فيه احد مثلي

**ملوووكه** · 2008-04-04, 13:14

السلام عليكم
شحالكن بنات ان شاء الله بخير

خواتي ...يمكن لمن تقرين مشكلتي بتقلن وحده فاضيه ماعندها سالفه ...بس انا لي فتره استويت ماحس بمتعه في الحياة كله متملله وطفشانه من شوه معرف قبل كنت استانس بضهرت السوق واحب اشتري من الخاطر ...حتا الضهره عند ربيعاتي او الاتصالات معاهم اسويت ماحب بس يالسه في البيت ..حاولت اضهر اقول اذا تميت جذيه بتزيد هل حاله عندي بس والله من ادخل المحلات او المولات ماحس بشي يشدني ..حتا لمن اضهر ويا ريلي نسير مطعم او سينماء اكون متملله ابا ارد البيت ...يمكن اضحك واستانس انا وريلي لانه طبعه حبوب صحيح كلامه قليل بس روحه حلوه ينكت يموتني ضحك بس وربي تكون ضحكتي مخنوقه احس بشي داخلي تغير .. تخيلن نص هل شهر عندي عرس حق اقاربنا الي الحينه ماسويت اي شي ومالي خاطر لضهرت السوق والخياطين قبل ااذا كان عندي يلسه بسيطه تحصليني محتشره ...بس الحينه ولا همني عادي وافكر يمكن ماسير العرس

انا يالسه في البيت لا شغله ولا مشغله ماغير النت والتلفزيون ...حتا النت كرهته عيالي ماشين في دراستهم ..تصدقن ان لي كم يوم بس راقده نوم مب طبيعي احسه مب نو صحه نوم هروب من هل حاله

الحمد لله اقراء قران استغفر بس بعد احس بضيجه

المزيد من آخر المواضيع من نفس القسم:

**عفـاري** · 2008-04-04, 13:16

حبيبتي ها من وقت الفراغ اتضيجين جي انا فالاجازات جيه يستويبي

**بنوتة80** · 2008-04-04, 13:23

الله ييسر امورج ويفرج همومج

حطي في بالج ان الحياة حلوة مهما كانت وبتعيشينها حلوة صدقيني

لكن اذا كنتي حاطة في بالج ان كلها ملل وضيج بتعيشين في ضيج

سبحان الله الانسان تمشي ايامه مثل ما هو يفكر

اذا حطيتي في بالج الاشيا الحلوة بتشوفين كل شي حلوو حتى وقت الفراغ حلو اذا استغليتيه في اشيا وايدة

**ملوووكه** · 2008-04-04, 13:23

عسى ربي يسلمج حبيبتي عفاري على هل الرد ....على هل حاله شكلي بتم جيه كله وقتي فراغ

**قلبي صامت** · 2008-04-04, 13:27

اقريلج الغاليه قرآن و صدقيني بتستانسين و بترتاحين ربي يفرحج الغاليه و يسعدج ان شاء الله

**ملوووكه** · 2008-04-04, 13:32

المشاركة الأصلية كتبت بواسطة بنوتة80

الله ييسر امورج ويفرج همومج

حطي في بالج ان الحياة حلوة مهما كانت وبتعيشينها حلوة صدقيني

لكن اذا كنتي حاطة في بالج ان كلها ملل وضيج بتعيشين في ضيج

سبحان الله الانسان تمشي ايامه مثل ما هو يفكر

اذا حطيتي في بالج الاشيا الحلوة بتشوفين كل شي حلوو حتى وقت الفراغ حلو اذا استغليتيه في اشيا وايدة

يعلج تسلمين اختي ع الرد بنوتة80

انا الحمد لله من النوع الي محب اللحياه طبيعتي مزوحيه سوالفي وايد بس في الفتره الاخيره خلاص احس الملل والطفش مسيطر علي حاولت اشغل نفسي اشتركت بصالونات سجلت بنادي رياضي وفعلا نفسيتي تحسنت بس لي شهر وقفت وابا ارد مره ثانيه وكل يوم اقول اليوم ....افكر ادش دورات تطوير الذات بحكم اني ماكملت دراستي بس ماني عارفه وين اسير او اي المعاهد الي تسوي هل الدورات

**بهلولة** · 2008-04-04, 13:32

والله يا اختي احس انج يالسه تتكلمين عني.......ما ادري شو سبة هالملل والضيجة.......ومرات اقول يمكن السبب من شي معين يعني مثلا احاول اتعرف على بنات واعزمهم عندي بس الملل بعده ما يخوز........الله يشرح صدورنا ويسر امورنا

**ملوووكه** · 2008-04-04, 13:34

المشاركة الأصلية كتبت بواسطة قلبي صامت

اقريلج الغاليه قرآن و صدقيني بتستانسين و بترتاحين ربي يفرحج الغاليه و يسعدج ان شاء الله

ياهلا ومرحبا فيج يا الغاليه ...الحمد لله مواصله في القراه الاستغفار ...والله يفرج همي وهم كل مسلم ومسلمه

**ملوووكه** · 2008-04-04, 13:39

المشاركة الأصلية كتبت بواسطة بهلولة

والله يا اختي احس انج يالسه تتكلمين عني.......ما ادري شو سبة هالملل والضيجة.......ومرات اقول يمكن السبب من شي معين يعني مثلا احاول اتعرف على بنات واعزمهم عندي بس الملل بعده ما يخوز........الله يشرح صدورنا ويسر امورنا

بضبط نفس هل شعور ..حتا اثاث بيتي غيرت فيه على سبيل اشغل عمري بشي تصدقين الي الحينه ماخلصت باقي الستاير كل يوم اقول بسير عسب اتفق مع اهل المحل
وخلص وافتك احسه استوا هم مب تفريج هم ههههههه

لاعدمتج على هل الرد والله يفرج همنا وييسر امورنا

**DIOR ONLY** · 2008-04-04, 13:42

هلاا اختي ...

دايما تقربي من ربج .. وصلي الصلوااات في قتهاا واكثري من الاستغفااار
انا يووووم صابتني هالحاله .. الله يذكرها بالخير وحده نصحتني باشياااء تقربني من رب العالمين اكثر والحمد الله الحين
هي كانت تقووولي انه اتي هالحاله من البعد من رب العالمين

وان شاء الله .. الله يفرح قلبج ويبعد عنج هالضيج .. ان شاء الله يا رب العالمين

**ملوووكه** · 2008-04-04, 13:53

انا مراح ازكي نفسي واقول اني كامله ..بس الحمد لله اصلي اقراء قران استغفر ...بس للاسف تجينا اوقات تحسينا نقصر في المواصله بس ان شاء الله بحاول اواصل اكثر ...قبل كنت مواضبه على صلاة الليل ماقول اني طول لليل ساجده بس اصلي لي ركعتين اذكر ربي فيهم ...وان شاء الله بحاول اني اراجع في عباداتي يمكن اكون مقصره في اشياء وانا هب حاسه ...والله يجزيج كل خير انتي وباقي البنات

**flymengo** · 2008-04-04, 13:56

الله ييسر امورج ويفرج همومج

**شيخه الابد** · 2008-04-04, 14:20

يا اختي انا شراتج احس بي ملل وفي فراق ما اعرف شوه اسوي ما ا حب اطلع اشوف الناس والله مليت من البيت بس شوه اسوي انا راضيه ومتحمله ما اعرف شوه اسوي من الملل مرات اكذب على عمريه اقول والله الدنيا حلوه احاول اجامل نفسي بس والله ما قدرت وهاذي حياتي كلها ملل وضيجه بس الحمدالله على كل الحال .

**ميميه88** · 2008-04-04, 14:22

اول شي صلاتج لاتودرينها وحاولي تتقربين من ربج اكثر ثاني شي الفراغ اللي يشغل حياتج ليش ماتشتغلين ولاتكملين دراسه صدقيني بتحسين باحساس حلو بانه لج قيمه فالمجتمع وبنفس الوقت بتلتهين ومابتفكرين بها الافكار

**JnoOoneeYa** · 2008-04-04, 15:11

اف نفس حالتي والله .. قبل كنت احب اطلع وانقهر يوم ما اظهر لو مره ف الاسبوع بس الحين عادي عندي لو ما اظهر واحس كل شي استوى ممل ...
مع اني اقرا قران واذكار واستغفر ربي دووم ...
بس مادري ليش جي استوالي درووووووب من الخاطر ..
احس فيني حزن ف داخلي ومب قادره اظهره ...

الله يعينا ويعين الجميع

الموضوع: فيه احد مثلي

أدوات الموضوع

عرض

فيه احد مثلي

المزيد من آخر المواضيع من نفس القسم:

المواضيع المتشابهه

منو مثلي ؟؟؟؟؟؟؟؟؟

حد مثلي ؟.؟.

حد مثلي ولا بس أنا !!

منو مثلي ...

في حد مثلي؟