ابي اخذ الليسن " ابوظبي "

[همسات انثى]

السلام عليكم ورحمة الله وبركاته

:1 (26):


مبروك عليكم العيد وينعاد عليكم كل سنه وكل حول



>>>>>>>> ادخلي في موضوع يالله :22 (12):


فكرة اخذ الليسن ولكن واجهتني بعض العقبات


لاني اول وحده من اهلي اخذه من ابوظبي ومحد


يعرف وين اقدم وكيف ومن هالاشياء ..

والاهم اني ساكنه في السمحه يعني منطقه شوي بعيده


فطلبي هو :

اتمنى اذا في حد من " الباهيه او الشهامه او المناطق الشعبيه القريبه "


خذت الليسن تقول لي وين اروح اسجل واذا عندها رقم حرمه تعلم السواقه

وكم احتاي اقصد التكاليف ...


وشكرا مقدما :22 (12):

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ليالي الامارات]

هلالالالالالالالالالالالا وغلالالالالالالالالا اختي


الله يوفقج ياااااااااااااااارب وباذن الله تتحقق امنيتج وتاخذين الليسن يااااااااااارب شوووووووفي انا خواتي الاثنتنين خذوا الليسن من جم سنة بس كانت الامور ميسرة قبل بس الحين الامور تغيرت لازم تروحين مصفح في هناك مدرسة لتعليم السواقة وعلى ما اعتقد تدفعين لهم مقدما 2000 درهم علشان الملف وبعدين هم يدورون لج مدربة تعلمج من عندهم

[همسات انثى]

ليالي الامارات


اختي يعني اروح مصفح

وهم بسون لي كل شي ؟؟


والا هذي المدرسه بس تعلم ؟؟

[همسات انثى]

مازلت في انتظار ردكم


وكلي امل انكم ما بتخيبون ظني فيكم

[عذاري النعيمي]

شوفي حبيبتي

اول شي تروحيين المرور تفتحيين ملف وهم يعطونج ورقه حق المصفح

وتسيريين هناك وتدفعيين 780 درهم حق الدراسه ويعطونج كتاب تدرسين منه جنج رايحه مدرسه

وتميين تسيرين تدرسين هناك مده اسبوع ثلاث ساعات في اليوم ليما تخلصيين...بعديين يعطونج

امتحان ولازم تنجحيين فييه واذا ما نجحتي طبعا لازم تعيدنه...

بعديين يعطونج ورقه النجاح ولازم ترديين اتسيرين المرور ويعطونج موعد حق التراي....

هذا اذا روحج بتدوريين مدربه..

اما اذا تبيين من مدرسه المصفح اظني لازم تدفعيين 2000 او 3000 درهم حق التعلييم...وتتعلميين هناك عندهم...

وانا صراحه ما انصج يمكن انتي تطلعيين سويقه مثلي(ما شاء الله علي):1 (84): وتاخذين الليسن بسرعه والفلوس تروح عليج...

مثلا انا فتحت الملف وسرت المصفح وخذيت الليسن كله بس دفعت 1700 درهم تقريبا او اكثر شوي....

ثاني شي انتي بتتعلميين داخل المدرسه يعني ماب تعرفيين تتصرفيين اذا كنتي داخل الشارع

صدق...وعدالج شاحنات او باصلات..او اذا كنتي في الزحمه والشارع ضيق....هذا رأي وانتي براحتج

انشاء الله اكوون افدتج

والسموحه

[شيخة الغيد]

انزين مايستوي ناخذه بدون ما نروح مصفح؟؟؟
يعني اتعلم وبعدين اسوي تراي على طول؟؟؟

[مــــيره دبــي]

السموحه ماعندي فكره

[عذاري النعيمي]

انزين مايستوي ناخذه بدون ما نروح مصفح؟؟؟
يعني اتعلم وبعدين اسوي تراي على طول؟؟؟

لا فديتج ما يستوي

هالشي اجباااااااااااااااااااااااري

[um_7am00d]

انتي لو تقدمين الليسن في دبي مابتتلعوزين...
وايد ميسره امورهم..انا تدربت خلال 12 يون بس..و خذيت الليسن من اول تراي..الحمد لله و الشكر..

الحلو في دبي..انج تتدربين و تسيرين معهد مثل كلداري او الامارات وهم يمتحنونج ..يعني ماتسيرين المرور و لا شي..
بالتوفيق الغاليه..

[.. العآش ..]

حبوبه عندي ارقام المدربات اذا تبينهم والحصه يحسبونها لج 120 اييون لج لين البيت
ولكن اذا انتي ناويه تسيرين لهم لين بين الجسرين يحسبونها عليج 75