أيام حلوة

**احساس روح** · 2008-03-22, 21:21

مرحبااااااااااااااااااا والله :

وحشني شوفة أصحابي وربعي والغلا مستور
أخبي عبرتي لامن ذكرت بيوم جمعتنا
تغير قولتي "ابله" وصرنا نقول يا" دكتور"
نقول القاعه يا دنيا زمان نقول حصتنا
جلست بداخل القاعه ذكرت ايامنا بالدور
وضحك(ن) كان يحوينا ولاتكفي شطانتنا
نزعل بعض احيان ولكن ما نعرف نجور
ونرجع من بعد زعله ترجعنا صداقتنا
نحاتي بعضنا دايم ويعجبنا رجل مشهور
سوالفنا عن الموضه عن الحب وعلاقتنا
وهذا اليوم قد صارت سنه راحت معاها شهور
وافكر كيف هالدنيا خذت منا وناستنا
انا ما بين ناس اغراب وسط قاعه مع دكتور
احاول اخنق العبره وانا اذكر كل حكايتنا
سمعت اغنية(ن) جابت من اقصاها بقايا شعور
يغنيها علي محـــمد وهي عيال حارتنا
رجا فيها الا يا دنيا الا ليت الزمان يدور
ويرجع وقتنا الاول وننعم في بساطتنا
وانا رديت في بيت(ن) من الخافق ولامكسور
اضحى بالعمر كله لجل ساعه بشلتنا
وابيــــع النـــاس والعــــالم وراه قبـــور
وكل(ن) راح يمشي له طريق يقول :عيشتنا
انا مابي سوي لحظه وعلي الفرقا انا مجبور
نضيق اليوم من يقدر يبدل وضع ضيقتنا
ظلام(ن) دامس موحش انادي فالخفا يا نور
ابي ربع(ن) ليا من طحت عرفت شلون قيمتنا
بساطه في فرح دايم غلا صادق وله سرور
نخطط كيف بالكـذبه نضيعها دراستنا
تخرجنا نعم ادري وكلن داخله مقهور
فرح لكن مع الفرحه دموع تضم حفلتنا
بكينا والبكى فينا ولا لحظه ابد مهجور
دموع(ن) حرفها صادق وتعرف كيف وحشتنا
تعرفنا على ناس(ن) جديده والغلا مستور
ولاحد(ن) يوصل لحب(ن) جمعنا وسط شلتنا

لكل وطالبة خلصت الثانويه

الموضوع: أيام حلوة

أدوات الموضوع

عرض