السفر مع الأطفال....مشاركتكم مهمة

[ريشة]

بناء على طلب بعض العضوات حبيت اني استعرض أهم النقاط اللي تواجه معظم الأمهات والعايلات أثناء السفر مع أبناؤهم

بس علشان يكتمل الموضوع أتمنى منكم خواتي كل وحدة تشاركنا خبرتها بالموضوع
الموضوع راح يتقسم على 3 أجزاء

أولا نصايح

ثانيا موقف طريف أو غير طريف

ثالثا: الأماكن الترفيهيه اللي تصلح للأطفال من وجهة نظركم وحسب خبرتكم وفي أي البلدان

نبتدي باسم الله الرحمن الرحيم


باتطرق لموضوع السفر مع الرضع والأطفال لي سن 4 سنوات أولا
طبعا مايخفى على الجميع شقد هالموضوع مزعج ومحرج في نفس الوقت
بالأخص أول ماتبتدي الطيارة تتحرك ويبتدي الطفل يبكي
وشوفي النظرات حواليج كأنج انتي والبيبي مسويين جريمة
بس ملاحظة وحدة على الموضوع هو إن سبب بكاء الطفل هو إما انه خايف هديه وخليه يحس ان انتي معاه
أو غير مرتاح لا تلبسيه ملابس ضيقة وغير مريحة
أو
طبعا عنده انسداد في الأذن بسبب الضغط أثناء الإقلاع والهبوط
والحل سهل هو أنج تكون عندج هالأسلحة جاهزة خخخخخخخ

حليب في الرضاعة

لهاية-Pacifier
وخلي عندج كذا وحدة علشان لو ضاعت أو رماها الطفل

مأكولات خفيفة بسكويت ومشروبات مثل ماي أو عصير في كاسات خاصة لأطفال

وأي لعبة يحبها وايد

طريقة الهجوم خخخخخخخخ

اقناع الطفل باسلوب حلو بربط الحزام بدون تعصيب حتى لو عاند
لا توصليه لمرحلة البكاء
بعدها من تبتدي الطيارة في الإقلاع خليه يشرب أي شي مثل الحليب أو العصير أو الماي
والهدف هو فتح قنوات الأذن المسدودة بسبب الضغط
حاولي ماتشبعي الطفل قبل الصعود بالأخص الرضيع علشان يتقبل الأكل والشرب في فترة الإقلاع
وطبعا حاولي تسولفي معاه أو تلهيه بلعبته في هالفترة
هالطريقة مجربة ومضمونة 100%
وتجنبج نظرات المسافرين وتعليقاتهم

للأطفال اللي شوي أكبر خلي كل واحد عنده شنطة صغيرة يحملها على ظهره فيها كل مايحب من ألوان وألعاب الكترونية
يقدر يلعب فيها بمجرد الصعود على الطائرة وبعض شركات الطيران موجود فيها وسائل ترفيهيه حتى على الدرجة السياحية

أثناء السفر
أسوأ شي ممكن يصير هو ان طفلج يضيع
وعلشان تتجنبي هالموقف خلي اسم ورقم الفندق على رسغ الطفل مثل الشريط اللي يحطوه بالمستشفيات
ولو كان شوي أكبر خلي عنده بطاقة الفندق مع الأرقام
وإذا أمكن خلي عند أكبر العيال موبايل بالأخص لو افترقوا عنكم للعب أو لأي سبب ثاني
ولو كانوا عيالج أعمارهم مختلفة
الطريقة هي ان كل فرد من العايلة يكون مسؤول عن طفل واحد
مثلا الأم معاها بنتها
والأب معاه ولده
والأبن الأكبر معاه أخوه الصغير
وكل واحد يكون مسؤول عن الشخص اللي معاه طول فترة الرحلة علشان بعدين تتجنبي ان كل واحد يلقي اللوم على الثاني
لو ضاع حد من الصغار


حاولي توازني بين التسوق واللعب
لا تنسي نصيبهم من الرحلة
ولو حبيتي تتسوقين انقسموا اللي يحب السوق يروح مع ماما... وبابا معاه اللي يحب اللعب
وممكن تكونوا في نفس المكان وبينكم اتصال بالموبايل
أهم شي انج تفكري إن الطفل ماعنده نفس الطاقة اللي عند الشخص الكبير
لو في مسافات بعيدة للمشي اقترح عربة الأطفال مع ان نقلها متعب بس راح توفر عليج جهد وتعب حمل الطفل
وطبعا مثل ما كل الأمهات يعرفون انها وسيلة حلوة لحمل أكياس التسوق

لو توفر حوض سباحة في الفندق دايما كوني مع العيال أو ابوهم معهم بس لا تخليهم لحالهم أبدا

ومهم طبعا قبل الخروج من الفندق الزيارة الأخيرة للحمام الله يعزكم
مافي شي اسوأ من إن ولدج في عز الوناسة يخبرج انه يبي يقضي حاجته
بعض الأطفال يعاندون في موضوع الحمام حاولي تقنعيهم بأي طريقة

لا تخلين عيالج ياكلوا أطعمة مكشوفة من أماكن مشبوهه أكره شي المرض في السفر

للرحلات البرية البعيدة بالسيارة خلي دايما عندج
مخزون من الشيبس والعصاير والمأكولات الخفيفة
مع ملاحظة التقليل من شرب السوائل (لعدم توفر الحمامات في كل مكان)
وسائل ترفيهية...
PSP
Game boy
ipod

علبة اسعافات أولية للطوارئ

مناديل معقمة

ومن أهم النقاط انج دايما تشاركي الطفل في كل شي وتعطيه شوية مسؤولية
بتلاحظي انه راح يهدأ
مثلا عند الإستعداد للخروج من الفندق
في الليل كل واحد يطلع له اللبس اللي يعجبه
في الصباح يلبسوا ملابسهم بنفسهم
وطبعا مع متابعة منج
وترتيب ملابسهم بعد الرجوع للفندق وعزل الملابس المتسخة في أكياس
ولو كان العيال صغار طبعا لازم انتي تكوني مسؤولة عن كل شي
لو كانت معاج شغالتج أكيد راح يخف الضغط

لو كنتي ماخذه شقة راح يكون غسيل الملابس سهل في نهاية اليوم جمعي كل الملابس شغلي الغسالة وخلي العيال يساعدوج في نشر الغسيل.
لو كنتي في فندق وماتوفرت الغسالة سدي المغسلة واستعمليها للغسيل
وطبعا لاتنسي تاخذي معاج كمية معقولة من مسحوق الغسيل مع انه بيكون متوفر في معظم الدول
وعلى فكرة بعض البلدان الغسيل في الفندق يكون رخيص
توفري على نفسج المجهود والتعب

موقف طريف : عندي موقف وايد طريف بس استحي اقوله
خخخخخخخخخخخخخخخخخخخخ
يمكن اتشجع بعدين وأقوله

موقف سيئ: غرقت في بركة السباحة فيPenang لما كنت صغيرة خخخخخخخخخ
والله لحد هاليوم وأنا متعقدة

الدول اللي تصلح أكثر شي للأطفال اظن انها ماليزيا واستراليا
بالنسبة لأحلى الأماكن في العالم للعب اللي انا حبيتها هي


ديزني لاند ....أورلاندو فلوريدا...أمريكا



Six flags -آرلنغتون – تكساس – أمريكا



Madurodam -المدينة المصغرة هولندا (مقاطعة)



Vienna Prater -مدينة الملاهي في فيينا- النمسا



Europa-Park-المانيا



Alton Towers -بريطانيا



WarnerBrothers- Movie world غولد كوست- استراليا



Puzzling world -واناكا- نيوزيلنده



Science Museum-ملبورن- استراليا



القرية العالمية في دبي
النادي العلمي والمدينة الترفيهية-الكويت



احتفالات هونغ كونغ بالسنة الصينية الجديدة
المواكب وعروض التنين



Tatelya-مدينة ترفيهية مغطاه -تركيا



Sunway Lagoon-ماليزيا



Fantasea - بوكيت- تايلند



بس الملاحظ ان الصغار أكثر شي يحبوا الحيوانات
لا تنسي زيارة لل Zoo
حدائق الحيوان موجودة في معظم بلدان العالم
وركوب الأفيال في تايلند
ومسيرة الأفيال وميتم الفيلة في كاندي
سريلانكا
ورؤية القرود في ماليزيا


Dream world-غولد كوست-استراليا
رؤية الكنغر والكوالا


وفي الألعاب المائية
Sea world Nara
غولد كوست-استراليا


واحواض السمك الكبيرة
Aquarium

موجودة في معظم بلدان العالم




وهذا كل اللي خطر على بالي
انتظر مشاركتكم عزيزاتي ولا تبخلوا علينا بتجاربكم ومواقفكم
واتمنى للجميع رحلات سعيدة وممتعة

المزيد من آخر المواضيع من نفس القسم:

• تريد ان تسافر ولا تملك من يهتم بعقارك فنحن...
• اهم مميزات السياحة في ارمينيا
• تحذير نصب واحتيال شركة سياحية في دبي -...
• اجمل مدن سياحية في انجلترا
• كيفية ترتيب حقيبة السفر
• نصائح هامة قبل السفر الى بودابست
• نصائح مفيده لتسهيل السفر مع الاطفال على...
• اجمل الاماكن السياحية في كوريا الجنوبية
• اجمل الاماكن السياحية للسفر في فصل الخريف
• تقرير شامل عن السياحة في أذربيجان

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[el 7aboba]

ما شالله عليج ريشه كفيتي ووفيتي

مشكوره على المعلومات المفيده

بالنسبه لي هالسنه اول سنه اودي بنتي معاي ومن الحين احاتي لاني اعرف انها بتلعوزني لانها صغيرونه عمرها 9 شهور

[ريشة]

ما شالله عليج ريشه كفيتي ووفيتي

مشكوره على المعلومات المفيده

بالنسبه لي هالسنه اول سنه اودي بنتي معاي ومن الحين احاتي لاني اعرف انها بتلعوزني لانها صغيرونه عمرها 9 شهور

الله يكون بعونج حبيبتي إن شاء الله تتيسر رحلتكم
وأهم شي نظمي مواعيد نومها
أختلاف الوقت وتعب الرحلة يأثر على الكبير فما بالج بالصغير
الله معكم

[جهوريه]

بسم الله وما شاء الله شو بقيتيلنا راااااااااااائع جدا طرحك للموضوعانا رحت ماليزيا وكنت حامل ومعاي اربعه عيال ماتعبنا وايد واستانسنا بس ما كان عندي رضيع اصغرهم كان اربع سنوات وهالسنه ان شاء الله بنسافر بس ويا خمسه اصغرهم 3سنوات وننتظر منك المزيد من النصايح الحلوه

[ميرة صغيرة]

كفيتي ووفيتي

في وحده من العضوات منزله موضوع في قسم الطفل عن السفر مع الاطفال فيه تجارب العضوات مع اطفالهم يستحق الزياره

[ذويقة]

مشكورة حبيبتي ع الموضوع وحبيت اعلق وازيد

انا اختلف وياج في اول نقطة وهيه لا تشبعين اليهال لا والف لا شبعيهم واكليهم واللي يرضع رضعيه في المطار وقبل الطيارة وافتكي ليش.............زعشان الطيارة اكلها ما يعتمد عليه اغلب اكلهم عيالنا ما ياكلونه .........بعدين ممكن الطيارة مثل السيارة ممكن ترقد الياهل ويدوخ ويرقد بلا اكل وكل حين بينش وبيكون نومه متقطع....عشان كذه اكليه قبل ودخليه حمام المطار انظفلج واوسعلج.........واول ما تقلع الطيارة عطي البيبي مرضعة ماي يمصها او ملهيه والاكبر شوي لبان او مصاص

خلي دايما معج شنطة فيها لبسهم الاحتياط اذا وسخو او استفرغوا لا قدر الله في الطيارة.......ماي .....رضعه...جاكيت اذا بتسيرون منطقه بارده لانه بتلبسينهم في المطار

اذكر قالولنا اوروبا قبل سنتين حر وموت .......ولاتاخذون الا ملابس صيفية ......انا خليت الجاكيتات احتياط في شنطة اليد والحمد لله اني خذتهم لاني اكثر سي استخدمته . وعلى طول لبستهم في المطار ....الجو متقلب وما تظمنين ....

بكمل عقب

[الأريام]

تسلمين الغالية
مشكوره وماقصرتي
انا سفرتي الاخيره كانت فماليزيا ويا عيالي الاثنين بس هم صغار(سنتين ونص و 8 شهور)
خذت معاي عربانه بو نفرين ريلي اشترالي اخف وحده انا كنت ادور الحلو وهو يدور الخفيف
وكنت شاله ملا بس زياده علشان ما اغسل ثيابهم اهناك...
وخذت المراضع اللي داخله اكياس بلاستيك عشان ما اغسلهم ومن يشربون رضعتهم افر الجيس واغسله المصاصه بماي الحار
وانا اجز من الحمامات فكنت ماخذه معاي النايلون اللي يتربع للتغير من بيبي شوب عشان اغيرلهم في اي مكان على الكرسي واخلي ريلي يغطي واكون شاله معاي اكياس معطره احط فيه البامبرز بعد استعماله...

هذا اللي اذكره وان شاء الله لي رجعه

[ريشة]

بسم الله وما شاء الله شو بقيتيلنا راااااااااااائع جدا طرحك للموضوعانا رحت ماليزيا وكنت حامل ومعاي اربعه عيال ماتعبنا وايد واستانسنا بس ما كان عندي رضيع اصغرهم كان اربع سنوات وهالسنه ان شاء الله بنسافر بس ويا خمسه اصغرهم 3سنوات وننتظر منك المزيد من النصايح الحلوه

مشكورة حبيبتي وسفرة سعيدة إن شاء الله

[ريشة]

كفيتي ووفيتي

في وحده من العضوات منزله موضوع في قسم الطفل عن السفر مع الاطفال فيه تجارب العضوات مع اطفالهم يستحق الزياره

مشكورة ميرة وإن شاء الله تعم الفائدة على الجميع

[ريشة]

مشكورة حبيبتي ع الموضوع وحبيت اعلق وازيد

انا اختلف وياج في اول نقطة وهيه لا تشبعين اليهال لا والف لا شبعيهم واكليهم واللي يرضع رضعيه في المطار وقبل الطيارة وافتكي ليش.............زعشان الطيارة اكلها ما يعتمد عليه اغلب اكلهم عيالنا ما ياكلونه .........بعدين ممكن الطيارة مثل السيارة ممكن ترقد الياهل ويدوخ ويرقد بلا اكل وكل حين بينش وبيكون نومه متقطع....عشان كذه اكليه قبل ودخليه حمام المطار انظفلج واوسعلج.........واول ما تقلع الطيارة عطي البيبي مرضعة ماي يمصها او ملهيه والاكبر شوي لبان او مصاص

خلي دايما معج شنطة فيها لبسهم الاحتياط اذا وسخو او استفرغوا لا قدر الله في الطيارة.......ماي .....رضعه...جاكيت اذا بتسيرون منطقه بارده لانه بتلبسينهم في المطار

اذكر قالولنا اوروبا قبل سنتين حر وموت .......ولاتاخذون الا ملابس صيفية ......انا خليت الجاكيتات احتياط في شنطة اليد والحمد لله اني خذتهم لاني اكثر سي استخدمته . وعلى طول لبستهم في المطار ....الجو متقلب وما تظمنين ....

بكمل عقب

أول شي سعيدة جدا حبيبتي بمشاركتج وفي نقاط وايد حلوة قلتيها وفعلا مهمة
بالنسبة لنقطة الإشباع أنا اتفق معاج الف بالمئة لطفل غير رضيع مايصلح تأكليه من الطيارة لأن أكلهم فعلا مايصلح الأفضل انج تشبعيه قبل ومثل ماقلتي راح ينام
بس بالنسبة للأطفال الرضع مش كلهم نفس الشي
بعض الرضع لما يكون شبعان تماما يرفض انه يتقبل أي شي ويواصل في بكاء مستمر حتى انه يرفض الماي أو اللهاية
والهدف هو انج تسكتيه في فترة الإقلاع فلما يكون جوعان شوي راح يتقبل الأكل أو اي شي ثاني يمصه
طبعا كل بيبي يختلف عن الثاني ويعتمد كيف الأم معودته

انتظر منج المزيد حبيبتي وانتظر التكملة

[ريشة]

تسلمين الغالية
مشكوره وماقصرتي
انا سفرتي الاخيره كانت فماليزيا ويا عيالي الاثنين بس هم صغار(سنتين ونص و 8 شهور)
خذت معاي عربانه بو نفرين ريلي اشترالي اخف وحده انا كنت ادور الحلو وهو يدور الخفيف
وكنت شاله ملا بس زياده علشان ما اغسل ثيابهم اهناك...
وخذت المراضع اللي داخله اكياس بلاستيك عشان ما اغسلهم ومن يشربون رضعتهم افر الجيس واغسله المصاصه بماي الحار
وانا اجز من الحمامات فكنت ماخذه معاي النايلون اللي يتربع للتغير من بيبي شوب عشان اغيرلهم في اي مكان على الكرسي واخلي ريلي يغطي واكون شاله معاي اكياس معطره احط فيه البامبرز بعد استعماله...

هذا اللي اذكره وان شاء الله لي رجعه

ماشاء الله عليج أختي فعلا استفدت منج وايد

[ميرة صغيرة]

الحمدلله عيالي كبار اصغرهم 7 سنين والسنه الي طافت اول مره يسافرون بالطياره لماليزيا يحليلهم من كثر الفرحه بالسفر يومين كان نومهم متقلب ويوم السفر مصصحين من الفجر ومن ارتفعت الطياره اتلفت على عيالي وخششششششششششش في سابع نومه كانو هلكانين حتى ما تعشو بس الفطور صحصحيتهم لان كان باقي ساعه وبنوصل عشان يوضبون نفسهم كان حالتهم حاله

ما عندي شي افيدكم فيه *-*

[ذويقة]

رجعتلكم

كلامج صح اختي ريشه .....وكل ياهل وطبايعه مثل ما قلتي:

انا افضل دوم الشقه للعايلة والسياره وطبعا ااخذ معي....كرتونه فيها كيس عيش ابو 10 او 5كيلو اللي ايي فيه سحاب...طبعا الكميه حسب العايلة...معلبات فول وفاصوليا نوتيلا جبن قلاصات مااظمن جبنهم حق اول يومين صمون وساعات خبز افرزنه على طول اول ما نوصل وعقب كل يوم الصبح ناخذ كمن حبه منه شويه عسل ........واهم شي جدر العيش مب كبير وايد ولا صغير وووووااااااااااااااااااايد ينفع لليهال

الاكل من برع يسوي مشاكل خاصة لليهال وبعدين اكل الفنادق مب دوم ع المزاج انتي وحظج.... ومكدونالدز والثانين كل يوم تنمل.....انزين يايه من برع وعيالج يواعا شو بتسوين ......هاي السوالف واايد اتفيد



انا انش كل يوم الصبح وانا اسوي الريوق <<<<<<<<<< عااااااااااااااد لاتحسبون بوفيه...خبز وجبن ....اسوي معه شويه عيش عقي في الجدرالكهربائي شويه عشي وماي هوكاتبلج كل شي وروحه بيسكر عليه..............ماشي اسهل منه........ وااكون ماخذه وياي العلب البلاستيك اللي تحمل الحراره من يزهب العيش غرفت اشوي في العلبه البلاستيكيه وروب وخليتهم في الشنطة اللي ما تفارجني ابدا وفيها طبعا غياراتهم وبامبرز,,, ... شوي فواكه وبسكوت

لوكنتي ما بترجعين البيت قبل العصر العيش اللي عندج في الشنطة بيفيد اليهال الكتاكيت وشوفي اذا فيه مطعم عنده شوربه ولا اكل اسلامي .....زيديه عالعيش

اليهال صح متعبين بس ماتحلى السفرة بدونهم بس خلي يكون لج سعة صدرويساعدج ابوهم وطبعا لو شغاله موجوده افضل واوووووووويد

الاخت اللي قالت العربانه التوأم مادري انا مول ماافضلها احسها كبيرة وتاخذ مكان ومب اي باب ادش منه يعني لعوزه انا اخذ ام نفر واصغر شي ويقدر الياهل يرقد فيه
ومكن تاخذ مثل اللوح البلاستيك عشان الياهل يركب عليه من الخلف لو لقيت صورة بنزلها

الادويه لليهال وايد مهمه ادول او كالبول ...تحاميل.. دوا كحة... وزكام ...ادويه الربو اذا الياهل فيه...

شنطة الطلعه مالهم خلي فيها الاشيا الضروريه فقط لانه بتم عندج طول اليوم هيه والعربه ...

اذا ذكرت شي برجع اكتبه منتظره مشاركاتكم ومشكوره اختي ريشه ع الموضوع الحلو

[ريشة]

رجعتلكم

كلامج صح اختي ريشه .....وكل ياهل وطبايعه مثل ما قلتي:

انا افضل دوم الشقه للعايلة والسياره وطبعا ااخذ معي....كرتونه فيها كيس عيش ابو 10 او 5كيلو اللي ايي فيه سحاب...طبعا الكميه حسب العايلة...معلبات فول وفاصوليا نوتيلا جبن قلاصات مااظمن جبنهم حق اول يومين صمون وساعات خبز افرزنه على طول اول ما نوصل وعقب كل يوم الصبح ناخذ كمن حبه منه شويه عسل ........واهم شي جدر العيش مب كبير وايد ولا صغير وووووااااااااااااااااااايد ينفع لليهال

الاكل من برع يسوي مشاكل خاصة لليهال وبعدين اكل الفنادق مب دوم ع المزاج انتي وحظج.... ومكدونالدز والثانين كل يوم تنمل.....انزين يايه من برع وعيالج يواعا شو بتسوين ......هاي السوالف واايد اتفيد



انا انش كل يوم الصبح وانا اسوي الريوق <<<<<<<<<< عااااااااااااااد لاتحسبون بوفيه...خبز وجبن ....اسوي معه شويه عيش عقي في الجدرالكهربائي شويه عشي وماي هوكاتبلج كل شي وروحه بيسكر عليه..............ماشي اسهل منه........ وااكون ماخذه وياي العلب البلاستيك اللي تحمل الحراره من يزهب العيش غرفت اشوي في العلبه البلاستيكيه وروب وخليتهم في الشنطة اللي ما تفارجني ابدا وفيها طبعا غياراتهم وبامبرز,,, ... شوي فواكه وبسكوت

لوكنتي ما بترجعين البيت قبل العصر العيش اللي عندج في الشنطة بيفيد اليهال الكتاكيت وشوفي اذا فيه مطعم عنده شوربه ولا اكل اسلامي .....زيديه عالعيش

اليهال صح متعبين بس ماتحلى السفرة بدونهم بس خلي يكون لج سعة صدرويساعدج ابوهم وطبعا لو شغاله موجوده افضل واوووووووويد

الاخت اللي قالت العربانه التوأم مادري انا مول ماافضلها احسها كبيرة وتاخذ مكان ومب اي باب ادش منه يعني لعوزه انا اخذ ام نفر واصغر شي ويقدر الياهل يرقد فيه
ومكن تاخذ مثل اللوح البلاستيك عشان الياهل يركب عليه من الخلف لو لقيت صورة بنزلها

الادويه لليهال وايد مهمه ادول او كالبول ...تحاميل.. دوا كحة... وزكام ...ادويه الربو اذا الياهل فيه...

شنطة الطلعه مالهم خلي فيها الاشيا الضروريه فقط لانه بتم عندج طول اليوم هيه والعربه ...

اذا ذكرت شي برجع اكتبه منتظره مشاركاتكم ومشكوره اختي ريشه ع الموضوع الحلو

يسسسسسسسسسسسسسسسسسسس
هذي النصايح الحلوة
أفكر نهاية الموضوع أعطي وسام لأفضل أم مسافرة
شكلج راح تحصليه من الحين اختي ذويقة
ماشاء الله عليج

[ريشة]

الحمدلله عيالي كبار اصغرهم 7 سنين والسنه الي طافت اول مره يسافرون بالطياره لماليزيا يحليلهم من كثر الفرحه بالسفر يومين كان نومهم متقلب ويوم السفر مصصحين من الفجر ومن ارتفعت الطياره اتلفت على عيالي وخششششششششششش في سابع نومه كانو هلكانين حتى ما تعشو بس الفطور صحصحيتهم لان كان باقي ساعه وبنوصل عشان يوضبون نفسهم كان حالتهم حاله

ما عندي شي افيدكم فيه *-*

يحلييييييييييييييلهم
الله يخليهم لج إن شاء الله
ويرزق الجميع بعيال هاديين يارب
عيال هذي الأيام ماشاء الله عليهم كل واحد عن 10