بنات تعالوا أبيكم شوي

[أم وهج]

قوووه بنات
بصراحة متضايقة لاني زعلت بو وهج ... وحتى هو كان غلطان ... المهم هو بطريقة غير مباشرة كان يتقرب مني ويحاول مني مناك بس كنت معطته طااااااااااااف
والحين هو بعد أونه زعلاان
وهذي اول مرة من تزوجنا مانحاجي بعض
عطوني أفكار حلوة عشان خلاص مليت مو قادرة أظل جذي..
وزوجي ترى يكمل دراسته برا وبعد اسبوع بيسافر

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غيمة عناد]

كبريها بتكبر،،،

وصغيرها بتصغر،،

سيري بوسيه علىراسه،،

بس بشويه دلع وزعل ،،،

حركات يعني ،،، مع ابتسامه شريرة ونظرات بريئه ،،،،

الله يبعد عنكم الشيطان يارب،،،

[احبه موت]

روحي اعتذريله وسامحيه
وانسي الي صار حبوبه
وربي يسعدكم دوم

[الأميره...]

كوني عاديه ولا جنج زعلانه رمسيه عادي ودلعي عليه وسويله حركات

[فيء]

طرشي له مسج ...

وقولي له .. الحقني على غرفة النوم...


عاد انت هناك قومي بالمطلوب...

يعني كوني مجهزة الغرفة ونفسج...

مب لازم شي فخم وراقي ... أي شي بسيط إذا ماعندج وقت...

وأول مايدخل الغرفة...

حطي في ايده ورقة مكتوب فيها...

( ما أقدر على زعلك )

وطبعا لاتنسين تطبعين على الورقة شفايفج بعد ماتحطين روج...


بالتوفيق...


^^

[بنوتة80]

اعتذري منه مافيها شي

سويله عشا هو يحبه وجهزيله اياه على السفرة مع كرت اعتذار وبوسه عالراس

[أم وهج]

بنات والله ماقصرتوا يزاكم الله الفردوس
طبقت بعض من أفكاركم دزيتله مسج الحقني عالغرفة
وكشختله وعطيته كرت مكتوب عليها ماقدر على زعلك ياحبيبي

[حزن قلبي]

لا تخربي على عمرج مدام انه بس اسبوع و بيسافر سيري راضيه و بوسيه على راسه

[al3ion]

انا لو كنت زعلانه ولا هو زعلان وشفت نفسي خلاص مب قادره ع زعله

اروح له وابوسه ع راسه من غير ماارمس وهو فديته يبتسم لي وننسى ومانحط شي ف بالنا

[pink 7]

جهزي غرفة ااالنوم وعزميه على عشااااء برع البيت وااذااا حبيتي سويله عشاااء في البيت

اشتريله هديه بسيطه حتى لو ورده حمراء اعتذري له بطريقه رومانسيه وقولي له الاياااام اللي طااافت

بدون مانتكلم مع بعض كنت كأني جسد بلايا روح او عااااد البااااقي عليج (( ؟؟؟؟؟؟؟؟؟؟؟؟؟؟؟؟؟؟؟؟ ))

[غلا الدنيا]

طرشيله مسج اعتذاار .......
وطرشيله بطاقت دعوه عزميه على غرفة النوم زيني وعدلي وانتي بعد واتعرفين الباقي راضيه بدلع وحركات حلوه

[حـقـانـــيــــه]

حبيبتى لالالالاتضيعين ولالا دقيقه والله عن تجربه نفس الشى بو الشباب كان يدرس و كنت زعلانه وسافر بدون وداع ولاكلمه ما تتصورين اشكثر ندمت والله كل ما اذكراموت مكانى وغض اصابع الندم
طرشيله هالمسج واااايد حلو
حبيبى الغالى
قلبى يحن ويعتذرلك مع كل نسمه هوا
مع كل ضمه صدر
وبقولك حقك على وغلطه ما تتكرر
تسود الذنيا بعينى اذا ضاق صدر منى
ما اسامح نفسى مذام نبضك فى شراينى
وهذى بوسه على الراس وضمه لحضنك الدافى واقولك
ّّّّانا اسفه يابعد عمرىّّّّّ
وبعد هالمسج حلو
أهديك سلام ما ينعد
وباقه ورد
وبوسه خد

وانا انتظر منك الرد!!!!!!!!!!

[أمورة]

الخوات ما قصرن ما شاء الله عليهن (^_^)

و انتي شكلج ما شاء الله عليج حرمه عاقله دامج ييتي تبين طريقه تنهين الزعل. العناد ما يفيد في الحياة الزوجيه (^_^) حلو العناد بعض المرات على سبيل الدلع بس اذا الوحده حست انه بيخرب حياتها احسن لها ترضخ لريلها و ما تعاند. مب تنازل ولا شي بس الريال يحب حرمته تطيعه.

الله يخليكم لبعض ياااا رب و ان شاء الله تعود المياه لمجاريها و يسافر زوجج بالسلامه و قلبه مليان حب لج انتي بس.

و السموحه