انا وحمياتي... شو الحل؟؟؟

[نثرة]

بصراحة يا خواتي هذي اول مشاركة لي في المنتدى،،، وما حبيت انها تكون بمشكلة اعيشها كل يوم واموت فيها كل دقيقة،،، ساعدوني شو الحل؟؟؟

انا انسانة متزوجة من 5 سنوات وعايشة ويا اهل ريلي وكافية خيري وشري مثل مايقولون،،، مشكلتي في حمياتي الله يسامحهم ولسانهم الطويل اللي يلسعني كل يوم،،، انا وايد مسالمة وياهم وصوتي محد يسمعه وكله اقول الله يسامحهم بس لين متى؟؟؟

يتعمدون يضايجوني ويحرجوني جدام كل حد القريب والغريب،،، يعني بخبركم عن بعض المواقف وانتوا احكموا،،،
بالصدفة كنت مارة وسمعت حميتي تضرب بنتي واتقولها يابنت (الكلبة) عزكم الله والثانية تتامر عليه واتقولي قومي نشي هاتيلي استكانة جاهي والثالثة تاخذ مفتاح سيارتي وتطلع فيها بدون مشاور،،،

شو الحل؟؟؟
مب قادرة ارقد من الضيج اللي فيني ولا قادرة اكمل الموضوع من كثر ما اصيح

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[غلاتي أنا]

الله يكون في عونج
اذا ريلج زين حق طنشييييييييييييييييييييييييييييهم
الله يهديهم بس
الله يصبرج وانشاءالله بيطلع لكم بيت وبترتاحين
ومأجووووووووووووووورة فديتج
صدقيني بتكبرين في عين ريلج
ربي يحفظج انشاءالله

وتقبلي مروري

[shamsih-212]

الغاليه لاتضايجين ولا شي المثل ايقولج ماعلى السحاب من نبح الجلاب
والكلاب تنبح والقافله تسير
لا تصدعين راسج وياهم طنشيهم
انا مابا احرضج عليهم لاكن لاتكونين ضعيفه هم يحاولون يستفزونج عشان تضاربينهم بس انتي عاقل وطنشيهم والحقران يقطع المصران ولا تخسرين ريلج بسبتهم والله يهديهم

[احبه موت]

لاتسكتيييييييييييييييييييييين عنهم
شو الدنيااااااااااااااا
فووضه !!
عجيب

[رووح حمد]

ماعليه الغاليه اصبري وحتسبي عند رب العالمين..

بس فديتج انتي صح مسالمه وكافيه خيرج وشرج بس بعد لا تكونين في حالج لدرجه انهم يحطون في بالهم ان ماعندج شخصيه ويتجرأون عليج..

انا ماحرضج عليهم بس حاولي تكونين معاهم اووكي تقربي منهم بطريقه ما تذلين عمرج عليهم..!!

[شما المحيربي]

هلا حياتي ------- تعرفين ليش ايظايقونج لأنج مميزة باخلاقج ^_^

وربي لنهن زعلانات انج هب من طينتهن ^_^

احمدي ربج و اشكرية انج مميزة عنهن ^_^

و بالعكس لا اتردين عليهن لين ما يعرفن حدودهن وياج

[ام المهااا]

حاولوا تطلعون من عندهم يعني اسكنو في شقه..

[07 أم حارب 20]

أكبر طااااااااااااااااف ... هم يبون يضايجونج وبس .. إسأل مجرب ..
هههههههههههههههههههههه
مردهم يعرفون المعدن الأصيل .. من التقليد والمظاهر الجذابه ...

خليهم ولا تفتكرين .. بس حفظي عيالج وأغراضج عدل ..
والله يفرج همج يارب ..

[دريمه]

مايفل الحديد الا الحديد
انا الصراحه ماارضى حد يدوسلي على طرف هي عندها لسان انا بعد عندي
شافوج ساكته قالوا هذي ينقص عليها وماخذات راحتهم
والمفروض ريلج مايرضى عليج

[بطاقه]

شو يعني تبون الريال يتضارب ويا خواته ما يصير ..
اختي انتي عاقله وكل بلوى وراها أجر إن شاء الله
وهذا اللي يصبر المسلم انه ما يبا غير الأجر

الله يفرج همج

[هوتميل]

انتي ليش ساكته عالوضع ,, عندج السان ردي عليهم ولا تخلين حد يهين كرامتج ,,,,,,, تراهن يتمادن في المعامله الزفته هااي لانج ساكته ,, انا ما اشجعج على المشاكل بس تسكتين مره مرتين بس الثالثه لاااااااااااااا

[قصايد الهاملي]

الغاليه لاتضايجين ولا شي المثل ايقولج ماعلى السحاب من نبح الجلاب
والكلاب تنبح والقافله تسير
لا تصدعين راسج وياهم طنشيهم
انا مابا احرضج عليهم لاكن لاتكونين ضعيفه هم يحاولون يستفزونج عشان تضاربينهم بس انتي عاقل وطنشيهم والحقران يقطع المصران ولا تخسرين ريلج بسبتهم والله يهديهم

هاي الرمسه السنعه الاخت معاها حق

بس انتي حاولي انج اترمسين ريلج بس بأسلوب يعني مممم كيف افهمج مممم يعني قوليلي عن اللي يصير

[طي السنيين]

لما تقول سيري يبيلي غرض بعصبيه لا تردين عليها سيري حجرتج ولو صرخة قولي لها إحترميني أول
ومفتاح سيارتج خبيه ولو تطلبه بقلة أدب لا تعطينها قولي لها إحترميني أول
ما أقولج قلي أدبج لا بس لازم من ردة فعل تبين رفضج للوضع بكل أدب وإحترام إنتي تقدرين تفرضين إحترامج على الكل
أقل القليل عدم تنفيذ طلباتهن الغير محترمه
وإلزمي حجرتج أبرك لج إشغلي وقتج فيها مثلا سماع شريط قراءة كتاب أو النت
أو إحفظي القراءن

أكثري من الإستغفار

[ميميه88]

فديتج ترى انتي عاطتنهن المجال عشان انهن يطاولن علييييج لاتسكتين الهن ولاتكونين شرات اسلوبهن بس حقج لاتسكتين عنه ويوم تسمعينها ترمس وتسبج سيري الها قوليلها ترضين انيه اعق عليييج هالرمسه؟وبعدين خبري ريلج ليهن لاتمين جيه ساكته ترى والله بيطولنها اكثر واكثر

[نثرة]

مشكوراااااااااااااااااات خواتي وما قصرتوا... وربي يسعدكم ولا يبليكم
واكيد اني بستفيد من نصايحكم وخبراتكم... ولازم مجرى حياتي يتغير ويكون في حد لهذي التصرفات... الله المستعان وجزاكم الله خير فديتكم

وما اقول الا