د.نيوترشن

[amal98]

بنات بغيت اتسوون استفساء عن ايجابيات وسلبيات رجيم الدكتور نيوترشن..
الي سوت الرجيم تخبرنا شو استفادت
والي سوته وخلت الرجيم صو صار بوزنها؟
لاني واايد سمعت عن مضار الرجيم الي ينزل الوزن بفقدان السواائل..

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[gabgirl]

حبيبتي أختي تتبع رجيم نيوترشن من 10 والحمد لله نزلت وايد بداية تحسين بالجوع بس بعد فترة تتعودين وأنا من شهر حاولت اطبق وياها الرجيم ونزلت مع اني اخبص من دون ادوية ولاشاي وشكرا

[فلـــورا]

أنا اتبعت ريجيم دكتور نيوترشن مع الادوية ... ونزل وزني .. بس الفترة الاخيرة قمت اخبص من الخاطر فطبيعي انه وزني يزيد.. لكن خذت موعد السبت الياي وبروح له مرة ثانية .. وريجيمه ما يعتمد على فقدان السوائل.. يركز عالبروتينات.. يقلل الكربوهيدرات.. تاخذين الادوية.. وتشربين 8 اكواب ماي في اليوم... متعب شوي لكن تنقصين اوكيه اذا اتبعتي البرنامج صح

[سماري_80]

االسلام عليكم خوااتي ^_^

هذا صراحه احلى موضوع لانه لي تجربه فيه خخخخخ

اانا صراحه جربت رجيم د.نيوترشن ..ونزل وزني يمكن 33 كيلو اللهم صلي على النبي .. وتغير شكلي 180 درجه
طبعا الرجيم من البدايه يباله قوة اراده قوويه جداً لانه الممنوعات فيه وايده .. ومع الوقت يتعود الجسم على تقبل الاكلات الخفيفه طبعا لانه المعده تصغر

وانا انصحكم فيييه الصراحه وايد اوكييه للي تبي صدق تنزل من وزنها .. وانا بعدني مستمره معاه بس في فترة تثبيت الوزن ..عشان ما يرجع وزني دبل الوزن القبلي ^_^ وسلامتكم

[amal98]

يعني تنصحوني أسير أسويه...
أنا سمعت إنه ممنوع الحليب حتى لو كان قليل الدسم..وأنا ما أقدر أستغنى عن الحليب الطازج..عسب إني حالياً أرظع وعمر ولدي 5 شهور..
شو أسوي أبا وزني ينزل.. وريلي دوم يعايب علي...إهه إهه

[الخطيرة]

هلا أختي
اذا انتي ترضيعين انصحج تروحين عند دكتورة لينا في أبوظبي .. تسوي نظام غذائي للمرضعات وفيه حليب
اختج الخطـــــــــــ^ـــ^ــــــــــــــــــيرة

[saasmo]

ودي اجربه بس خايفه من العواقب

[لولا الحبوبه]

حبيباتي انا صارلي اللحين 3 اسابيع وباجر ان شاء الله بكمل الرابع وعندي موعد ادعولي بس عندي مشكله ان وزني ما ينزل بسرعه بس الحمدلله لين اللحين نزلت 6 كيلو يعنتي بمعدل كيلوين كل اسبوع الصراحه انا راضيه عن النتيجه
وادعولي استمر ياربي

[درابيل]

الغالية انا من شهر 12 عند دكتور نيوترشن والحمدلله وايد مستفيدة عليه

ونزلت لين الحين 16 كيلو وشوية مع اني بعض الاحيان اخبص شوية


بس الحمدلله مستمرة بس الموضوع يباله شوية عزيمة واراده عشان تستمرين

وعن نوع الريجيم مثل ما قالت الاخت يعتمد على البروتين ويقلل من النشويات والكربوهيدرات وكل دكتور يختلف عن الثاني وكل حاله يعطونها اليجيم اللي يناسبها

[ونة زمن]

مرحبااا بنات

الصراحه انا جربت نظام دز نيوترشن الصراحه هو وايد زين بس متعب اللي يجربه او مره بس بالاخر انج بتسفيدين والحبوب اللي تاخذينهم تنزل الوزن الصراحه يعني في منع الشهيه بس لازم تشربين ماي وايد ولاتخبصين شراتي


بس الحين افكر اسير مره ثانيه عنده واتبع الرجيم

وموفقه اختي

[***ايمان***]

اختي جربت العلاج عندهم اسبوع وقاللوا لها بتنزلين 5 كيلو وهي نزلت بس كيلوين.. ورجيمهم يعتمد على البروتينات ..لاعت جبدها وودرته بعد ما سمعت عن اضرارة ..ونسيت اقولكم بعد كان يعطيها ادوية قبل الاكل ..

وبعد واحد من الاهل كان يتعالج عندهم بس ما قدر يكمل ..عاطينه ادويه واول ما يبلعهم يرجع ..

وبعد وحدة جيه عمرها 13 سنه بس هاي ضعيفة وايد وتبا تمتن ..اتخيلوا شو قالوا لها..اول شي سألوها شو تحبين تاكلين..قالت لهم كنتاكي وماكدونالز ..الدكتور سوى لها جدول تاكل فيه من هالوجبات السريعة مادري كم يوم بالاسبوع ..احس نظامهم مووووووووول مب صحي..

[uAe eVe]

الحمدلله وانا ارضع وعمر ولدي اربع شهور تميت عليه شهر نقصت ثمانية كيلو بدون حبوب بس عطوني فيتامينات لاني مرضع
وحليبي كان اوكى ..بس كان يقولي امشي عالاقل نص ساعه وانا مافيني شده خاصة لان الرضاعه تعبني..فاتوقع كنت بنقص اكثر بالرياضه
صح متعب الريجيم بس النتيجه حلوة واوكى خاصه اني وقفت مازاد وزني ولاكيلو..وعقبها تخفيف
ومن هالاسبوع رديت مره ثانيه بس بحبوب من يوم الجمعه باديه والحمدلله كيلوين ناقصه للحين
طبعا لاني لايعه بالغصب اكل بس ماعليه اتحمل واضعف

اللي اعرفه الاسبوع الاول ممنوع الرياضه بس ماعرف عقب كيف

[خوخه 22]

أنا خاطري أروح عنده بس خاااايفة ,,

[ميرة الامارات]

هل هو مركز خاص بال د نيوترشن؟

[KHULO0O0OD]

تووووووكلي على الله ... وآآآيد يمدح ـووونه ...
ونفع وآآآيد نـآآآس وماله أضرآآآر واللي يقوولون انه له اضرآآر ويرج ـع الوزن دبل
ترى مب من الدكتوور يع ـمد بالشخص نفسه .. تـآآكل الاخضر واليـآآبس وترد دبل ويردوون
على رج ـيم الدكتوور ...

التج ـربه خ ـير برهـآآن يالغ ـأأليه وع ـن الكلام اللي تسمع ـينه ترآآج
مارآآح تعيشن بكلام النـآآس ..

ح ــيـآآج الله ..