>>ساعدوني<< كيف تهتمين بالخياطة (بعد الولادة الطبيعية)؟؟؟

**زمردة** · 2008-03-26, 00:23

[CENTER]

اشحالكم اخواتي..
بصراحة انا لي تاريخ اسود و مؤرف مع الخياطة لأني وااااااايد تبهدلت يوم ربيت الصيف اللي طاف.. طبعا الدكتورة كانت مسكينة خياطتها اوكي لكن انا الغبية اللي ماعرفت كيف اهتم و اتحمل على عمري ..
حرام اني نسيت ويع الولادة و الربا و سهر الاربعين لكن الم الخياطة مستحيـــــــــــــــــــــــــل انساه..
المشكلة العودة الحين>>

اني رديت حملت وبربي هالصيف انشالله..تميت اصييييييح لأني تذكرت الخياطة.. عقدت عمري و ناس واااايدين بعد.. و اسمحولي اذا زيغتكم..

ما أقصد والله

بغيت من كل وحدة عارفة كيف تهتم بالخياطة تخبرني ..و تشرحلي بالتفاصيل.. حرام اني جربت الملح و برمنجنات البوتاسيوم والبيتادين و مااااااخليت شي.. لكن يمكن ماعرفت الطريقة الصحيحة للإستخدام..ارجوكم بنات هذا موضوع مهم و واااايدييين يشكون منه

اللي تتفيج تشرح طريقة بالتفصيل لا تبخل علي.. و عشان تعم الفائدة للجميع..

والسموووووحة[/CENTER]

المزيد من آخر المواضيع من نفس القسم:

**دلوعة حبيبي** · 2008-03-26, 00:31

فديتج مب انتي بس بروحج انا بعد صار لي التهابات من الخياطه شديده
وييييه الله لا يراويج شقايل يلدي اتيرح وصارت المنطقه خلاص دمرانه
بس الحمد الله كل شي تعالج ورد على وضعه الطبيعي
المهم ...
ما علينا هالشي طاف حاليا انا بعد شراتج حامل
وانا استخدمت ماء+ملح [ملح البحر اللي عند العطار]
مممم وغسول سيباميد وايد احسه اوكي
حتى ما اتيني التهابات حاليا اتغسل فيه ....
الله يقومنا بالسلامه
ويبعد عنا هالمعاناه

**حور البحر** · 2008-03-26, 00:35

خوفتوني

اانا مربية قيصريه وماعانيت جيييييييي الحمدلله

والحين ادعي اربي طبيعي هالمره

بس شكل الطبيعي اخسسسسسسسسسسسس

**دلوعة حبيبي** · 2008-03-26, 00:42

لا فديتج والله الطبيعي اخير من العمليه

**شرجااوية** · 2008-03-26, 00:55

عني انا الصراااااااااااحة امي كاانت اتيييب لي طشت واتحطي فيييييه ماااااي يكووون شوووية حااار بس واااايد انه يحرقج وملح واييلسي فيييييييييييييه تقرييبا لمدة ربع ساااعة وكل مرة تتغسليييييييييين هااتي اييدج ولازم اتكوون نظييفة ونظفي المكاان تحت حتى انج بتحسييين بالخيااطة ويووم بتنشفيييييين المااااي لازم بفووووووووووطة احسن عن الكليينكس طبعا ساالفة تنظييف هالمكااان انا ماا سويييييييته لاني الصرااحة خفت ولاعت جبدي اني المس هالمكااان خخخخخخ بس اختي قاالت لي عنه وكل خوااتي سووووه

شرجااوية

**اتعبني@غروري** · 2008-03-26, 09:06

يلا فيدونا اكثر حبايبي

**fashions** · 2008-03-26, 09:46

مين قال استخدمي الملح والماء في الخياطه
اساسا الملح يشد المنطقه ويشد الخيوط ويخليها تطيح والجروح ماالتأمت ابدا
الملح ماتستخدميه الا بعد ثلاث اسابيع يعني بعد ماتطيح الخيوط
وبداية النفاس اتركي كل شي طبيعي ولاتستخدمي اي شي غير الماء الدافى فقط والكريم اللي تعطيك اياه الدكتوره حطيه على الجرح والخيوط ..والجلسه لمي ارجولك لاتتربعين ابدا ونشفي المنطقه بعد ماتطلعي من التواليت كويس بالتربيت مش مسح
وبعد ماتطيح سوي اللي تبين
اتمنى افدتك
ودعواتك

**ليندااااا** · 2011-12-24, 08:30

المشاركة الأصلية كتبت بواسطة fashions

مين قال استخدمي الملح والماء في الخياطه
اساسا الملح يشد المنطقه ويشد الخيوط ويخليها تطيح والجروح ماالتأمت ابدا
الملح ماتستخدميه الا بعد ثلاث اسابيع يعني بعد ماتطيح الخيوط
وبداية النفاس اتركي كل شي طبيعي ولاتستخدمي اي شي غير الماء الدافى فقط والكريم اللي تعطيك اياه الدكتوره حطيه على الجرح والخيوط ..والجلسه لمي ارجولك لاتتربعين ابدا ونشفي المنطقه بعد ماتطلعي من التواليت كويس بالتربيت مش مسح
وبعد ماتطيح سوي اللي تبين
اتمنى افدتك
ودعواتك

ماشاء الله عليج كفيتي ووفيتي
وبقلج صاحبة الموضوع كل ما تغيرين استخدمي الكريم الي بتعطيج اياه الدكتورة يعني انا كنت استخدمه تقريبا عشر مرات باليوم طبعا بدهن الكريم بتربيت مب بالمسح عسب ما اأذي نفسي
ولا تحاتين الخياطة بالبكرية تختلف عن الخياطة بالمولود الثاني
الله يسهل عليج

**بطوه** · 2008-03-26, 10:10

بغيت اعرف خواتي الملح اللي تستخدمونه هو نفسه الملح العادي مال الاكل؟؟؟

**جدايل** · 2008-03-26, 10:45

مثل ما قالت الأخت الملح في البداية يشد ويفك الخيوط .. أفضل تستخدمين البيتادين في ماي دافي وتيلسين فيه على الأقل مرة كل يوم .. وقت التبديل تتغسلين بماي دافي كل مرة واذا كان الشطاف ميه بارد حطي عدالج كوز تخلطين فيه ماي دافي عسب تتغسلين فيه .. ولا مانع من استخدام غسولت مطهرة مثل السباميد او سييتيال .. وبعدين نشفي عدل وحطي كريم على الخياطة , أنا استخدمت امبو ريحته مش حاوة لكن يبري اليرح بسرعة .. والله يشفي الجميع ان شاءالله ..

**زمردة** · 2008-03-26, 10:56

مشكورين حبايبي عالمرور... اتمنى اني ما اتعذب مرة ثانية.. لا.. الخياطة كوم والامساك روحة كوم

الله يقومنا بالسلامة اجمعين..

واللي عندها أي شي بتزيد
.. تتفضل.. عشان يكون مرجع لي يوم أربي..

السموحة

**مياري** · 2008-03-26, 12:04

أمييييييييييييييه جان أخاف

في ولادتي الأولى كان البيبي صغير وما سوولي جراحه ولا خياطه الحمد لله يعني للحين المنطقه ما تعرضت لأي تغيير بس كلامج خوفني .....

داشه عشان أستفيد من تجارب باجي البنات

**missuae3003** · 2008-03-26, 12:15

انا ماعندي فكره .. لأني بعدني ما حملت ولا ربيت ... بس الكلام يخوف ....

**للصبر آخر** · 2008-03-26, 12:39

امهاتنا الاولياات ما يتدااون الا بالمللللللللح صح ما كاان عندهم عملياات ولالاشي بس انظااف ويتدااوون بالملح انا بكل ولاده ابصرااحه ما استغنى عن الملح والمره اولالا يحاافظ ع المنطقه من الالتهاب ويششششد الخييووط وما يخليها تم واايد اييب طش واحط فييه مااي داافي وملح ومره (( ملح الاكل )) واقعد فييه ومن تنشي نشفى المنطققه بتحسيين برااحه ..

**للصبر آخر** · 2008-03-26, 12:41

المره طبعا اكوون امودنتنها بمااي في دبه كل ما اقعد بالطش اصصب اشووي منهاا ..

الموضوع: >>ساعدوني<< كيف تهتمين بالخياطة (بعد الولادة الطبيعية)؟؟؟

أدوات الموضوع

عرض

العرض المتطور

>>ساعدوني<< كيف تهتمين بالخياطة (بعد الولادة الطبيعية)؟؟؟

المزيد من آخر المواضيع من نفس القسم:

المواضيع المتشابهه

كيف تهتمين بعمرج بعد الولادة؟؟

طريقتي في العناية بالخياطة وجرح الولادة

كيف تهتمين بجسمج بعد الولادة

كيف تهتمين بالخياطة .. لصاحبات الخبرة .. ضرووري ما عليكم امر ..

تهتمين ببشرتك!! تهتمين بأظافرك !! إذا لدي ما يهمّك