الاتحاد التعاوني الاستهلاكي يقاطع السلع الدنماركية..

**صدى حنيني** · 2006-01-29, 15:46

السلام عليكم خواتي ..

اقروا هالخبر اللي فرحني وااااااااااااااااايد والله

كليك هنيه

تصدقون انا من شوي يايه من جمعية الاتحاد اللي في الصفا وقعدت ادور فيها جني عيوز اشوف صدق قاطعوهم ولا بس رمسه .. ماحصلت لورباك وجبن بوك رفه كان فاضي بس نيدو هو نفسه نستله؟؟؟؟ لاني يوم شفت رقمه ماكان 57 بس ماذكره والله لكنه موجود وكافي كندر بعد تارس الدنيا بس ان شاءالله بيشلون كل البضايع ويعلهم الخساير ..

المزيد من آخر المواضيع من نفس القسم:

**أم أحمد** · 2006-01-29, 15:48

الله يبشرج بالجنة على هالخبر الحلو

سمعته لكني ما لقيت له مصدر

تسلمين يالغالية

ونستله ونيدو مش تبع الدانمرك هم شركة أصلها سويسري اشترتها شركة أمريكية ..يعني ريعها يرجع لأمريكا

أما بيضة كندر فهذي البلى بعينه اليهال مش راضين يقاطعونها

**صدى حنيني** · 2006-01-29, 16:03

الله يسلمج الغالية ..
والبارحه بعد في اخبار الدار في قناة الشارجه صوروا الجمعيات اللي حاذفين المنتجات الدنماركية من رفوفها

**صدى حنيني** · 2006-01-29, 16:05

بنت زايد في بيضة مثل كندر فيها لعبه وكلها كاكاو بس مادري تبع اي دوله وماعتقد انها دنماركية .. تقدرين تاخذيها لهم وان شاءالله يوم بسير الجمعية مرة ثانية بدورها وبصورها عسب تاخذينها لكتاكيتج

بدال الكندر ..

**بنت الامارات** · 2006-01-29, 16:34

الله يبشرج بالجنة يا صدى حنيني وانا يوم شفت البرنامج في تلفزيون الشارجة وهم يشلون البضايع الدنماركية ما تتخيلين كيف استااااااااااااانست وحسيت ان امة محمد صلى الله عليه وسلم فيها لين الحين خير واااااااايد .. بس عندي سؤال هل في كل الدولة المقاطعة ولا بس في الشارجة ..؟؟

**صدى حنيني** · 2006-01-29, 16:38

هلا بنت الامارات ..
انا من شوي قريت في منتدى ثاني ان الشيخ محمد بن راشد أمر بمقاطعة كل المنتجات الدنماركية والعلم عند الله .. ومثل ماقلت جبنه بوك وزبدة لورباك مالقيتهم في الجمعية مكانهم فاضي .. وان شاءالله بسير استقبال الجمعية وبسألهم وبقوللهم شلوا كل البضايع الدنماركية

الله يعينهم علي هههه

**بنت الامارات** · 2006-01-29, 16:41

انا بعد سمعت ان الشيخ محمد امر بالمقاطعة 00 والله يوفق دولتنا للي فيه الخير 00 ومري ع جمعيتكم لا تنسين طفري بهم

**صدى حنيني** · 2006-01-30, 16:15

بنت زايد سرت الجمعية اليوم بعد ماطلعت من المستشفى خصيصا عشان اصور لج البيضة البديله لكندر ..بس والله شيء غريب اشوف الكندر بكميات كبيرة ومسوين عليه عروض بعد !!! والله شيء يقهر ..

**صدى حنيني** · 2006-01-30, 16:18

بنت الامارات ولا يهمج الغالية لي عودة ان شاءالله لهم مرة ثانية واكييييييد بسير لهم وبسويلهم سالفه وبقولهم بصور المنتجات الدينماركية وبحطها في الانترنت

>> تهديد عيني عينك ههههه

**أم أحمد** · 2006-01-30, 16:42

تسلمين والله يالغالية صدى

سبحان الله توني قبل لا أقرا الموضوع قاعدة هالولد يصارخ يبا كندر ما أدري مسويلهم فيها سوى

وإن شاء الله راح نبدل على البيضة اللي خبرتينا عنها

**صدى حنيني** · 2006-01-30, 16:49

الله يسلمج الغالية وهذا ااقل شيء نقدر نسويه لنبينا وحبيبنا محمد عليه الصلاة والسلام ..

بس شركة ألكر تبع منو ؟؟؟؟ ليكون شركة دينماركية !!!!

**درة العين** · 2006-01-30, 16:58

صح اللي سمعتوه ان الجمعيات قاطعت بس اللي سمعته اليوم ان كارفور ما طاع يقاطع عسبة انه ما يخسر...

و الله المستعان

**أم أحمد** · 2006-01-30, 17:01

ألكر أحيدها تركية

**صدى حنيني** · 2006-01-30, 17:28

ياجماعة والله بتخبل الحين نيدو منتج دينماركي ولا لأ ؟؟؟؟
في الجمعية موجود وفي المقاطعات حاطين صورته فانا مستغربه ومادري شو سالفته ؟؟؟ ممكن تقولولي بليييييييييز !!!!!!!!!!!!!

**أم أحمد** · 2006-01-30, 17:31

نيدو تبع شركة نستله ونستله أصلا شركة سويسرية اشترتها شركة أمريكية

يعني جميع ريع شركة نستله يرجع لأمريكا حتى لو كانت مصانعهم منتشرة في كذا دولة في العالم

ويمكن اللي صمموا التواقيع صار لهم لبس بين المنتجات الأمريكية والدنمركية

الموضوع: الاتحاد التعاوني الاستهلاكي يقاطع السلع الدنماركية..

أدوات الموضوع

عرض

الاتحاد التعاوني الاستهلاكي يقاطع السلع الدنماركية..

المزيد من آخر المواضيع من نفس القسم:

المواضيع المتشابهه

الاعلانات الي مالها داعي تنعرض باسلوب مبتذل و رخيص === منو يقاطع منتجاتهم

مشروع ادعوني للإسلام - المكتب التعاوني للدعوة بالشفا - الرياض

"الاتحاد التعاونية" تخفض أسعار السلع الغذائية الأساسية 25%

شو الفايدة وا!!!حد يقاطع وعشرة لا؟ دشو عندي إقتراح( نبا!!! تجمعكم بليز)

بالصور متجر سعودي يقاطع المنتجات الدانمركية