أحلى المخاوير ............

**شوق الغلا** · 2006-10-26, 07:10

كل عام وأنتو بخير وعساكم من عواده...

بنات بغيتكم تخبروني عن أحسن محلات المخاوير فالشارجه ...وبعد شو اليديد يعني شوالموضه الحين في انواع الخوار...

بليييييييييييييييز ساعدو أختكم الطمه ...لأني مول ما كنت أحب المخاوير ودوم ألبس بدل ...

يالله عاده همتكم ويايه ..

المزيد من آخر المواضيع من نفس القسم:

**قصايد الهاملي** · 2006-10-26, 07:29

هلااااااااااا

انزين في وايد محلات حلوه ورا سوق القديم صوب المحلات الايراينة متورسه مخلات مخاوير روعه

المهم في محل ف سوق القديم جريب المسيد

اسمه أيوب وعنده موديلات حلوه واسعاره روعه

**بنت بلال** · 2006-10-26, 11:35

الغلا ....:: بوسالم :: .... فرع فريج المرر ... ف دبي ... عنده أشياء رهيبه ...

واسموحه ..

**شوق الغلا** · 2006-10-26, 12:02

قصايد...تسلمين حبيبتي وأشكرج بس أفضل لوتعطيني اسامي عسب ما أتوه لأني من راك ومب وايد أدور فالجديم ...ريلي يكون يالس فالسيارة وما اروم اتحير .

بنت بلال ...ماقصرتي ...بس دبي زحممممممممه أفضل الشارجه شوي أقرب عليه.

**Mazyoonaa** · 2006-10-26, 12:07

هلا الغالية نفس ما قالت الاخت قصايد الهاملي وفي محل اسمه الذكرى وبون ديزايناتهم حلوة تقريبا لاني اصلا ما البس مخاوير

**glass girl** · 2006-10-27, 00:39

السلام عليكم اختي

في راك محل اسمه قلعة جبرين بالشارع الكويتي اذا ما اتعرفينه قوليلي بدليج عليه

عنده شغلات حلوه واسعاره اوكي

**ريمي** · 2006-10-27, 00:47

هلا اختي

في الشارجه محلات وايد (حفظتهم من كثر ما الف عليهم)

الخييايط الحلو كلها عند مسيد بن درويش

اول ما توصلين عن فندق راديسون ساس وانتي من صوب البحر يعني البحر يكون على اليمين تاخذين الدورا يسار وتلاقين الشارع اللي فيه الخييايط على اليسار واذا ضعتي سالي ان اي حد وبيدليج

في هالشارع بتلاقين كل الخييايط

اول شي خياط المشفق احسن خياط يسوي الطبع وهو يسويه في العين وعنده موديلات حلو

وباقي الخييط كلها خوارها حلو وكل خياط موديلاته غير عن الثاني مري عليهم وشوفي

**القمزية** · 2006-10-27, 03:40

انصحج في حي درويش
اللي قالت عنه الاخت

**شوق الغلا** · 2006-10-27, 07:28

المزيونه
جيرل
ريمي
القمزيه

فديكم والله ماقصرتن .

**ديور** · 2006-10-27, 16:20

الغاليه عندي مخاااوير حلوه والاحلى اسعارهم اذا تبين راسليني على الخاص

**كتكوتة الامارات** · 2006-10-28, 13:52

بتحصلين محلات المخاوير

ورا سوق المجرة

هالسوق كله للمخاوير

وان شاء اللي بيعجبج عندهم

وايد موديلات وبالاسعار اللي تبينه

**شوق الغلا** · 2006-10-28, 15:01

ديور..طرشيلي التفاصيل لوسمحتي .

كتكوته...دليت المكان عساج ذخر وتسلمين..

فديكم والله كفيتن ووفيتن .

**القمزية** · 2006-10-28, 15:07

هو نفس السوق اللي تطريه كتكوتة بتتخبلين وايد

**شوق الغلا** · 2006-10-29, 07:09

القمزيه ...

اشكر مرورج واهتمامج ..

**عطوف** · 2006-10-29, 09:55

طرشي لي صور المخاوير على الخاص

الموضوع: أحلى المخاوير ............

أدوات الموضوع

عرض

أحلى المخاوير ............

المزيد من آخر المواضيع من نفس القسم:

المواضيع المتشابهه

حصري ((( أحلى وأكشخ المخاوير والمغربيات..))) حصري ...

أحلى وأرقى المخاوير

قربت المخاوير اتخلص بقرب العيد..أفخم وأحلى المخاوير بأنسب الأسعار..ومع افخم الخامات..