رحلة البحث عن زوجة أخ

**نعنوشة** · 2008-04-17, 09:57

الســـــــــــــــــــــــــــلام عليـــــــــــــــــــــــــكم

شحالكم بنات؟؟ بغيت اخبركم عن أخوي ياحليله قاعد يدور على بنت الحلال

فبدينا انا و امي رحلة البحث عن عروس

هو طبعا مواصفاته عادية بس قال مابى من العايلة

فوسعنا عملية البحث و الهجوم خارج العايلة

اذا انعزمنا على عرس تشوفونا من بعيد انا وامي مركزين ع البنات ههههههههه

المهم اخترنا البنت الاولى هي من فريجنا طيوبة وحبوبة

رحنا وخطبناها من اهلها ،،والحمدلله وافقوا وهي وافقت

بس قبل الشوفة قالت مابى غيرت رايي ،،اخوي قال مب مشكلة

بعدها باسبوع امها ردت اتصلت قالت لا البنية خبلة وماتعرف والحين وافقت

قلنا اوكي بنيكم عقب كم يوم ،، بعدها ردت الام مفتشلة تقول البنت ماطاعت،،وقلنا كل شي نصيب

هالاسبوع يارتنا مدحت لنا ناس تعرفهم،،وقالت ليش ماتسيرون تشوفون بناتها خاصة ان عندهم 9 بنات ماشالله ، ومدحت لنا العودة عمرها 23 سنة ( وان وايد يخطوبنها بس هي تختار)

امي خذت رقم الحرمة من جارتنا على اساس نشوف مب نخطب،،طبعا ام البنات عرفت انه ياين نشوف بناتها
و خاصة العودة،، تخيلوا فنص اليلسة امي قالت لها وين بناتج ،،جان تقول
انتوا لو يبتوا صورة الولد اول شي ،،اذا البنت قالت اوكي بتنزل لكم
واذا لا يعني ماشي نصيب،، امي قالت ولا يهمج المرة الياية بيب لكم البوم مب الا صورة <<<< تتنطز

طبعا طلعنا ومب ناوين نسير لهم مرة ثانية،،لسوء تصرفهم
خل بنتهم عندهم

و بعدها عرفنا ان قبل فترة واحد يى خطبها بس ماعجبها مع انه ماعليه كلام،، جان تقول اختها انا باخذه هههه هي الذكية طبعا اما العودة ف للحين يالسة تتريا فارس الأحلام

يلااا ساعدوني في رحلة البحث،،وخبروني عن قصصكم لما سرتوا تخطبون لاخوانكم،،

المزيد من آخر المواضيع من نفس القسم:

**دلوعة_راك** · 2008-04-17, 10:06

كل واحد ياخذ نصيبه واللي الله كاتبنه بصير اتخيلي انا من راس الخيمة وريلي من بدع زايد يعني من اخر الدنيا بس الله يوم كتب نصيبنا ويا بعض خذيته مع العلم لا من الاهل ولا انعرفة وعلى قولت عمتي بنت المشرق للمغرب وبنت المغرب للمشرق فسبحان الله دوري على مهلج ولا تستعيلين لانه هذا زواج

**نعنوشة** · 2008-04-17, 10:10

المشاركة الأصلية كتبت بواسطة دلوعة_راك

كل واحد ياخذ نصيبه واللي الله كاتبنه بصير اتخيلي انا من راس الخيمة وريلي من بدع زايد يعني من اخر الدنيا بس الله يوم كتب نصيبنا ويا بعض خذيته مع العلم لا من الاهل ولا انعرفة وعلى قولت عمتي بنت المشرق للمغرب وبنت المغرب للمشرق فسبحان الله دوري على مهلج ولا تستعيلين لانه هذا زواج

صدقج والله،،اهم شي الواحد مايستعيل ،،حتى نحن قلنا له هالشي
ومثل ماقلتي كل واحد ياخذ نصيبه والي الله كاتبه،،مشكورة فديتج

**سوكه** · 2008-04-17, 10:06

انزين قوليلنا من اي اماره وسامحيني على هالسؤال وكم عمره وشهادته وشو يشتغل عندي عرايس حقه مب بس عروس؟؟

**نعنوشة** · 2008-04-17, 10:12

المشاركة الأصلية كتبت بواسطة سوكه

انزين قوليلنا من اي اماره وسامحيني على هالسؤال وكم عمره وشهادته وشو يشتغل عندي عرايس حقه مب بس عروس؟؟

ها جاني سمعت عندج عرايس مب الا عرووووووووس

نحن الله يسلمج من بوظبي ،،

**m@rzouqia** · 2008-04-17, 10:29

هلا اختييه..

انزين ماقلتيلنا..

شو مواصفات أخووج يعني؟^^

يشتغل ولا ما يشتغل؟

عسب أي وحدة تعرف أي حد عنده بنات يخبرونج ويمكن انتو بعد تطلعون تعرفون هالناس وتاخذون منهم..!!

أما لو كنتي محطية في بالج تاخذين له وحدة عن طريق النت.. فما أحبذ..

لأنه ماتكونين تعرفينها عدل أولاً

وثانياً.. أحسن إنج تكونون عالأقل تعرفون شي عن أهلها..

وبالتوفيج لج ولأخوج..

وعقبالج^^

**نعنوشة** · 2008-04-17, 10:39

m@rzouqia

مشكورة ع التواصل والرد

لاااا اختي نحن ضد الزواج عن طريق النت

وانا كان هدفي لما نزلت الموضوع عسب كل وحدة تقوول لنا

شلون خطبت لاخوانها سواء كان في نصيب ولا لا ،،

**نعنوشة** · 2008-04-22, 17:37

وين الباقي،،خبرونا كيف خطبتو لاخوانكم

**بنت الوفا** · 2008-04-17, 10:40

الله يوفقكم وتحصلوله الزوجه الصالحه ان شاءالله .... بس بعد دوروا خبروا معارفكم هلكم من بعيد ولا قريب وربيعاتج وهم بينعتونكم على الاخيار والله يكتب اللي فيه الخير والبركة والنصيب .... ولاتنسون الاستخارة ولا خاب من استخار

**ME_ME** · 2008-04-17, 10:49

ههههههههههههههههه ضحكتوني انتي وامج والله رهيبااااات هههههههههههههه

نحن شراتكم يوم اخوي قرر يتزوج قال مابا من العايله

بدت رحلة البحث.. قمنا نبحث ونبحث ونبحث ونبحث الى مالا نهايه

في الاعراس نفحص البنات فحص لان هو حاط مواصفات خاصه شوي ههههههههههههههه

عاد امي تسالنا انا وخواتي هاا شورايكم بهاي نحن لالالا مب ستايل محمد

انزين وهاي نحن لالالا هو مايباها جيه نسيتي ولاشو خخخخخخخخخخخ

انزين هاي والبنت يالسه فأمان الله عند امها جان يتفقون عليها حليلها هههههههههههههه

يوم ردينا البيت قلناله شفنا وحده جيه وجيه وجيه جان يتشوق الاخ قال توكلوا ههههههههههه

عاد الوالده كملت المهمه والحمدلله شافها وعيبته وهي نفس الشي

والحين متزوجين من سنه الحمدلله وعندهم بنوته قمررررررررررررررررررررررررررررررررر

**السكوت ارح** · 2008-04-17, 10:54

كل شي نصيب اختي ,, و الله يوفق كل اللي ناوي يعرس و يكمل نص دينه ويسهل الامور وعقبال العاوزيــــــــــن

**راعية الظبي** · 2008-04-17, 11:02

الله يوفقه بالي يختارها ويسر اموره ويجعلها قرة عين له

**أم منــصور** · 2008-04-17, 11:17

الله يعينكم و يعينا وياكم اقري القصة الاخيره من بعد سلسلة عذاب مع اخوي

اقري و اضحكي علينا عشان اتعرفين نحن مب اقول منكم فالعذاب

http://www.uaewomen.net/showthread.php?t=225057

**العنيـــدة** · 2008-04-17, 11:30

سبحان الله الي من راس الخيمه وصلن بدع زايد عيل مابنيئس وبندور لخوانا المشكله اذا الاهل مصممين ماياخذون الا من الاهل مايطلعون برى شوة يسون والشباب مايون من العايله ؟؟

الله يعينا والله انه تعب

**عربية حرة** · 2008-04-17, 11:31

الله يوفقكم و تلقوا له زوجة صالحة تسر قلبه و خاطره و تعينه على أمور دينه و دنياه

موفقين في بحثكم

الموضوع: رحلة البحث عن زوجة أخ

أدوات الموضوع

عرض

العرض المتطور

رحلة البحث عن زوجة أخ

المزيد من آخر المواضيع من نفس القسم:

المواضيع المتشابهه

رئيس بتسوانا يطلب من الحكومة البحث له عن زوجة

رحلة البحث عن زوجة أخ ...

رحلة البحث عن الكرك

•·.·´¯`·.·•رحلة البحث عن الكنز•·.·´¯`·.·•