احدرن بتضحكن علي

[الاغفليه]

قبل كل شي سلااااااااااااااااااااااااااااام لكل اللي ادخلن موضوعي

المهم ببدا بقصتي فلم الرعــــــــــــــــــــــب

سلمكن الله انا في الشهر التاسع وعاطيني موعد تاريخ 19/4
المهم اف مستشفى دبي ..
يقولكن اول امس دقني ويع وسرت المستشفى ويع غريب احس شرات حد يقبض بطني ويفجه عاد انا وحليلي هذا اول حمال لي المهم يقولكن احس بهذا الاحساس وحسيت بعد بطني يتيبس علي يستوي شرات الحصاااااااااه المهم سرت المستشفى ودشيت الطواري وكانت الساعه 6 المغرب المهم دشيت وكانت دكتوره اسمها حنان شكلها وتعاملها شرييييييييييير بس وحليلها حسيتبها طيبه وياي يمكن لأني غمضتها لأنه شكلي كان شكل وحده بريئه المهم يقولكن اول ما دشيت خذت عني عينه أحم أحم المهم وعقب قالتلي تعالي سوتلي تيلفزيون قالت كل شي الحمدالله تمام وشوي كشفت علي وااااااااااء وهذا اول مره اسويه المهم وقالت مب مفتوح عندج يعني بعدج المهم قالت عشان نطمن احسن بنسويلج تخطيط حق البيبي وهنيه خاز الويع قلتلها خلاص خاز الويع من الروعه قالت لا تعالي احتياط المهم انسدحت وسولي التخطيط وانا اسولف واضحك ويا النيرسات الهنديات المهم يوم شافو التخطيط بطلت عيونها الدكتوره وقالتلي عندج تقلصات ولاده وانتي عااااادي تسولفين وتضحكين قلتلها انزين شو يعني لازم اسوي يعني بربي قالتلي بنحطلج محلول ساعتين وعقب بنسويلج تخطيط مره ثانيه المهم خلصت المحلول وسرت مره ثانيه عندها اف قسم الطواري والاااااااااااااااا الطامه الكبرى يت حرمه وحليلها بتربي وانا اول مره اف حياتي اشوف وحده تتويع عشان الربى والله لو شفتوني بتصيحون علي شفت الماي يتبطل جدامي وحليلها وهي تعاني وانا كأني بقره فديتني شايفه حريجه المهم تميت مصطرعه وعقب قلت حق النيرس حرام ودوها بتربي قالت نتريا اذن الدخول وهي تتويع جداامي وانا زين ماربيت من الروعه المهم ودوها وحليلها عشان تربي وطافت كم دقيقه ويت بعد وحده عاد هاي مصريه وتصرخ وتشل قسم الطواري فوق راسها مع انه كانت هاي 5 ولاده لها ويوم قالتلها الدكتوره انتي هاي خامس ولاده لج لاتصرخين انتي عارفه الالم بس اتصبري واقري قران وهيه تصرررررررررخ اسميني اصطرعت وحذالي حرمه عيوز فديتها يالسه ابرقعها على ويها وتسألني اميه انتي اول مره تحملين قلتلها هيه قاتلي لاتخافين ماعليج فيه نصهن يكبرن الموضووووووع لا تخافين المهم كشفو علي والحمدالله كل شي تمام واول ما طلعت من المستشفى ريلي يقولي شو الونان اللي سمعناااااااه يقصد الحرمه خخخخخ المهم قلتله وحليلها بتربي بعد شو هالونان المهم وروحت البيت وكانت الساعه 11 فليل ودقتني حمى من الروعه ..

هذا الفلم الرعب اللي عشته ..

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري