اميرة بلا قصور]

لاتتاخرين علينا ام سيف نبغي نسمع اخبارة ان شاء الله خير

[أم شمس]

يأختي أم سيف الخوات ماقصرو يزاهم الله ألف خير
والسموحه يالغاليه

[اووويييه خيماويه]

هاااه


شحااالج خيتووووووووو شخبااارج :1 (26):


نقووول

مبرووووووووووووووووووووووووك عالتقاااعد خخخخخخخخخخخخخ:1 (35):


لا فديتج محد موصني :1 (9):


بس ماداني اشووف حرمه تشتغل :1 (63):


وعندهاا ريلهاا :1 (49):


وعياالهااا:13 (11):


ودي ارتكب فيهاا جريمه:1 (31):


عقب يوم البيت بيخترب تقوول ليتني فالبيت وعيني على عياالي وريليييي هع هع خخخخخ دوم اسمعهااا

:1 (3):

[Candle]

والله يوفقج يا الغلا