تعتقدون أنها عين ؟؟

**ملكة الاحاسيس** · 2008-03-30, 15:28

السلام عليكم حبوبات ،،

انا بغيت اخبركم بسالفتي ،، لما رحت أعقد بالصدفة لقيت ثنتين بنات مغربيات
يالسات قبالي بغرفة الانتظار ،، فالتفت اسالهن عن الوقت لانه يومها اذن المغرب وتأخرت ما صليت ،،
الا وترمسني الثانية [ بلهجة مغربية ] وما فهمت عليها شي ،،

جان تسالني الي معاها ،، ما فهمتي ؟ قلت لها : لا يا اختي اسمحي لي [ على بالي رمستني فرنسي ]

سالتني مستغربة : انتي مش مغربية ؟ قلت لها : لا [ على فكرة معظم المغربيات يتحسبوني مغربية او امي مغربية ليش الله اعلم يقولون ملامحي مثل ملامح بنات المغرب مع اني متوسطة الجمال ] ولله الحمد ،،

المهم الاخت منصدمة اني ما طلعت مغربية وقعدت تحلف شكلك مغربية ومدري ايش ، المهم قلت لها انا من الامارات وسوالف وسالتهن ليش انتن هنيه ؟
قالت الثانية : انا ياية املج [ مع ان شكلهن كبار يعني قريب 30 سنة ] بس الثانية حلوة موت ،،

وانا قلت لهن انا ييت عشان اعقد بالمحكمة [ طالعيني باستغراب ] وسالتني هذيج ، ليش انتي كم عمرك ؟ قلت لها عمري ،، انصـــــــدمت قالت مستحيل تبينين صغيرة !! المهم ،،نهاية السالفة خواتي

اني حسيت انه صابتني عيـــــــــــن بالقو ،، وضربتني حساسية في جسمي كله نفس الليلة واستمرت معاي نص شهر ،، والله العظيم كنت ابكي من هالحساسية ماشي حبوب ولا شي بس اللهم حكة في الجسم وحكة من الخاطر لدرجة اني جرحت نفسي ،، مع اني عمري ما تحسست من شي
رحت العيادة ورحت المستشفى واكدوا لي انه ما فيج شي سليمة 100 %

اخوي قرأ علي الرقية الشرعية وارتحت شوي ،، ولكن ردت مرة ثانية
وانا استمريت على الدعاء وقراءة المعوذات وكل شي ،، والحمدلله زالت عني هالحكة الي لين يومكن ما عرفت سببها [ الا ان اهلي قالوا لي عين ]

وانصح كل بنت ،، انها تتبع قول النبي - عليه افضل الصلاة والسلام -
: [ استعينوا على اموركم بالكتمان ] .

لأن الناس هالايام تحسد على الخير وعلى أشياء بسيطة : الزواج / العمل / السيارة / الاطفال ،

واقول لكل بنت ،، استغفري ربج ليل نهار ،، وكثري من الدعــــــــاء

المزيد من آخر المواضيع من نفس القسم:

**lazycat** · 2008-03-30, 15:45

الله يحفظج اختي ملكة الأحاسيس

استغفر الله استغفر الله استغفر الله

اللهم احفظ زوجي وولدي من العيون الحاسدة

**doooba** · 2008-03-30, 15:54

العين حق

اقري على نفسج

علاج العين بعد التوكل على الله و الإيمان بأن الشفاء من عنده وحده سبحانه
1- سورة الفاتحه ثلاث مرات

2- أول وجهين من سورة البقره

3- سورة البقره الايات (109-137-أية الكرسي-أخر ايتين من البقره-ايه 266 )

4- سورة النساء الايه(54)

5- سورة يوسف الايه(67)

6- سورة الكهف الايه(39)

7- اخر ايه من سورة سبأ

8- سورة (ق)الايه(22)

9- سورة محمد الايه(30)

10- الوجه الاول من سورة تبارك(خاصة ايه 3- 4)

11- اخر ايه من سورة (ن)

12- سورة الكافرون- الاخلاص- المعوذ تين
*تقرأ هذه الايات بعد صلاة العصر وبعد صلاة الفجر
*لا تنسونا من دعائكم

وربج الشافي

**barkosha** · 2008-03-30, 15:59

العين حق والله .. بس نحن نستهين وااايد بهالموضوع ...

عيل انا عندي ربيعه ... يوم ولدها كان 6 شهور " ماشالله كان بصحه " كانت كله تلبسه اندروير حفر و ريوله دوم برع !!! عيزنا و نحن ننصحها مافي فايده .. و مره كانت طالعه جان تشوفها وحده ... و يودت ورج ولدها .. قالت لها انتي شو تتطعمين ولدج كل ورج اكبر عن الثاني ؟؟؟؟؟؟؟؟؟؟ تعالوا شوفوا ولدها الحين 4 سنوات من ياكل شي يرجع !! والله يلد على عظم !!!

**قايده الغزلان** · 2008-03-30, 16:03

العين حق فعلا

انا وريلي صايبتنا العين ومووووووول مب متهنين في حياتنا

من مشكلة لمشكلة

وكله عين وحسد مع اني ما ارمس عنه

الله كريم

**44400** · 2008-03-30, 16:01

الله يشفيج ويحميج اختي العزيزه

**missuae3003** · 2008-03-30, 16:03

العين حق ... ماتشوفين شر حبيبتي ..

**BenToooH** · 2008-03-30, 16:10

لا حول ولا قوة الا بالله، الله يشافيج انشالله

العين حق .. عشان جي لازم الواحد يحصن عمره دوم بقراية القرآن والادعية .. ^_^

**vip~s** · 2008-03-30, 16:17

الله يبعد عنا العين

صج العين حق

يارب احفظنا واحفظ ازواجنا

**minoucha** · 2008-03-30, 17:56

الله يحفظ الجميع من الحسد والعين

**ميميه88** · 2008-03-30, 18:01

الله يشفيييج يارب العين حق فاحذروها

**~UAE_LaDy ~** · 2008-03-30, 18:04

ما تشوفين شر ان شاء الله... والله يبعد عنا وعن الكل عين الحسد

**غلا الدنيا** · 2008-03-30, 18:17

حبيبتي اقري على عمرج الموعذاات
واقري قرآن واستغفري

**ريـم زايـد** · 2008-03-30, 18:31

لاحول ولا قوة الا بالله ..
.. العين حق ..

وعليج بالرقيه الشرعيه دوم

الموضوع: تعتقدون أنها عين ؟؟

أدوات الموضوع

عرض

العرض المتطور

تعتقدون أنها عين ؟؟

المزيد من آخر المواضيع من نفس القسم:

المواضيع المتشابهه

تعتقدون بحصل ؟؟؟؟؟؟؟؟؟؟؟؟

ليش تعتقدون ؟

هل تعتقدون بيقبلون عيالي

تعتقدون هالصورة وين تصورت..؟؟؟؟؟

تعتقدون متى لازم احلل