ربما سخيف

[مغرمة aأآ]

بنات حابة استيشيركم في موضوع ربما للبعض سخيف ..

شو رأيكم بعباءة الراس ؟ اقصد هل هي مريحة ؟

و إلا إقولكم كل شيء نسويه للأجر الله بريح عباده فيه .. قولولي ينفع عباءة راس بدون ما غطي وجهي ؟

شاركوني القرار و إن شاء الله 90% بلبسها ..

و جزاكم الله خيراً على المشورة مقدماً ..

المزيد من آخر المواضيع من نفس القسم:

• من مظاهر التسامح الإسلامي الرحمة
• الصدقة وعلاقتها بالجهاد والنصر
• الهداية والثبات عليها
• الرحمن الرحيم جل جلاله
• الرحمة من لا يَرحم لا يُرحم
• العنف الاسري وقانون 10 لسنة 2019 الصادر...
• يعود ظهره طبقاً واحداُ
• الصحابة معجزته صلى الله عليه وسلم
• التسامح والرحمة في الإسلام
• صلة الرحم السعادة المهجورة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هنوده1]

هيه فديتج مريحه ما فيها شي في وايد حريم ما شا الله عليهم من زمان يلبسونه ومرتاحين عليه والله يوفقج عزيزتي

[دانة ذهبية]

أنا ودي بعد ألبسها
لازم الواحد يلتزم باللبس الشرعي ^^
و الله يوفقج

[law]

والله أحسن لج انا خاطري البس عباه ع راس بس الله يغربل الشيطان قاص عليه بس إذا ناويه تلبسينها لبسيها والله تحسين بأحتشام اكثر عن العباه ع الكتف وبالنسبه ع سالفه تغطين ويهج اشوف احسن يعني عشان تكملين الأحتشام والله يهدينا يااااااااااااارب

[ظبية الامارات]

اتوكلي ع الله اختي الغاليه ,, انا وايد وجد افكر اخلي العبايات المزركشه للمناسبات والاعراس والعزايم بس ,,

والبس عباه ساده للسوق والاماكن العامه ,, اتوكلي عالله دام شي مقتنعه فيه وتبين رضا رب العالمين ,,

[دهمانية]

انالابستها واحس شكلي وااااااااااايد فنان كان

بس للأسف احس صعب البسها في الجامعه اتبهدل وايد لكن في الاسواق وجي بالعكس كششششششششخه

انا الحين البس في الجامعه وحده واااااااااسعه نفس عباة الراس بس على الكتف

وانا اقولج توكلي والله بيسر

واحلى شي انج بطبقين شريعه الدين

[:سكــون الليـل:]

عباة الراس حلوه وساتره والله

انا لبستها بصف أول ثانوي

للحين متمسكه فيها ..

لو تغطيت ويهج أستر والله ,,

بتكونين درة .. لؤلؤه ..

ربي يحفظج ويثبتج

[دانة الغلا]

اتوكلي ع الله اختي الغاليه

[abrar]

توكلي على الله اختي والله خاطري البس عبايه راس و نقاب بس ما اقدر مع الاسف

بس الله كريم و الله يسنر عليج

[um_saif]

الله يهدينا وانشالله كلنا نلبس هالعباة وانودر الي احنا عليه،،،،
بس فديتج موضوعج طرحتيه في مكان مب له،،، شو يخصه في المشكلات الاجتماعية؟!!!!

[مغرمة aأآ]

الله يسلمج خليته في قسم المشكلات الإجتماعية لأرى نظرة المجتمع من وحده لابسة عباءة الراس بدون ما تغطي ويها و لأني اريد استشيركم في مشكلتي تلك هل ألبسها أو لا ؟

[دهمانية]

شوفي يا ختيه هو الاستر في هالزمن انه الوحده تغطي وجهها بس فيه حد ظروفها ما تسمح انها تغطي ويها

مثل وحده تشتغل في قطاع خاص وحاليا حتى الحكومي.. او الدراسه مثلا عندنا في الجامعه بنات الطب شلحوهم النقاب الله يهدي الي مطلع القرار بس عادي بعباة الراس والحمدلله على كل حال..

أنا شوف لوم ما بتغطين وجهج مب مشكله بس لا تفصلين جسمج بعباة الكتف.. ومثل ما سبق وقلت في هالزمن الاستر تغطية الوجه>> يدنين عليهن بجلابيبهن

[الجوهره]

انا أحييج على هذي المبادره انا ألبس عباه على الراس وابصراحه فالبدايه كنت متردده البسها او لا بس يوم لبستها أحس الحين واااااااااايد مرتاحه ماأحاتي اذا العباه ضيجه وأهم شي اتسوين هالشي لله تعالى مب للناس وانسي المستحى اهم شي رضى الله وماعليج من كلام الناس
الله يجعلج من الفائزين بالجنة

[dala dubai]

اتوكلي على الله والله يهديينا ان شاءالله
بس عشاان غطا الويه مااعرف والله
لان تدرين في حريم كباار قبل مايغطوون الويه فمااعرف والله وللحين مايغطوون

[أم السعف والليف]

الغالية شي فيه خير أبدا لا تترددين فيه وعسالفة لبس عباة الراس من غير تغطية الوجه هذا من تلبيس إبليس لك بتزيينه المنكر فما أهمية الحجاب الشرعي بلا تغطية الوجه فموضع الفتنه في الوجه ولا تنسي قوله تعالى(وليدنين عليهن من جلابيبهن )) والجلباب قطعة تسدل من الرأس وتغطيه إلى مستوى الصدر وإن أردتي أن تعرفي بنفسك إتصلي بالمشايخ الثقات وأتمنى ن ترجعي لموضوعي دعوة للرجوع إلى الحجاب الشرعي
http://uaewomen.net/showthread.php?t=54988