مب قادره ارقد ..

[JnoOoneeYa]

السلام عليكم ورحمة الله ...,,

ماعرف كيف ابدا بس جد نفسيتي تعبت وكرهت الليل ... والله اني من النوع الي دوم اذكر الله ,, واقرا الاذكار الصبح وفالليل .. بس دوم يوم ارقد وانش تقريبا ع الساعه 2 او 3 (الليل) تتراولي اشياء واتم اوسوس وافكر .. لأنه من فتره ولد خالتيه توفى .. وهو كان شرى اخويه .. فيوم حد عندي قريب ويتوفى ..الرقاد مايي صوبي مره..
ايلس اقرا واتعوذ واحط ع قناة القرآن ..
بس البارحه ياني او تراوالي نفس الشخص ف حجرتي ووحسيت انه واقف عراسي يلست اقول اعوذ بالله لين ما راح عني .. مع اني اقرا الاذكار والقرآن بس مادري ليش تيني هالاشيا .. هاي مب اول مره تستويلي مرات احس ان حد يدوسني ع صدري واموت من الضيج وحتى ماقدر اقول عوذ بالله ..

ادعولي ان الله يفج همي وضيجتي تعبت نفسيتي والله .. واكره الليل ووقت الرقاد حتى اليوم ماسرت الجامعه=( اخاف هالشي يأثر ع مستوايه الدراسي

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[لولو حلوه]

اختيه لازم تصدقين عن ولد خالتج الله يرحمه

واذا عن الرقاد فأنا انصحج انج تسيرين عند مطوع زين ويقرا عليييج وان شاء الله تفتكين وبعد انصحج بقيام الليل ترا قيام الليل وايد زين بيروح عنج كل شي باذن الله وادعي ربج انج تفتكين من الي فيج

والله يشفيج

[العذوب]

شوفي ياني هالشيء بعد وفاة ابويه ومع اني كنت ارقد ويا خواتي اول الايام بس كنت أهوجس


شوفي مافيه حل غير اتيبين المصحف الصغيييييييييير اللي كبر عقلة الصبع


وتحطينه في صدرج وتنامين .. بتحسين بطمأنينة وحماية لأن المصحف وياج .. أنا جيه كنت أسوي

[ميمي 111]

انا صارلي نفس الشي وقت وفاة أبوي كنت أسمع حد يدق باب غرفتي وينادي عليه ولما أفتح الباب ما احصل حد وأسأل الاهل منو دق يقولون ما نعرف أكيد تتخيلين وانا متأكده الباب كان يندق بقوه وغرفة أبوي مجابلتني هذا كان بعد وفاته ب3 أيام وتميت أوسوس واااااااايد لين ما إرتاح بالي بذكر الله وقيام الليل وقراءة القرآن تحسنت ..الله يبعد عنج الضيق يا رب..

[همس ليالي]

الله يعينج

[ms.goldy]

اختي دووومي اقري القرآن وشغلي صووورة البقره لانه الجن يدخلووون في الإنساان في اضعف حالاته

[شوق_العين]

هذا اللي اييج ع صدرج وتحسين انه يضغط عليج يسمونه ياثوم ... وطبعا كلنا مرنا شره هالسالفه ... ومرات خلاص تحسين تبين تصرخين بس هب قادره ... اقري المعوذات واقري ادعية اللي تبعد الشياطين وبعد كثري من ادعية النوم وسورة الكرسي وحطي قرآن قبل لا ترقدي ... ويالله انشالله خير ... والله يفرج همج وهم كل مكروب


وسلامتج ....

[...(مريّة)...]

الله يعينج يا رب ويفك ضيقج

[حنين البدر]

هذا اللي اييج ع صدرج وتحسين انه يضغط عليج يسمونه ياثوم ... وطبعا كلنا مرنا شره هالسالفه ... ومرات خلاص تحسين تبين تصرخين بس هب قادره ... اقري المعوذات واقري ادعية اللي تبعد الشياطين وبعد كثري من ادعية النوم وسورة الكرسي وحطي قرآن قبل لا ترقدي ... ويالله انشالله خير ... والله يفرج همج وهم كل مكروب


وسلامتج ....

[بنت القمر]

إذا عن ولد خالتج اللي يتراوا لج دوم ترى هو في ضيجه تصدقي عنه
وبالنسبة للنوم بعطيج طريقة نجحت معاي لأني كنت نفس حالتج
صلي ركعتين قبل النوم واقري دعية قبل النوم واقرأي سورة الفاتحة 7 مرات ، والمعوذات 3 مرات ، والإخلاص 3 مرات، وآية الكرس مرة ، آية آمن الرسول (( آخر البقرة)) وبعد كل سورة انفخي في كفج وامسحي على ما استطعت من جسدك.
إا استفدت من هالوصفة طمنيني عليج.
الله يشافيج

[JnoOoneeYa]

تسلموووون خواتيه الطيبات وربي لايحرمني منكن وحده وحده ... وربي يعطيكم ع قد نياتكن ...

احس كلامكم خلاني ارتاح اشويه ...=)

[نااعمه]

ارقدي وانتي مشغله قران

[فتاة راك]

عادي لاتخافين انا بعد كانت تصير لي نفس العوارض خاصة يوم اخاف..والياثوم ايي لمعظم الناس...وانا بعد حافظة ربي وقراءان بس ما يمنع

[zooz1]

اذا في غرفتج صور انس.. صورج او صور اخوانج.. الخ.. شيليهن وخبهن في الكبت او اي مكان ثاني لان الجن ييلسون على راس الصور.. مش راس اطار الصورة.. لا.. الصورة نفسها

واري المعوذات قبل لا تنامين وادعية النوم..وشغلي سورة البقرة في البيت اوبصوت خافت في الغرفة.. انتي جي تبعدين اسباب وجود الشياطين او الجن.. وادعي لولد خالتج بالجنة لان الموت علينا حق وكل واحد ياخذ نصيبه.. بس اذا خليتي الخوف يسيطر عليج.. بتتعبين فلا تفكرين في الموضوع واشغلي نفسج في الدراسة والرياضة لان الرياضة بتتعبج وبرقدين عدل..

[زيتا جونز]

صلي ركعتين قبل النوم واقريلج كل يوم صفحة من سورة البقرة قبل النوم

الله يبعد عنج كل وسواس