بنتي عمرها 7 شهور

[أم عليونة]

اشحالكن خواتي.......ان شاءالله بخير
عندي بنت(البكر الله يخليلي اياها) عمرها 7شهور ...وبديت اطعمها فشو تنصحوني ابتدي وياها.......الدكتور قالي عطيها وجبه وحده بس (ارز بالحليب) وعقب شوي شوي ادخليلها الخضره والعيش....وخواتي يقولولي ما عليج من كلام الدكاتره وعطيها كل شي لانها كبرت..........فأنا محتاره شو اعطيها وهي وزنها ما يزيد ...اللي يشوفها يستغرب انه عمرها 7شهور يعطونها بنت 5 شهور .........وللعلم انا اعطيها بس حليبي واحس انه بدى يقل فشو تتنصحوني..... ويزاكم الله خير

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ساره المزروعي]

السلام عليكم الغاليه عطيها الخضره المسلوقه ويا العيش واخليطيه في الخلاطه وعطيها العصر فواكه الو سيريلاك وعصير تفاح او برتقال خففيه ويا الماي واي شي مفيد عطيها انا بنتي عمرها 5 شهور اكلتها والحمدالله صحتها اوكي

[أفا ياقلب]

عادي اكليها وماعليها شر انا بنتي اكلتها فارليز وهي ام 4 شهور ومن 5 شهور عطيتها روووب وبعدين خضرا

الدكاترة الوافدين يقولون نحنا نعطيهم حمص في الاربعين هههههههه

[فروحـه]

لما بديت أوكــل بنتي ...

بديت معاهــا ببطاط مهــروس تقريبا لمدة 3 ايام ومره وحـده باليووم ... وعقب كوســا مهــروسه نفـس الشــي 3 ايام ومره وحده باليــوم...

وعقب الاســبوع اللي بعده خـلطت الصــنفين مع بعــض ,,,,

وعقب عطيتها فواكــه مثــل تفــاح وكمثـــــــرى ,,,,

وكنت اعطيها بســكوت اطفـــــــال وخلــطه مع الماي الدافي,,, بس الطــبيب نصــحني اخــلطه بالحــليب بس انا كنت احســه يســتوي ثقــيل عليها ...

وعقــب جربي تعطيها عــيش مهــروس بالخضــروات .. ولما تكمل 9 شــهور باتدي اخـلطي الدياي مع العــيش واهرسيــهم ...

واشـوي اشـــوي على البيبي لأن ما يستحمل وجبــات متنــوعه ولازم تتأكدين اذا هالصــنف ما يســبب لها حســــــاسيه او مغــص ,, اذا شــفتي كل شي اووكي اســتمري ...
واذا رفضــت وجبه معــينه خلاص لا تعطينها غيري الصــنف وعقب جم يووم ردي عطـــــــــيها مره ثانيه

[روح البلاد]

الغاليه انا بنتي عمرها 7 شهور لكني من فتره ااكلها..
اعطيها عالغدا خضرا مفوحه ( بطاط جزر زهرا كوسا وعيش مصري) بالخلاط طبعا..
بس انتي لا تعطينها مره وحده كل يوم جربي شي اذا شفتي كل الخضرا تناسبها عقب اخلطيهم..
عقب فتره دخليها الفواكه عق المغرب بعد اخلطيلها تفاح كمثرا عنب الموز ابدي بشوي لانه يسوي حساسيه لبعض الاطفال ..
اذا تبين عصير برتقال نخفف..
بس هيه 7 شهور ما شاء الله الحين لازم تاكلينها ما يكفيها حليب الام بس..

والله يحفظها لج يااااارب.

[اتعبني@غروري]

انا مرت اخوي تعطي بنتها كل شيء لا تحاتين حبيبتي هيه بدت من الشهر الخاامس ..

يعني ما عليها خووف حبيبتي ,, حتى بنت اخووي الحين 9 شهور واللي يشوفها يقول 4 او 5 شهوور وايد ضعيفة

[سحايب دبي]

7 شهور وبعدج تفكرين شو تعطينها
توكلي بها على الله وعطيها من اكل البيت بس اخلطيه في الخلاط عشان تقدر تبلع
وشوي شوي شوي لين تتعود تاكله من غير حرس في عمر السنه والله يباركلج فيها

[أم كنه]

انا بنتي 7 شهور مثل بنتج بس بديت وياها ف 4 اطعهمها بس الياهل مايقدر ياكل كل شي مثل مايقولون لج لانه مايبلع مثل الكبير فشوي شوي عليه ..وانا بعد حسيت حليبي بدا يقل وتصيح ..فمثل ماقالوا لي الدكاتره بقولج ..فوري لها دياي وبعدين خلطيه فالخلاط ويا ماي الدياي وبعد فوري وياه بطاطس حبه وكوسه وخلطيهم ويا الدياي وبتحسين صار عندج شوربه وكل يوم عطيها هاي يقولج وجبه كامله لانه الياهل يحتاج بروتين ولاتعطينها جزر لانه يخلي لون الياهل اصفر وياثر حاليا ع خلايا المخ ..انا كنت اعطي بنتي وشفتها تصفر ومنعتني الدكتوره ..وفوري بيض بس صفار البيض عطيها يكون مفور بس مب وايد ..وعندج عيش وروب بس العيش شوي مستوي مثل الماي عشان تقدر تاكله ..وبالنسبه للعصير يقولج عصري برتقال بالخلاط افضل لانه ينخلط مع اليافه ويكون فايدته افضل ومره خلطي لها تفاح بس يسبب امساك لاتاكلينها منه كل يوم وممكن تعطينها جبنه كيري المربعه ..لانه الياهل لازم ياكل اكثر من شرب الحليب خاصه فهالاشهر ..وبعد سويلها ب 5 ملاعق صغيره من بودره ميلوبا عندج انواع وايد ..فيه نسبه حديد والياهل يحتاج بس لاتكثرين منه ع كلام الدكاتره يقولج ينفخ فخوذذ الياهل ويسبب له مشاكل مستقبلا..
يعني ممكن تسوين كل يوم من الصبح بيضه وجبنه .الظهر الشوربه العصر العصير والعشى العيش والروب وممكن تعكسين بين العيش والشوربه ..وعندج سمون ويا حليب او خبز رقاق وحليب وشوفان بس كم مره فالاسبوع ..

[أم عليونة]

يزاكن الله خير

[مشمشة]

ليش ما دخليلها حليب يساعدها ع النمو ويساعدج بعد..........