بتشجيعكن ونصايحكن ان شاء الله بحقق اللي ابغيه

[شيوخ البدو]

مرحبا بنات

اشحالكم بنات

خواتي الكريمات اباكم تشجعوني لازم اضعف وغير من حياتي ،، ابا اجدد في حياتي واكسب زوجي واكون احلى وحدة في حياته

قبل ما اعرس كان وزني 92 وطولي 165

وبشكل عام كان جسمي زين ،، لانه طبيعة جسمي عريضة

بس مع الايام وصل وزني حاليا 106 بسبب حبوب هرمون الحليب اللي خذتهن

والحين لازم انزل وزني >>> علشان ربي يكتبلي الحمل ويرزقني بالذرية الصالح انا وكل محرومه ،،
وفعلا بديت الشارك في النادي واللعب رياضة والحمد الله وان شاء الله الالتزم

ومشكلتي الباجية في الاكل

وان شاء الله بحاول التزم

وشوفوا ريوقي اليوم

حليب مع سكر الفواكة
+ خبز رقاق + لبنه .


الضحى ماي + نسكافية ( قليل الدسم )

الغدا

تكة مشوية ( لاني في الدوام ) + خبز

والعشا

بسويلي سلطة مع روب .

شو رايكم


وشجعوني اني استمر وانا كل يوم بخبركم بيومياتي .


وهيه صح افكر اخذ حبوب من الدكتور نيوترشن

وعندكم الصلاحية انكم تهزبوني اذا لخبطت

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فنونة99]

موفقة الغالية الله يسهل عليج ويوفقج
ويرزقج بالذرية الصالحة آآآآآآآآآآآآآآآآآآآآمين

[أغلا أموسه]

موفقه انشاالله بس اهم شي الأستمرار
لأن فبدايه الريجيم تنزلين كيلويين بكل سهوله
طبعا هذا كله ماي الجسم
بس عقب يبدا التحدي
يله نحنا بنتابع يومياتج .. وجاهزين للهزاب

[الامارات999]

الغالية هذا رجيمج ابدا موووول مب صحي


يعني انتي كم كيلو تبين تنزلين

وانا بعطيج نظام ينزل على حسب كم كيلو تبين تخفين


رجيم حلو وصحي

[مسك دبي]

يا سلام ع اللي بيسوون رجيم

عطوني اللي بتعقونه انا يبالي 10 كيلو ازيد ههه

[شيوخ البدو]

مشكورات خواتي

الامارات 999

انا ابا انزلين حاليا 10 كيلو

وعقب 10

[شيوخ البدو]

بنات خربت العشا
طلب ريلي شوربة وسويها له وشربت منها ،،

\وفليل يايبن البنات خبز (سمون ) وسلطة وولبنة وعصير وقمت وتعشيت وياهن >>> استاهل الهزاب ..


واليوم ريوقي 2 سندويش
وكوب حليب

[شيوخ البدو]

لا الغالية مشكورة

اخاف من هالحبوب على كثر ما اسمع عنها

[الامارات999]

الغالية كم كيلو لازم تنقصين عشان توصلين الوزن المثالي

[مسك دبي]

اشحقه اتخربين الرجيم؟

يوم انج تبين تضعفين لازم اتكون فيج اراده ومن نفسج تبعدين عن هالاكل

يوم بتشوفين انج اشتهيتي الشوربه سيري شربي بدالها ماي

يوم اتشوفينهن ياكلن الصمون سيري هاتيلج تفاحه خضرا وكليها ابركلج

هذا كله بيشبعج وماعليج من المغريات اللي اتشوفينها

فكري بعمرج كيف بتكونين رشيقه عقب واتخيلي كيف الفساتين والبدل يطلعن حلوات عليج

وخلي ريلج يطيح ع بوزه

بين الوجبات يوم بتشوفين انج يوعانه كليلج تفاح خضر

[مسك دبي]

انا قبل عندي هنتين اهزبهن يوم يتمن ياكلن الحلويات والاشياء اللي اتمتن وهن يبن يضعفن

والحين لقيتلي وحده ثالثه هههه

[شيوخ البدو]

صدقج والله اني غطانة ومب ويه رجيم ورشاقة ،، وما استحي يغلبني الاكل ،، والله اني ما استحي ..

بس شو اسوي يوم اكون يوعانة اشتهي كل شيء ،، ويوم أكل اتندم ..

توب توبه >>هزبيني علشان احس حد وراية وما اخرب .

المهم البارحة تعشيت::-
شوربة ..وسندويش جبن وسلطة . وكوب حليب مع سكر الفواكة .





وطبعا العصر سرت النادي ولعبت رياضة .>>>> حطي تحتها ألف خط ذبحتنا هالمدربة ما شاء الله عليه .


واليوم الصبح تريقت ::-

شربت على الريج كوب ماي

وكلت عقب ساعة تقريبا حبتين من حبوب الدكتور نيوترشن ..

كوب حليب قليل الدسم مع سكر الفواكة ..

و2 سندويش جبن سمون ( لانه الخبز الاسمر خلص عندي اليوم بسير اخذ )

[مسك دبي]

زين جي اباج

شو اتغديتي وشو اتعشيتي؟

[المبدعه]

خلي عندج اراده قوية واصرار وعزيمة واكيد بتضعفين بس كل ماتيوعين اشربي ماي او تفاح او 2 جزر او خيار وممكن بعد حبة شابورة مع شاي او قهوة بدون سكر او تحطين سكر الفواكة الي تستخدمينه او تروبيكانا سلم وموفقة ترى انا بعد اسوي رجيم بس كل فترة اغير والعب رياضة والنتايج واضحة والحمدلله.

[شيوخ البدو]

مسكوكة دبي الحلو ،،

شوفي البارحة سرت لعبت على الاجهزة من الساعة 1 لحد الساعة 2



وعلى الغدا ::-

شربت شوربا قليل دسم (جاهزة بس انتي تصبين عليها ماي )

والعصر::-

كلت قطعة بسكوت بالالياف مع حبة كمثرى <<<كنت ميته يوع ..



والعشا ..

سويت طريقة أكله كل اللي فيها قليل الدسم ،، وعلى ناشف وتلفينها في خبز رقيق حتى ارق عن خبز الرقاق ،، تحصلينه في الجمعية ومكتوب فيه مخصص للرجيم ،،وتعشينها كلنا >> قلت قطعتين منها ..



اليوم الصبح

شربت على الريج

خاشوقة خل التفاح مع كوب ماي دافي الساعة 7

والساعة 8:30 تريقت ..

خبز اسمر مع بيض وخس وطماط <<< لازم احط خضار علشان بشرتي لا تتخترب هع هع هع الله ولا بشرة عاد .
وكوب حليب ابوقوس قليل الدسم مع سكر الفواكة.


ويبت وياية كمترى وتفاحه .. بخليهم للغدا ..

والعصر بسير النادي العب ايروبكس


خلي هذا كله

انا احس عمري بموت .. محبطة وعندي عزيمة ... قهرني ريلي ..

البارحة كنا مجتمعين ونسولف انا وهو وخواته .. وكنا عادي نفرفش مع بعض ..

وجان تنفتح سالفة المتن ..


تعرفن شو قالي ..

قالي انتي مستحيل تضعفين ..انتي بتمين متنيه .. قهرني .. اقسم بالله تميت ساكته حز في خاطري كلامه ..الله يسامحه ...
فالحين لازم اضعف .. ابا ارويه اني اقدر اضعف .. وخصوصاً انه هو نزل من 98 لحد 92 يعني 7 كيلو .. وشكلة الاخ يبا يقهرني ...
فدخيلكن شجعني وساعدني ... لازم اكون في تاريخ 9/5 نازلة اقل شيء 5-7 كيلو ..


المبدعة ،،

ان شاء الله استمر .. لازم احقق هدفي ...وتقدرين تشاركيني يومياتي .. تشجعينا ..

وعندنا ابلة مسك دبي بتراقب الاكل ومدى الالتزام .