مصدومة !!!!!!!!!!!!

[صبورة]

:

salam_allah:

هلا خواتي شحالكم عساكم بخير ..اذابتسألون عن حالي ؟؟؟؟ المؤشر ممحمر للاخر !!!!!!!

والسبب الفاتورة ؟؟ فاتورة الكهربا والماي تصدقون خواتي الشهر الي فات يت الفاتورة 394 درهم لشهر واحد وثنين مبلغ معقول لحد الحين ... اليوم ما اتوع الا راي الكهربة يدق الباب من صباح الله خير يايب الفاتورة وهني الصاعقة والصدمة الكبرى 5868 درهم لشهر مارس فقط !!!!!!!!!!!!!!!! حسبيى الله عليكم انا بعمرى فاتورة الكهربة ما وصلت الالف !!!!!!!!!!!!! شوى استوى؟؟ هذا ونحن الحر الي هو الحر ما ياى بعد
والمكيفات الي بتطبخ ليل ونهار بعدة ما يى دورها !!! اذا الحين جذية عيل شهر ستة وسبع وثمانية كم بتكون الفاتورة في الشهر عشرالاف !!!!!!!
خل يخافون الله فينا هب زيادة معاشات هذي !!!!!!!!!!!!!! خلت كل من هب ودب
يزيد على كيفه ..هذا للعلم استوت فاتورة الماي الحين اكثر من الكهربه !! الله يرحم ايام زمان كانت فاتورة الماي ما تتغير ابد 50 درهم بس لو تنزحين الماي نزح .. لكن ما اقول غير حسبى الله ونعم الوكيل .. اخاف اي يوم نهج من البلاد ونهاجر وما تم فيها غير الاجانب وتستوي بلادنا يونايتد انجليج امرتس !!
والسموحة خواتي بس ما قلت جذيه الا من الحره

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميمي 111]

على ما أظن هذا بسبة نظام الشرائح ..؟؟الله يعينج حبوبه بس يمكن فيه غلط معقوله هالقفزه مره وحده ؟راجعيهم أحسن قبل لا تدفعين ..

[هز الرحيل]

هلا اختي خلي حد يسير لهم ويتأكد من فتره صارت هاي السالفه عندنا مع ييرانا وسار الريال يرااااكض لين ماعدلوه لهم

[baby.baby]

الله ايعينج

[لافاندر]

مستحيييييييييييييييييييييييييييييييل أكيد في غلط ..

ريلي وايد يغللطون معاه حتى اخوانه ويطلعون غلطانين ويعدلووولهم

[أم ريما22]

الله يعينا بنرقعها من وين والا من وين من استوت الزيادة واحنا ما شفنا خير كل شي شاب ضو

[صبورة]

مشكورين خواتي على تفاعلكم .انا خبرت ريلي ويالس يتصل فيهم بس محد يجاوب واذا كانو غلطانين منو يتحمل غلطهم ؟؟ والخشيم يحليله بيدفع وبضيع حقه!!! ونظام الشرائح شو هذا بعد حد عنده فكرة عنه حسب يفيدنا ؟؟؟؟

[8 الهنوف8]

فديتج لا تتسرعي
مثل ماقالن الخواات
روحي ورااجعي وإن شاء الله خير

[كريزي مون]

اختي انتي من اي اماره.؟
نحن بعد هالشهر يايتنا فاتورة الكهربه والماي 4000 وانصدمنا اول مره تينا هالكثر.؟

[um-khalifa]

الظاهر في شي غلط....... مب معقوله توصل الفاتورة فوق ال5000 درهم ... حبيبتي راجعيهم يمكن في غلط في البيانات لا تسكتين عنهم ...... الله يعينج الصراحه .....

[السكوت ارح]

راجعيهم يمكن الغلطمن عندهم
الله يعينج

[أم بيسان]

الله ايعينج

بس انتي من وين اختي لاني انا من عجمان احس انهم وايد يغلطون؟؟؟؟؟؟؟؟؟؟؟؟؟؟؟؟؟

[الحب سرطان]

اكيييد بيغلطوون

لانه الى يقروون العداااداات الى يسموونهم محصليين مايكلفووون عمرهمم ويقروون العدااداات بس يحطووون اى شى من عندهم بلا ضمير او واازع لانه اعلب الى يشتغلوووون مب موااطنيين ويووم تسالينهم يقولح انه اونه البيت كان محد فيه وهوو اصلا مااساار لهم من الاساااس

راااجعيييهم وشووفى منوا المحصل (الى يقرا العدااد ) فى منطقتكم واشتكى عليه

[*فراولة*]

الظاهر انهم شايليين النقطة بعد الصفر على اليمين و شكلها اصلا الفاتورة الصح 586.8

راجعيلهم و سوي تحقيق ...

الله يهديهم ....

[صبورة]

من راس الخيمة