مصدومة !!!!!!!!!!!!

**صبورة** · 2008-04-13, 12:55

:

salam_allah:

هلا خواتي شحالكم عساكم بخير ..اذابتسألون عن حالي ؟؟؟؟ المؤشر ممحمر للاخر !!!!!!!

والسبب الفاتورة ؟؟ فاتورة الكهربا والماي تصدقون خواتي الشهر الي فات يت الفاتورة 394 درهم لشهر واحد وثنين مبلغ معقول لحد الحين ... اليوم ما اتوع الا راي الكهربة يدق الباب من صباح الله خير يايب الفاتورة وهني الصاعقة والصدمة الكبرى 5868 درهم لشهر مارس فقط !!!!!!!!!!!!!!!! حسبيى الله عليكم انا بعمرى فاتورة الكهربة ما وصلت الالف !!!!!!!!!!!!! شوى استوى؟؟ هذا ونحن الحر الي هو الحر ما ياى بعد
والمكيفات الي بتطبخ ليل ونهار بعدة ما يى دورها !!! اذا الحين جذية عيل شهر ستة وسبع وثمانية كم بتكون الفاتورة في الشهر عشرالاف !!!!!!!
خل يخافون الله فينا هب زيادة معاشات هذي !!!!!!!!!!!!!! خلت كل من هب ودب
يزيد على كيفه ..هذا للعلم استوت فاتورة الماي الحين اكثر من الكهربه !! الله يرحم ايام زمان كانت فاتورة الماي ما تتغير ابد 50 درهم بس لو تنزحين الماي نزح .. لكن ما اقول غير حسبى الله ونعم الوكيل .. اخاف اي يوم نهج من البلاد ونهاجر وما تم فيها غير الاجانب وتستوي بلادنا يونايتد انجليج امرتس !!
والسموحة خواتي بس ما قلت جذيه الا من الحره

المزيد من آخر المواضيع من نفس القسم:

**ميمي 111** · 2008-04-13, 12:58

على ما أظن هذا بسبة نظام الشرائح ..؟؟الله يعينج حبوبه بس يمكن فيه غلط معقوله هالقفزه مره وحده ؟راجعيهم أحسن قبل لا تدفعين ..

**هز الرحيل** · 2008-04-13, 12:59

هلا اختي خلي حد يسير لهم ويتأكد من فتره صارت هاي السالفه عندنا مع ييرانا وسار الريال يرااااكض لين ماعدلوه لهم

**baby.baby** · 2008-04-13, 13:06

الله ايعينج

**الحور1976** · 2008-04-13, 16:08

سيروا راجعوهم اكيد في غلط...واذا الفاتوره كانت تدفعها القوات المسلحه من قبل..تراهم منزلين الفواتير ها الشهر علينا...والارقام حدث ولا حرج..احنا يتنا الفاتوره من يومين 7300 ..وانشاء الله باجر ابو العيال ساير لهم..والله يستر علينا وعليكم...من الجلطه!!!طبعا؛؛؛بسم الله على الجميع

**لافاندر** · 2008-04-13, 13:09

مستحيييييييييييييييييييييييييييييييل أكيد في غلط ..

ريلي وايد يغللطون معاه حتى اخوانه ويطلعون غلطانين ويعدلووولهم

**أم ريما22** · 2008-04-13, 13:17

الله يعينا بنرقعها من وين والا من وين من استوت الزيادة واحنا ما شفنا خير كل شي شاب ضو

**صبورة** · 2008-04-13, 13:19

مشكورين خواتي على تفاعلكم .انا خبرت ريلي ويالس يتصل فيهم بس محد يجاوب واذا كانو غلطانين منو يتحمل غلطهم ؟؟ والخشيم يحليله بيدفع وبضيع حقه!!! ونظام الشرائح شو هذا بعد حد عنده فكرة عنه حسب يفيدنا ؟؟؟؟

**ام شامه** · 2008-04-13, 22:09

راجعيهم

والله يعينج

/
\
/

^-^

**8 الهنوف8** · 2008-04-13, 13:19

فديتج لا تتسرعي
مثل ماقالن الخواات
روحي ورااجعي وإن شاء الله خير

**كريزي مون** · 2008-04-13, 13:23

اختي انتي من اي اماره.؟
نحن بعد هالشهر يايتنا فاتورة الكهربه والماي 4000 وانصدمنا اول مره تينا هالكثر.؟

**صبورة** · 2008-04-13, 14:03

من راس الخيمة

**um-khalifa** · 2008-04-13, 13:24

الظاهر في شي غلط....... مب معقوله توصل الفاتورة فوق ال5000 درهم ... حبيبتي راجعيهم يمكن في غلط في البيانات لا تسكتين عنهم ...... الله يعينج الصراحه .....

**السكوت ارح** · 2008-04-13, 13:25

راجعيهم يمكن الغلطمن عندهم
الله يعينج

**أم بيسان** · 2008-04-13, 13:30

الله ايعينج

بس انتي من وين اختي لاني انا من عجمان احس انهم وايد يغلطون؟؟؟؟؟؟؟؟؟؟؟؟؟؟؟؟؟

الموضوع: مصدومة !!!!!!!!!!!!

أدوات الموضوع

عرض

العرض المتطور

مصدومة !!!!!!!!!!!!

المزيد من آخر المواضيع من نفس القسم:

المواضيع المتشابهه

مصدومة من اختي!!

مصدومة خواتي

مصدومة:(

أنا مصدومة

مصدومة من ربيعتي