زوجي والبنات..؟

[كريزي مون]

انا صارلي متزوجه عشر سنيين وعندي بنتين وولد..مشكلتي ويا زوجي
اللي دمرني نفسيا..والسبب من هالبنات اللي ما يخافن ربهن ..اللي
يبغن يفرقن بين الريال وزوجته..ريلي يرمس بنات وكل يوم اكتشف
عنده ارقام وايميلات بنات..بتقولون كيف اكتشفته خياناته لي..عن طريق
سجل المحادثات الي عنده في المسنجر..كلمته نصحته بس ما في فايده
اخواتي انا واايد تعبانه نفسيا وفكرت اني اتطلق منه..بس المشكله اليهال
اللي مصبريني عليه..المشكله انه هاملنا ولا يطلعنا ..ما عارفه شو اقول.
شو تنصحوني ياخواتي الغاليات..والسموحه اني غثيتكم بمشكلتي.

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[al3yon121]

لاحول ولاقوة الا بالله
اختي انتي لازم اتكلمينه واتوقفينه عند حده
انتي حرمته ولج الحق بكل شي
حاولي اتعرفين الاسباب اللي خلته جيه
وقولي له منو اتفضل عيالك وبيتك ولا هالبنات اللي مايخافون الله
والطلاق مو حل حق كل الامور
واذا شفتي مافي فايده منه
دخلي واحد كبير فالعايله يتصرف وياه
وربي يفك ظيقج وويفرج همج

[اللهم إسعدني]

الله يصبرج اختي

... ويهدي ريلج

والخوات مابيقصرن ان شاء الله

[ام ذيااابه]

الله يعيينج ياااختيه والله ان فاالج الجنه على صبرج لو وحده غييرج جاان سوت شي غلط الغالية كلمي حد من هاج خلييه يرمسه واي شي ترا نحن حااظرين الغالية والسموحه

[law]

الله يعينج توجهي إلى الله وأدعيله بالهداية والصواب

بس الطلاق مب حل إلا بداية مشكله الله لا يقول ع العموم البنات ما بقصرن معااج

[...(مريّة)...]

لا حول ولا قوة إلا بالله ،
قولي له : ترضى أنا أخونك ؟
أعتقد لو فيك ذرة رجولة ما
بتخوني ! الله يهديه يا رب

[khaleejiya]

كلميه واذا ما تأدب خلي حد من اخوانج او اخوانه يكلمه عسب يوقف عند حده وبنفس الوقت بتفشل جدامهم

[مستركوس]

كلميه واذا ما تأدب خلي حد من اخوانج او اخوانه يكلمه عسب يوقف عند حده وبنفس الوقت بتفشل جدامهم

لا فديتج هالايام يفتخرون انهم يرمسون ويا البنات

ولا يستحون

اللي يرمس ويا البنات دليل انه عنده شخصية قوووية
عسب جيه البنات يرمسونهم
هذا الكلام الشباب اليوم مب كلامي

[العذوب]

السبب من البنات اللي ما يخافن ربهن والا من ريلج اللي ما يخاف ربه ؟؟


عشر سنين كاملة وهذا اسلوبه .. لو هي وحدة تعرضت له بقول من البنت لكت هذا استايل ريلج وهذي طريقته ..

[lemon202]

الله يصبرج على ما بلاج خبري ابوج علية ولا حد من اهلج عشان يوقفه عند حدة شو هاي المصخرة اختي بقول لج شي لا تسكتين لانج بتندمين وبدمرين حياتج بالسكوت انتي نفسيتج بتتعب

[مويز]

اختي حاولي تيلسين ويا ريلج وتسالينه ليش يكلم بنات قوليله اناااا مقصره معاك في شي

انصحج انج ماتطلقين لانه ماشي فايده من طلاق

حاولي انج تكونين مع ريلج في كل شي وانج ماتعصين امر بعديه عن المسنجر بانج تقوليله مثلا عازمتنك في مكان او انكم تسيرين انتي وهو وعياااايل مركز تسوق

[كريزي مون]

المشكله اني دايما ازعل واسير بيت اهلي ..بس ابدا حتى ما يسأل عني ..تصدقون من فتره اكتشفت انه يرمس
بنت اردنيه عن طريق المسن تعرفون شو تقوله تسأله عن الاشياء الخاصه اللي بيني وبينه...وقققحه..وتغار مني..
وتبغي تزوجه..اه اه..والله يابنات ما عارفه شو الحل ويا هالريال..اذا كلمته يكسر كل شىء فالبيت.حتىالبومي مال
العرس طراه..تعبت والله تعبت.

[وردة الجاردينيا]

ما عليهمنو الوقه البنات اللي يرمسنو ريلج و الا ريلج اللي هب محترم حرمته و يروح يدور على الحلال

ختيه بدل ما تدعين على البنات ادعي لريلج

انا اقول لا تكلمينه لانج مهما كلمتيه بيسمع كلامج من اذن و يطلعه من الثانيه لانه هو مقتنع باللي يسويه و ما يترياج تبينين له اذا هو صح ام غلط

رايي تصلين و تدعين ان الله يهديج و يرده لج

[كريزي مون]

الحمدلله انا دايما ادعي في صلاتي ان الله يهديه..بس اذا هو انسان ما يعرف ربه ولا يصلي..كيف الله بيهديه.

[وردة الجاردينيا]

الحمدلله انا دايما ادعي في صلاتي ان الله يهديه..بس اذا هو انسان ما يعرف ربه ولا يصلي..كيف الله بيهديه.

ما ادري هالرياييل شو يبون عندهم الحلال و يدورون الحرام

الله يهديه يارب