عروس ومحتارة

[شما الشموخ]

:1 (26): هلااااااااااا خواتي العزيزات:1 (26):
شحاااااااااااااااااالكم عساكم بخير؟
والله يا خواتي بغيتكم في طلب وانشاءالله ماتردوني...
ودي تفكرون معاي في زفة ادخل عليها لان ما اعرف ادخل ع شو ؟
فياريت تساعدوني وتعطوني رايكم في احلى الزفات وايددها؟
وودي بعد بفكرة ادخل فيها القاعة ماودي ادخل ع اغنية وخلاص وودي انهم يتمون طول عمرهم يتذكرون زفتياه فياريت تساعدوني ...:22 (4):
انشاءالله ما اكوت ثقلت عليكم بطلبياه وسلاااامتكم...
اتريااااااااااااااه ردووودكم...

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شما الشموخ]

وييييييييييييييييييييييينكم؟؟!!!!!!!
فزعتكم خوااااااااااااااااااااااااااااااااااااتي

[أم أحمدومحمد]

وودي انهم يتمون طول عمرهم يتذكرون زفتياه

طول عمرهم يتذكرون...هاي الزفة يبالها تفكير

بس أنا إلي أشوفة الأغلبية يدخلون على موسيقى كلاسيك وشعر
ممكن تسألين المحلات إلي يسون أشرطة للزفة في الوسيط

والسموحة

[الله يخلي ريلي]

بصراحه ....
انا عندي فكرة ... ألف ليله وليله ... يا تيبين بنات يلبسون نفس الف ليلية وليلة ... وتحطين مو سيقى شرقية خفيفة ويرقصون جدامج يعني بنتين ولا ثلاث . الرقص الشرقي مال الف ليلة وليلية وطبعا في ملابس بيلبسونها توفرها الخدمة نفسها طبعا في الساتر وفي المكشوف وكلما كان ساتر يطلع افخم ومع طرحاتهم الطويلة ولبسهم الغريب وانتي تكوني الملكة وهم يزفونج للعرش .. فيه خدمات توفر لج هالخدمة ,,,طبعا بس انتي خبريهم ع الفكرة وهم بعد يجهزوووون لج الموسيقى ...



وفي فكرة انج تدخلين وشايلينج البنات اللي لا بسات لبس الف ليلة وليلة يعني يكون شي جي مثل قاعده تقعدين داخلها ومسكر عليج بالحراير والشيفونات وانتي عاده تفتحين شوي شوي الساتير اللي جدامج وعقب ... ياللله يشوفنج الناس وهم يمشون فيج لين توصلين ع الكوشة ينزلونج وتطلعين للناس ويقعدون يرقصون لج البنات شوي الرقص الشرقي طبعا الخفيف وتقعدين ... جنج الملكة ...

والسموحه اتمنى تعجبج افكاري ,,, الغالية ...

[شما الشموخ]

مشكورة الغالية وتسلمين ما قصرتي
بس هالفكرة متكررة في كذا عرس وودي بفكرة يديدة لا صارت ولا استوت ومشكورة اختي

[um_sultan]

هلا الغاليه..:1 (26):

انا بشاركج بشي..:22 (5):

انا دخلت مرتين في عرسي..المره الاولى كنت لابسه فيها ثوب وذهب وجدامي بنوتات صغار بعد لابسين اثواب وذهب وشالين مرشات..الزفه كانت جزءين اول شي مقطع من اغنية على اسمي..وعقب اغنية فطومه "هب السعد" وهاااي الاغنيه وااايد مناسبه حق العروس اللي تلبس ثوب..يوم وصلت عن الكوشه ركبت وكانت مقسمه قسمين قسم من اليمين فيه ميرحانه مثل اللي في اغنية حربي العامري الموت الحمر..وفي النص كان الكرسي الرئيسي الي يلسنا عليه انا والمعرس..انا ركبت فوق الكوشه والبنوتات كانت يرشن العطر في ايدين الشيخات..وحده منهن ركبت قبلي ويوم وصلت انا عند الكرسي فتحت ايدي ورشت البنوته العطر فيها بصراحه الحركه كانت روووووعه..وعقب ماخلصت الزفه ويلست كان في يويله صغار ايولون جدامي..
:22 (12):

اما الزفه الثانيه فكانت بالفستان الابيض وحاولت ان يكون شكلي غير عن الدخله الاولى وكل حد قالي اني وااايد اتغيرت في الزفتين..والزفه اول شي كانت موسيقى كلاسيك وعقب تبدا اغنيه بعد بأسمي بس مطرب ثاني الي هو عبدالمجيد..وبين الاغنيه في شعر بأسمي...:22 (4):

اممممم هذا كل شي تقريبا..بس بصراحه كل حد اتفاجأ بالحركه اللي سويتها في عرسي ولين الحين يسألوني عنها لدرجة ان في بنات انا ما اعرفهن في الكليه يسألوني عن الزفتين وكيف اني كنت متغيره بين الزفتين..

ان شا الله تكونين استفدتي من تجربتي واي سؤال انا حاضره :1 (25): ...انا مريت في هالشي ومن فتره قريبه فأقدر افيدج الغاليه..الله يوفقج وان شا الله تكونين احلى عروس والناس ماينسون زفتج من حلاتها..يالله شو تبين احلى من هالدعاء..:22 (22):

[شما الشموخ]

تسلمين يا أم أحمد و محمد
ومشكوووووووووووووورة يا أم سلطان وصدقج مافي أحلى من هالدعاء يالله يارب اني أكون جي
إذا ما فيها كلافة عليج ممكن اطرشيلي زفتج أباه اسمعها ...
تعرفين الواحد يوم يدور أشياء حق غيره يلاقي بسرعة بس يوم عشانه ياخذ وقت ويحس ان ما في شي يعيبه... ومشكووووووووووووووووورين ما قصرتو....
يالله يا خوااااااااااااااااااااااااااااااااااتي الغاليات وقفو معاي وساعدوني في أفكار لدخلتياه ولكم مني ألف شكر...

[شيما]

بالمبارك ان شاء الله

[أم خماس عروس]

انا تعبت ادور موسيقى قويه وكلاسيكيه بنفس الوقت ادخل عليها مالقيت من تساااااااااااااااااعدني تسوي فيني خيـــــــــــــــــــــــر تعبت تعبت تعبت وانا ادور

[وجدان الخير]

الف مبروووووووووووك مقدما أعرف وحده بالسعوديه دوم اعراسهم حلوه يتكلمون عليه الناس عندهم أفكار جديده ومبدعه وماحد يسوي مثلهم أذ تبى رقمها اوتكلمينها عبر النت بستاذن منها أولا

[~..أم الدويس..~]

كان في عرس وحده اعرفهاا زفتها روعة وكلهم قالوا احلى مافي العرس العروس وزفتهاا..

اول شي دقه باب وعقب من خلال دويتو شعري بين بنت والشاعر ( الشاعر يقصد بلسان العريس) عقب دق الباب البنت تقول ( منو ..بس بشعر ماذكره ) وعقب يرد الزوج يقول ( انا الزوج وزفوها وانا مليت الصبر وبعطيها عمري مهر ) ( عقب البنت تقوله حاضرين بس طبعا كله بالشعر) وعقب يابتلها المسكه من الكوشه لين الباب اللي دخلت منه العروس خذت منها المسكه والعروس كانت داخله بورده عطتها البنت الصغيره وعقب موسيقه كلاسكيه عقب اغنيه...

حركه حلوه قولوا الفكره لاي شاعر فمحل يسوي الزفات وهو بيرتب القصيده... والله يسهل امورج...