بغيت رجيم للمرضع ضروري...ساعدوني

**خوخه 22** · 2008-04-11, 16:54

السلام عليكم خواتي..
أنا مربية من شهرين ونص ووزني طبعا زاد من القعدة والأكل الدسم, وأنا أرضع وأبي اسوي رجيم شرط ما يأثر عاى الرضاعة,,وزني 76و طولي 153 لازم أوصل 60 على الأقل ..ساعدوني الله يخليكم لأن مب طايقة نفسي و كل ليلة أصيح.؟؟؟؟؟؟؟؟

المزيد من آخر المواضيع من نفس القسم:

**خوخه 22** · 2008-04-12, 21:15

ساعدوني وردوا علي بللللللللللليز

**أم علاوي55** · 2008-04-12, 21:30

هلا أختي
أول شي إذا تبين تسوين رجيم وتحافظين على الحليب كثري السوائل وقللي الاكل
بكتبلج جدول بسيط

قبل الريوق بساعتين شربي كوب ماي دافي ومعصور فيه حبة ليمونه ها يحرق الشحوم

الريوق خبز أسمر وجبنة المراعي منزوعة الدسم أو بيض مفور +حليب خالي الدسم (الحليب والجن يحافظ على حليبج ما يخليه يقل )
الغدا : صدر ديايه مشوايه أو مفوره وصحن سلطه

إذا يعتي العصر كلي فاكهه صنف واحد

العشا: أي شي مشوي وسلطه

وكثري الماي على الاقل 8 كاسات في اليوم والماي لازم دافي لانه يسد الشهيه
وسوي رياضه ويفضل الصبح

وانشالله أكون فدتج شوي وادعيلي انه الله ربي يحقق اللي في بالي

**أم علاوي55** · 2008-04-12, 21:31

ونسيت ما قولج

الرضاعه الطبيعيه وااااااااااااااااايد تساعد على حرق الشحوم

**اناستازيا** · 2008-04-14, 00:18

تعرفي انالرضاعه تحرق 700 سعره حراريه ..اولا الرياضه ماتصلح لج لانج توج مربيه
بس مممكن المشي ...والاكل خلى اكلج كله خالي من الدسم الحليب والجبن والخبز استبدليه بالاسمر
والعشاء اتعشي بدري واهم شي تشربي شاي اخضر وزنجبيل وااايد زين بغيت اخبرج عن شئ سمعته
بس ماجربته وهي شوربة الملفوف بس دوري عليها في النت لاني ما اعرف مكوناتها بس يقولا انها ممتازه في حرق الدهون والشوربه معروووفه تزيد الحليب ...انشاء الله اكون افدتج...على فكره انا انصحج تشوفي كم سعره تحتاج المرضع وطالعي السعرات الحرااريه في اكلج بهالطريقه بتخففي وزنج ...سوي بحث واكتبي السعرات الحراريه

**اناستازيا** · 2008-04-26, 02:10

.................................................

**ام شمشوومه** · 2008-04-29, 05:07

هلا اختي

شربي شاي الينسون هو يضعف وفي نفس الوقت يساعد في ادرار الحليب
وهذا كلام اخصائية تغذية

**خوخه 22** · 2008-05-11, 16:35

المشاركة الأصلية كتبت بواسطة أم علاوي55

هلا أختي
أول شي إذا تبين تسوين رجيم وتحافظين على الحليب كثري السوائل وقللي الاكل
بكتبلج جدول بسيط

قبل الريوق بساعتين شربي كوب ماي دافي ومعصور فيه حبة ليمونه ها يحرق الشحوم

الريوق خبز أسمر وجبنة المراعي منزوعة الدسم أو بيض مفور +حليب خالي الدسم (الحليب والجن يحافظ على حليبج ما يخليه يقل )
الغدا : صدر ديايه مشوايه أو مفوره وصحن سلطه

إذا يعتي العصر كلي فاكهه صنف واحد

العشا: أي شي مشوي وسلطه

وكثري الماي على الاقل 8 كاسات في اليوم والماي لازم دافي لانه يسد الشهيه
وسوي رياضه ويفضل الصبح

وانشالله أكون فدتج شوي وادعيلي انه الله ربي يحقق اللي في بالي

مشكــــــــــوورة حبيبتـــي عالنصيحة.. ويارب يتحقق اللي ف بالج............

الموضوع: بغيت رجيم للمرضع ضروري...ساعدوني

أدوات الموضوع

عرض

بغيت رجيم للمرضع ضروري...ساعدوني

المزيد من آخر المواضيع من نفس القسم:

المواضيع المتشابهه

تبغي تخسي من 15 الي 20 كيلو في الشهر بدون رجيم يصلح للمرضع والحامل

رجيم للمرضع

ساعدوني أنا أسوي رجيم دكتور نيوترشن ومحتاجة رجيم اليوم الثامن ضروري

رجيم للمرضع؟